بخصوص اكاونت اينوم

[ksa@sa]

السلام عليكم ورحمة الله وبركاته

أخواني حبيت أستفسر

الآن لو خذيت أكاونت متكامل من أينوم

وصرت أسوي أكاونت تحت حسابي للعملاء

هل صحيح أني اقدر احجب أو اوقف اكاونت او آخذ اي دومين من دومينات الحسابات الي تحت حسابي

انا مو متوقع هالشيء ولكن شخص كبير في سوالف ذكر لي هالشيء وحبيت أستفسر من الجميع


تحياتي وفائق إحترامي

[ksa@sa]

أين الردود ؟؟؟؟؟

[Suliman1]

لا يمكنك ذلك ولا يمكنك حتى التعديل على النطاقات

[Domain]

نعم ممكن
تقدر تسوي للحساب حذف delete من قائمة الحسابات الفرعيه
وتقدر تتحكم بالنطاقات اللي تحتك سواء تغيير بيانات التسجيل أو فتح القفل أو تغيير الـDNS
أو حتى نقل النطاق لحساب ثاني داخل اينوم push وهذي لحالها مشكله كبيره

لذلك الثقه مهمه ولا تاخذ حساب من شخص ماتعرفه حتى ماتتورط معاه

[ksa@sa]

مشكورين اخواني

خصوصا الأخ دومين بيض الله وجهك على تأكيد الخبر يا أستاذ


تحياتي وتقديري لكل من شاهد الموضوع

[Suliman1]

سبق إني راسلت الدعم الفني وقالوا لي إنه لا يمكن ذلك إلا إذا كان فارغ من النطاقات ولا يحتوى على مبالغ مالية
كنت بطبع لك جوابهم لكن للأسف ما يعرضون إلا الإستفسارات الخاصة بالسنة الحالية

وهذي بعض الإجابات من مركز الدعم الخاص بهم

Can I delete sub-accounts?
You can delete a sub-account from your list if there are no active domains and no funds left remaining. Please note that the account is not actually deleted, but is disabled and the password removed. We retain the account and past data for historical tracking purposes.

ربما هناك مقصد آخر


بالتوفيق

[ksa@sa]

أحترت والله

يا أخوان وش الصحيح في الموضوع ترى والله أنواع الأجابات

الي واثق من كلامه يتكلم

[Suliman1]

اخوي مثل ما قلت لك، سبق سألتهم وقالوا لي إنه لا يمكن للحساب الأب القيام بأي شئ سوى مشاهدة النطاقات
بحثت قبل شوي في مركز الدعم ولقيت إنه بإمكانه القيام ببعض الأمور منها نقل النطاق. لكن ربما المسألة أختلاف بين الريسلر والريتيال، أو إن اللي أجاب على التذكرة السابقة كان غلطان من أصله

فتحت تذكرة عندهم للموضوع هذا، إذا ردوا علي راح أبلغك

وتراها ما توصل للثقة من عدمها، كلنا هنا نتساعد ونتعلم من أخطاءنا وأخطاء غيرنا، وإن شاء الله يردون الأخوان بإجابات كافيه ووافية
ولحد ما تجي الإجابة اتخذ مبدأ الحيطة والحذر، يعني إذا منت واثق من الرجال اللي راح يعطيك الحساب لا تفتح عنده أصلا، ما تدري وش يصير بالأنظمة مستقبلا

[Domain]

الحسابات في اينوم نوعين Reseller - Retail
اذا حسابك ريتيل يكون للحساب الأساسي تحكم كامل في نطاقاتك كأنها له حسب التوضيح اللي في ردي السابق
واذا كان حسابك موزع او ريسيلر فإنت بكذا تكون في أمان أكثر من ناحية انه مايقدر يغير شي من خصائص النطاقات وكل اللي يظهر عنده هو مجرد قائمه بالنطاقات المسجله تحته
وفي الحالتين فيه اشياء مشتركه للحساب الاساسي مثل امكانية تغيير الأسعار للحسابات من النوعين

هذا التفصيل يبين سبب الاختلاف بين الردود .. وفي مثل هالأمور تكون الثقه شي أساسي للتعامل مهما كان نوع الحساب لذلك الحرص مطلوب واتمنالك التوفيق

[KuwaitNET]

retail تقدر
reseller ما تقدر

بس تقدر تزيد السعر على الحسابات اللي تحتك حتى لو ريسيلر

[ksa@sa]

مشكورين أخواني والله يوفقكم