هلا اخوي وليد ...
تقدر تدمج موقعك مع أي منتدى ... ومع الـ vb أنا جربتها سهله وبأعطيك بعض المعلومات اللي ان شاء الله أنها بتفيدك ..
أول شي لازم تجيب صفحة الـ global بهذا الكود ..
كود PHP:
require_once('./global.php');
وهذا المتغير إذا بغيت رقم الـ id للعضو المسجل الحين ... طبعاً إذا كان زائر راح تكون قيمة المتغير صفر
كود PHP:
$vbulletin->userinfo['userid']
وطبعاً أنت تغير اللي بين الأقواس والتنصيص على حسب رغبتك ومثل ماهو مسجل في الجدول اللي في قاعدة البيانات .. تكتب اسم الحقل اللي أنت تبيه
مثلاً تبي تطلع بريد العضو اللي يتصفح الآن :
كود PHP:
$vbulletin->userinfo['email']
وغيرها ممكن تكتب username بدلاً من email .. فيطلع لك اسم العضو ..
طبعاً هذي تستفيد منها أنك مثلاً تسوي لك نموذج تسجيل دخول في الصفحة الرئيسية لموقعك ..
وتروح للصفحة الرئيسية لموقعك وتحط فيها مثل ماقلت لك أول شي صفحة الـ global.php ... ثم تشوف إذا المتغير هذا >> $vbulletin->userinfo['userid'] يساوي صفر .. يعني هذا اللي يتصفح الحين زائر وليس عضو .. فتطلع له الكود الفلاني مثلاً .. وإذا كان يساوي رقم أكبر من الصفر فهذا يعني أنه عضو مسجل الدخول فتطلع له الكود الخاص بالأعضاء يعني مثلاً تكتب ..
كود PHP:
echo "السلام عليكم يا ".$vbulletin->userinfo['username']."";
فتطلع السلام عليكم يا ............ << اسم العضو اللي مسجل الدخول ..
وبعدين ممكن تصير أكثر تحكم .. فتخلي المجموعة رقم كذا يطلع لهم تحرير الأخبار وحذفها اللي هم مثلاً المجموعة رقم 6 مجموعة الإدارة
فتشرط أنه إذا كان >> $vbulletin->userinfo['usergroupid'] يساوي 6 تطلع له هذي الخيارات ..
وصدقني أنت بس حاول تقرا الكود وتحاول تفهمه والله أن تدري أنه سهل ...
بصراحة برمجة الـ vb مفهومه بعكس بعض البرامج اللي تحوس راسك مافهمت وش بيسوي ..
وهناك استفسار .. هل تنصحون بهذه الطريقة ؟ وهي ربط الموقع بالمنتدى ؟
والله هذا شي راجع لك .. إذا موقعك يحتاج التسجيل يعني مثلاً زي المجلة فأنا أقول أحسن لك تدمج عشان تسهل حركة العضو يعني مايحتاج يسجل مرتين ...
وان شاء الله أنك ماتلقى مشاكل ..
ع العموم الله يوفقكم ويكتب لكم اللي فيه الخير ..
لاتحرمنا من دعوة في ظهر الغيب ...