شلون نحفظ ايميلاتنا من هالبرزان ياعالم

[samry]

السلام علكيم ورحمة الله وبركاته

يااخوان كل من تعلم له شغله صار يجرب على العالم

هالحين بزران الانترنت طالعين طلعه انهم يرسلون لك رابط او يرسلون لك رساله

على الايميل تدخل على البريد وتضغط على رابط هم حاطينه لك وينرسل لهم الكوكيز

حق ايميلك ويغير باسوردك ،،

والله اشغلونا الله يشغلهم بنفسهم

اعتقد ان الشغله معروفه عند اكثركم

اليوم الصبح ارسل لي بزر منهم رساله عالايميل يبقي يخترق الايميل بس الحمد لله

اني كشفته وعلى نياتي وربي شكيت في الامر ،، وطلع يبقي يسويها فيني ..

ومحتوى الرساله في المرفقات حطيتها لكم

ياليت اللي عنده طريقة نحفظ فيها ايميلاتنا يشرحها لنا نكون له شاكرين عن جد

ايميلاتنا فيها كل اعضائي او اغلبهم وفيها الشركات اللي نتعامل فيها وغيرها ويجي بزر من هالبزران

يحاول يخترق الايميل ،، :anger2:

بإنتظاركم

[الخليج المتقدمة]

من أسلوب الرسالة تحس إنه طفل يشرب عصير الربيع


هالخيال حطه في بالك فوراً


أجل يقول أخذوا نسخة من منتداك ويستأذنون منك بيني وبينك الولد عنده أخلاق


لو أنا منك بصير أطيب منه وبرد عليه برسالة وبقوله على القوة يا أبو فلان


وما أقدر أسوي شيء قدام كلامك إلا إني أقول يفداك المنتدى واللي فيه



خله يرتفع ضغطه ... من عرفنا العيال وحنا نلاعبهم ونضحك عليهم مهوب يرفعون ضغطنا




عط الولد جوه يا سامري

[samry]

الله يعطيك العافيه عزيزي ولا هنت

بس ملاحظه لااحد يدخل عالرابط اللي في المرفق لايوصل له الكوكيز حقكم خخخخخ

ننتظر طريقة منكم لحفظ هالثغره من الايميل

سامري

[ThE Spirit]

$YourMail = "mmm_33133@yahoo.com"; // <== Your E-mail

ايميل صاحبنا اللي يتلقى عليه الكوكيز

اذا تبون الفكه شوفوا لكم ايميلات على شركه ثانيه


محتوى صفحته مرفق ..
احد يأخذ رابط الثغره و يبلغ الهوتميل ..

[dahdoh]

حول الانبوكس حقك على Live ولا تدخل روابط ولو دخلت ماراح تشتغل .. !!
هذا الي اعرفه ومشكور .. او سولك ايميل على موقعك وريح راسك ياطويل العمر

[samry]

معقوله سوالف

مافيها خبير ماسنجر او بالهوت ميل يوقف هالبرزان عند حدهم ؟

وينكم ياعباقرة الانترنت ^_^

[Abo Rawan]

السلام عليكم ورحمة الله وبركاته ..

عزيزي لو تبي تحمي نفسك من الثغره هذي قدامك 3 طرق ..

1- ركب برنامج الـ كاسبر سكاي
2- بعد ماتخلص من ايميلك سجل خروج بالضغط على زر Sign Out .. ولاتفتح روابط تجيك فـ رسائل الا بعد ماتسوي Sign out .. لإنه في حال سجلت خروج بيوصله الكوكيز ناقص ..
3- رقي بريدك لـ Live .. وبإذن الله ماحد بيقدر يخترق ايميلك ..

لك تحياتي

[maneghost]

استخدم الفاير فوكس افضل لك واامن من الاكسبلورر

[samry]

Abo Rawan

حضورك راقي جدا وجميل وحلولك رائعه وان شاء الله اليوم اطبقها بإذن الله

لا هنت

وبارك الله فيك ونفع بك

سامري

[samry]

maneghost

الله يبارك فيك وشاكر لك طرحك للحل

ونفع الله بكـ

سامري

[DESIGN-1983]

أخي Abo Rawan،،
كيف ارقي ايميلي لــ live ?
وشكرا

[عالم المبدعون]

تبي الصدق انا استغرب من اللي يدخل علي اي رابط يجي من ايميل غريب عليهم

والله لو مليون ريال تنتظرني ما ذبحني فضولي وخلاني ادخل عليه

دليلت على طول

[زائرLoRdZeRo]

مع العلم اننا رافعينه على موقع مجاني بننقله لسيرفر

إسمع الخرط إنت بس

قال بننقله لسيرفر قال

والله باين من الأسلوب الطفولي وطريقة الكلام

الله يحمينا جميعا ولا يهزك مثل هالبرزان ترى صارت موضة هالأيام كل واحد يشوف أي ثغرة

يقول أنا إستويت هاكر ما حد يقدر علي , الله يهديهم بس يخربون في مواقعنا وإميلاتنا

[بدر 821]

الله يحمينا من هالمبزرة

احس لو ينسرق ايميلي بنهبل

[samry]

هههههههههههههههههه

يعطيكم العافيه والله انكم هونتوا علي كنت معصب كثير بالمرة

بس شهرت فيه بموقعي سويته نكته

وحطيت عنه موضوع بمحادثاته عني بكل شي

وثبت الموضوع بالقسم العام عندي

وجاوا كل الاعضاء اضحكوا عليه وخذ لك تهزيء فيه وكل عضو جا ودعا عليه دعوه حلوه خخخخخخخخخخخ

لأنه بعدها ماتاب بدا يراسلني على انه بنت وانا جالس واضحك عليه خخخخخخ

شاكر لكم

سامري