السلام عليكم
معليش العنوان مؤذي شوي بس قبل لا يجي احد يهاجمني على العنوان يتذكر اني عربي يعني ما احد احسن من احد بشي
مقدمة للعنوان بس سوري
موضوعي وبكل بساطة بقولو ليش ما منشتري او مننفع بعض او ليش منشتري برامج او اي شي من الاجانب وليس من العرب مع انو عنا بعض الاشخاص مشاء الله عليهم مبدعين
السبب بكل بساطة اننا نفكر بالقليل القليل فقط يعني مثلا لما طول عليكم
اشتريت برنامج لاحد مواقعي وبعد ما رد بنفس اليوم تم التحويل وبقيت اسبوع بيد واسطة وما بعرف شو لقدرت احصل على البرنامج واخر شي طلع اخونا واضع ملافات تجسس فيه واكيد مشفرو بالزند
قلنا بسيطا حلال عليه لي اخذو بس هيدا خلاني ما افكر ببرامجو ابدا ولي بيسئلني اكيد بقلو انو نصاب
يعني اكيد خسر كتير عملاء وليش ؟ ما بعرف بصراحة
رحنا عند شركة ثانية واشتريت منها نغس البرنامج تقريبا وبرضو ردو عليي بنفس اليوم وارسلو الملف ثاني يوم مشاء الله
طلعو كل الملفات مشفرة بالزند قلنا بسيطا هم برمجو من حقهم مع انو ممكن القصة تنحل بتشفير ملف واحد مثل كل البرامج الاجنبية بس برضو العرب بخافو كتير
مشي حال البرنامج وطلع فيه عيب صغير وراسلت الشركة لحل هل مشكلة (( الكلام من شهرين وللان ما في جواب منهم ))
برضو الان ببحث عن سكربت غيرو بس ببحث بالشرك الاجنبية لانو بصراحة ما منستاهل انو نبرمج ونبيع
ما رح اذكر اسامي لي شتريت منهم لاني عارف انو الموضوع رح يتسكر او عضويتي رح تنمسح ما بعرف ليش منحب نخبي على اغلاط غيرنا
يمكن هيدا موضوع للنقاش يمكن لفشت خلقي ما بعرف
بس حبيت اكتب هنا لاني بعرف انو هل موقع فيه اخوان عادو ويعانون مثلي
وتحياتي لكم واسف من جديد على العنوان
رد مع اقتباس
