شخص يقوم بتهديدي يوميا في أهلي ...

[Njm-Alryiadh]

السلام عليكم ورحمة الله وبركاته ...

اخواني والله ماوضعت هالموضوع الا لثقتي فيكم واعتباري لكم اخوه لي في الدين والعرض ..

اخواني السالفه ومافيها بانه ومنذ ايام يتصل شخص علي يوميا ويقوم بسبي وشتمي وتهديدي بالتعرض لخواتي وأهلي مع العلم بأنه يعرفني جيدا ويعرف اهلي كذالك ووصلت به الدرجة الي تهديدي شخصيا وبالتعرض لي لسبب لا يعلمه ا لا الله ... :con2:


اتمنى اخواني ان تساعدوني في معرفته فرقمه موجود لدي كل ماريد معرفته اسم صاحب الرقم لكي اتمكن من وضعه عند حده

فمن لديه معرفه او طريقه تمكنني من معرفة صاحب الرقم و اسمه او معلومات عنه او يكون على علااقة بشخص في الاتصالاات السعوديه يبلغني و اكون له شاكر


والله على ماقول شهيد ..

اخوكم نجـمـ الريـاض

[عالم المبدعون]

الله يعينك اخوي

و بخصوص الرقم اعتقد شخص مثل هذا تلقاه جبان ومؤكد أنه يستخدم " سوا "

الأفضل انك اطنش الأشكال هذي

[محمد بن عبدالعزيز بن سيف]

هلا اخوي نجم


لايهمك هالبزر...

بس شوف
قبل ماتسوي شىء
خل عندك اثباتات..مثل رسائل ومكالمات...وخل حفظ سجل مكالمات الي 30 يوم منها صادر والوارد وكل شىء طبعا بالجوالات الجديده...


وعلى طول رح لأمارة الرياض ...وعن طريقهم راح تجيبه وتسحبه على خشمه...

لان الاماره راح تسوي تكليف لمراقبة مكالمات الشخص....وتحديد موقعه ومكانه والشبكه اللي يستخدمها والحي اللي هو فيه...


وبالنسبه لأسم الشخص تلقاه يستخدم سوا وش الفائده...


نصيحه رح لأقرب أماراة لك ... وشرط راح توطي على رقبته اذا جابوه لك ...

[palover]

مثل ما قالك شبكة الاصيلة رح الامارة وبيجبونه ساحبينه على خشمه

[MANTEK]

تبي النصيحة والشور لا ترد على مكالماته لو يتصل بك مليون مرة
لا ترد ابد ولو غير الرقم لا ترد
سيبه يدق وياكل في نفسه ورح يطفش ويفكك الله من شره
ترى اللي يبي يسوي شي يسويه بدون ما يقول
اما اللي هرجه كثير اعرف انه خراط ولا يقدر يسوي شي

وسلامتك

[bader_ppc]

أخوي سجل مكالماته عشان تكون دليل إذا اشتكيت عليه

و أدعوا له بالهداية

[© بندر ©]

:eek2: وش مسوي لة انت

الله يعينك يارجل ...
وثاني حاجة .. يمكن واحد عبيط من اقاربك يبي يسوي لك مقلب ويحرق اعصابك
مادام انك تقول انه يعرف اهلك .. ( مين يعرف اهلك غير اقاربك )

روح لأقرب امارة ...مثل ما قالوا الشباب

----
خارج المسار
----
اذا تبي اجيبة لك اليوم
دق على قناة كنوز الفضائية
فية شيخ يمدحونه .. اسألة وبيقول لك اسم جيرانه بعد :funny:

منتديات الابتسامة

[كويتيات]

تقدر توقفه عند حده ...
عليك أول شي الاتصال بـ 902 واطلب الدعم الفني واعطهم المشكله وان الرقم معجك خلال 42 ساعه يكون جواله مراقب بعد التاكد من ازعاجه لك سيتم فصله نهائياً

واذ اردت معرفه رقمه والمساعده هذا رقمي تقدر تتواصل معي
0564124242

اخوك ابو ماجد

[jawad-x]

شباب خلونا نكون واقعيين

من حذر سلم


روح أشتك عليه في الاماره وخلية يتأدب

[Stylaty]

رح لمكتب الإتصالات اللي بطريق خريـص ..

وكلم المدير وخله يشوف الرسائل والمكالمات .. ( أي إثبات )

ومب مقصرين معك

[الفايق]

روح للأمارة راح يجيبونه لك ان شاء الله ...
ولا اوصيك اذا جابوه توطئ في بطنه ...

[WaLeeD]

بلغ الشرطه

وبس


وراح يجيبونه مع خشمه


صارت لواحد اعرفه

كانوا يدقون على جوال اخوه الصغير

ووبحث ولقى الرقم بسم باكستاني

وبلغ الشرطه وكلها ساعات وهم جايبين السعودي صاحب السوا



مافيه حق يضيع والحمد لله

نصيحه رح بلغ الشرطه


واشرح لهم السالفه

واترك رقمه واترك الاماره و اترك كل شي

الشرطه بخدمة الشعب :nice:

[عسول]

اخوي واذا عرفت اسمه انت وش بتسوي ,, صدقني ما راح تسوي شيء

دامه يهددك بخواتك ,, فرح للامارة واشتك عليه ونم في بيتك وينتهي الموضوع وخلاص

[الريس]

رح للشرطة وبلغ عنه مادامك تعرفه

وكانك ماتعرفه عطه الشرطة ولا اتصل على مباحث منطقتك وخلهم يتصلون عليه ويتفاهمون معه

وإذا مانفع

كانك تعرف بيتهم خذ معك عجراء وادبغه :court: وادبغه :court: وادبغه :court: ورح اشتك وخله يتآدب

وكأنك تبي فزعه شباب سوالف مايقصرون

وكأنك تشك ان رقمه ماهو سوا ارسل هنا http://afaa.raslny.com/ ( لكن مااضمن لك ان اجيب الرقم من زمان عن خويي اللي يشتغل بالاتصالات

[أبـو خــــالــــد]

فيه حل مؤقت ورهيب

رح لتحويل المكالمات عند انشغال الخط الى الرقم 999

واول مايتصل اقطع عليه الخط ودايركت بدون مايحس يتصل بمسرح عمليات الشرطة