ممكن شرح ضبط باك اب السيرفر

[fadi typical]

السلام عليكم ورحمة الله وبركاتة

الاخوة الافاضل خبراء ادارة السيرفرات

ممكن اجد لديكم شرح وتوضيح بسيط عن كيفية ضبط الباك اب للسيرفر من داخل الشيل بالمستخدم root

علماً بان السيرفر بة عدد اثنين هارديسك الاول اساسى والثانى مخصص للباك اب

فكيف يكون ضبط الباك اب اليومى والاسبوعى بالتوقيت والساعة المحددة

اتمنى منكم المساعدة

وشكراً جزيلاً لكم مقدماً

[الخليج المتقدمة]

شوف بشرحها لك وبدون تعقيدات

ترى ما يخلي الواحد يضيع ويرجع للخبراء وتسييل المحافظ على أهل الخبرة إلا هالتعقيدات

<<< أحلى يا محافظ يا أبو أسهم


تدخل على لوحة الـ whm

تحصل على اليسار مجموعات وكل مجموعة تحتها خيارات


تعال بعد النصف تقريباً تلقى مجموعة Disk Drivers

إضغط على الخيار الأول Format/Mount a new Hard Drive

بيطلع لك هاردسكين إختر ثاني

بتشوف مسميه لك إفتراضياً /hom2

انت خليه /backup براحتك طبعاً بس يفضل هالمسمى لكونه إسم يدل على هالشيء

الحين سوي إستمرار وأصبر لين ينتهي تماماً لا تسوي شيء حتى ينتهي


====================

خلاص خلصنا وش عندك تطالع كلامي ههههههههههههههه

فورمات وسوينا وتعرفنا على الهارد الثاني وصارت بيننا وبينه علاقة حميمة


وعلشان هالعلاقة نروح لهم في بيتهم ونهديهم عربون صداقتنا

تدخل الشل وتزورهم في بيتهم اللي إسمه backup

ذا الإسم اللي فوق سميناه ... يعني لو غيرت من home2 إلى fadi بيصير خلاص إسم الهارد الثاني fadi

طيب قلنا ندخل للشي ونسوي كذا

cd /backup

الحين دخلنا في البيت .. يلا نقدم لهم الهدية بهالطريقة اللبقة

mkdir /cpbackup


====

نسوي مراجعة بسيطة للدرس


سوينا فورمات للهارد الثاني وتعرف سيرفرنا على صديقه من لوحة whm وقدمنا لهم هدية واللي هي أنشانا مجلد عندهم بإسم cpbackup


الحين نروح بس نسوي تفعيل للبكب من الـ whm

نختار من المجموعة اللي على اليسار Backup ونختار منها ثاني واحد configure backup

وسوي مثل ما في هالصورة





وخلاص سلامة تسلم قلبك


تحت تلاحظ إن مكان البكب بيكون في هارد /backup اللي سميناه فوق كنوع من الدلالة عليه

أي تغيير في الإسم ولو ما أنصح فيه غير هنا



وخلاص إنتظر السيرفر حتى يأخذ البكب من روحه


السيرفر من نفسه بيض الله وجهه بيسوي داخل مجلد cpbackup اللي قلته فوق ثلاث مجلدات

daily للبكب اليومي
weekly للبكب الأسبوعي
monthly للبكب الشهري



===================================

ولو بتروح لواحد بيكبرها عليك


ثلاث خطوات :-

سوينا تعريف للهارد
سوينا مجلد cpbackup داخل هارد backup بعد ما سوينا الخطوة فوق
قمنا وفعلنا البكب مع ضبط الخيارات مثل ما فيه الصورة




لو ما عرفت لها ولا تخربطت ولا شيء أضفني وأبشر - إيميلي في التوقيع


أخوك / عبدالعزيز

[7osn.com]

شرح رائع والله
أخى الكريم
بارك الله فيك