لاحظت في الفتره الأخيره كثرة المواضيع اللي تسأل عن طريقة نقل النطاقات بين شركات التسجيل خاصه بعد التعديلات الأخيره في النظام وإضافة خطوه اضافيه اللي هي كود للنقل تحتاجه بشكل أساسي حتى تتم عملية النقل بنجاح .. لذلك فضلت كتابة موضوع منفرد لتوضيح هذه العمليه حتى تكون واضحه وتسهل على الجميع
النظام الجديد ببساطه هو نفس النظام السابق والطريقه نفسها مع اضافة الحاجه لكود خاص بالنقل
الخطوات تنقسم لجزئين .. شي تسويه بشركة التسجيل الحاليه اللي مسجل فيها النطاق , وبعدها تروح الشركه اللي تبي تنقل لها وتكمل الخطوات
أولاً: في شركة التسجيل الحاليه (اللي تبي تنقل منها)
1. افتح قفل النطاق unlock registrar-lock
2. انسخ كود النقل أو اطلب ارساله للايميل وروح انسخه من ايميلك (يختلف النظام من شركه لشركه) authorization code or authcode *
ثانياً: في شركة التسجيل الجديدة (اللي تبي تنقل لها)
1. ابدأ عملية نقل جديده Transfer
2. دخل كود النقل اللي اخذته من شركة التسجيل الحاليه
3. أكمل عملية النقل والدفع submit or purchase
بعدها تابع ايميلك راح تجيك رسالة موافقه على النقل وافق عليها وانتظر مايقارب 5 ايام ينتقل فيها النطاق
والخطوات هذي هي خطوات النقل نفسها لكل الشركات
ملاحظات:
* اذا ماحصلت الكود في لوحة التحكم راسل الدعم الفني بطلب الكود , بعض الشركات ماتحط الكود مباشره ولازم تراسلهم ولكنه نادر جداً لحد الآن ماشفت الا شركه 1 اللي احتجت اراسل الدعم الفني للحصول عليه وحصلت عليه بدقائق , كذلك بعض الشركات يكون موجود لكن بشكل مو واضح ولذلك ممكن ماتنتبه له وتحتاج انك تراسلهم.
* مع العلم ان الكود راح يرسل للايميل المسجل في بيانات ملكية النطاق وليس ايميل الحساب نفسه اللي راسلتهم او فتحت التذكره منه.
* نظام النقل هذا ساري للامتدادات:
.com, .net, .org, .tv, .info, .biz, .bz, .us, .name, .com.cn, .net.cn, .org.cn, .cn, .kids.us, .com.tw, .org.tw, .idv.tw, .in, .co.in, .net.in, .org.in, .firm.in, .gen.in, .ind.in, .jobs, .la
* النقل هذا هو لنقل النطاقات بين شركات التسجيل وليس النقل الداخلي داخل شركة التسجيل نفسها , ممكن بعدين نكتب طريقة النقل الداخلي بموضوع منفرد لأنها تختلف من شركه لشركه وفيها تفاصيل كثير.
نموذج لرساله ممكن تعدل عليه بشكل بسيط وترسله لشركة التسجيل للحصول على كود النقل:
ان شاء الله يكون هذا الموضوع أفادكم واستفدتوا منه , اللي يبي يسأل يتفضل وان شاء الله بنساعد الكلكود:Hello, Kindly send me the Authorization Code (EPP code) for my domain(s) user name: اسم المستخدم domains: domain1.com, domain2.net domain3.org Regards,
رد مع اقتباس
المشاركة الأصلية كتبت بواسطة al7abeb
