انهيار تام للمسجد الاقصى بسبب حفريات اسرائلية طفيفه .. خبر يوجع مش كده .. وممكن يكون بيخض .. لكن الغريب اننا مستنين نسمع الخبر ده عشان نتخض ونتوجع ونعيط ونصرخ ونقول ياخسارة الاقصى وقع .. الخبر ده لحد دلوقتى مش حقيقيي لكن ممكن فى اللحظة ديه تسمعه .. او كمان لحظات .. او بكره او الاسبوع الجي
ياريت تتخيلوا معاي اللحظة ديه، ياترى هنسامح نفسنا ولا هنفضل طول عمرنا نندم وساعتها مش هينفع الندم
عارفين يعنى ايه الاقصى انهدم .. يعنى امة انهدمت ..يعنى كرامة .. عشان تعرفوا يعنى ايه الاقصى انهدم .. يبقى لازم نعرف
يعنى ايه الاقصى
الاقصى هو اولى القبلتين .. ثالث الحرمين وثانى مسجد وضع للناس فى الارض
روى البخاري في صحيحه (6/408 فتح الباري) عن أبي ذر رضي الله عنه قال قلت : (( يا رسول الله أي مسجد وضع في الأرض أولاً ؟ قال: المسجد الحرام، قلت: ثم أي ؟ قال: المسجد الأقصى، قلت: كم كان بينهما ؟ قال: أربعون سنة ثم أينما أدركتك الصلاة بعد فصلِّه، فإن الفضل فيه )).
واختلف العلماء فى ان سيدنا سليمان هو اللى بناه لان بين سيدنا سليمان وبين سيدنا ابراهيم الف سنه و الحديث بيقول ان الفرق بين المسجدين اربعين عام ولكنهم اتفقوا انه البيت الحرام والبيت الاقصى كانا مبنين ولا يعرف من بناهم ولكن جددهما سيدنا ابراهيم وسيدنا سليمان
وكلمة الاقصى لغويا هو البيت المنزه، أو المطهر ..وقيل : الأرض المباركة
الاقصى بالنسبة للمسلمين
فهو المسجد الذى اسرى بالنبي اليه وعُرج به منه إلى السماء قال تعالى سبحان الذي أسرى بعبده ليلاً من المسجد الحرام إلى المسجد الأقصى الذي باركنا حوله .وأنه في أرض مباركة قال تعالى : ونجيناه ولوطاً إلى الأرض التي باركنا فيها للعالمين .
عن ميمونة مولاة النبي قالت: يا نبي الله أفتنا في بيت المقدس فقال : (( أرض المنشر والمحشر ائتوه فصلوا فيه )) .
وهو أحد المساجد الثلاثة التي لا يجوز شد الرحال إلا إليها ففي الصحيحين عن النبي : (( لا تشد الرحال إلا إلى ثلاثة مساجد مسجد الحرام ومسجد الأقصى ومسجدي )) .
وهو أولى القبلتين، فقد! كان الن بي صلى الله عليه وسلم يصلي إليه في بداية فرض الصلاة، ثم أمر بالتحول إلى الكعبة.
الاقصى فى التاريخ
لقد سكنت القبائل العربية بيت المقدس منذ عهد بعيد فقد استوطنها العموريون والآراميون والكنعانيون، وكان اسمها آنذاك "يبوس" نسبة لليبوسيين وهم بطن من بطون العرب الكنعانيين لذلك تسمى فلسطين: أرض كنعان.
ثم أطلق عليها بعد ذلك اسم يورساليم وتطور بعد ذلك إلى: أورشاليم
ثم استوطنها الآشوريون والبابليون.
ثم جاء بعدهم الفرس ثم الإغريق والرومان وسماها الرومان "إيلياء".
ثم فتحها المسلمون في عهد عمر بن الخطاب عام (15 هـ)
وبقيت في أيدي المسلمين إلى أن احتلها الصليبيون إثر ضعف الدولة العباسية سنة 492 هـ.
وبقي القدس أسير الصليبيين مدة طويلة إلى أن استعيدت إلى المسلمين على يد صلاح الدين الأيوبي عام 583 هـ.
وبقيت في أيدي المسلمين إلى أن تولى الملك الكامل من الأسرة الأيوبية وعقد اتفاقاً من الفرنجة سلمهم بموجبه القدس ما عدا الحرم الشريف سنة (626 هـ) واستردها الملك الناصر سنة 637 هـ، ثم سلمها الناصر الفرنجة سنة (641 هـ) ثم عادت إلى المسلمين عام (642 هـ) على يد الخوارزمية جند الملك نجم الدين أيوب.
دخلت القدس في حوزة المماليك سنة (651 هـ) إلى (922 هـ) حيث دخلت تحت حكم الأتراك، وفي أواخر عهد الأتراك كثرت الهجرة اليهودية إلى فلسطين.
غادر الإنجليز القدس سنة (1948 م) وتركوها لليهود، وكانت مقسمة بينهم وبين المسلمين وأكثرها لليهود.
في سنة (1967 م) سقط القطاع العربي للقدس في يد اليهود بما فيه المسجد الأقصى.
سنة (1969 م) حدث حريق المسجد الأقصى على يد أحد اليهود ثم أطفأه المسلمون بعد جهد كبير.
ده مختصر التاريخ سؤال بعد اذنكم اسمحولى .. ايه رايكم فى الملك الكامل والملك الناصر اللى سلموا القدس للفرنجة ...
طب تسمعوا عن التاريخ ده
فى سنة 2007 تم هدم المسجد الاقصى على ايدى الجرفات اليهودية التى عبثت بالحرم الشريف والاماكن المقدسة دون اي رد فعل عربى سواء كان للحكام او للشعوب " فقد ماتت رجال امة محمد فى ذلك الوقت فلم يرى حتى ولا استهجان واحد من الشعوب التى ماتت فيها الغيرة على الاسلام ....
ده طبعا لان التاريخ لم يغفل .. فزي ماذكر الملك الكامل والناصر هيذكر حكامنا وهيذكرك ويذكرنى وبنفس البصة اللى بصتوهلهم هتبصه لينا الاجيال اللى جايه
انا عارف ان الموضع يخنق وكلكم بتقولوا طب نعمل ايه .. بس عشان نعرف نعمل ايه لازم نشوف الاول احنا عملنا ايه?? يعنى من اول ما سمعة خبر الحفريات فى حرم الاقصى الشريف لحد دلوقتى انتوا عملتوا ايه ؟؟!!
" منقول من رساله لصناع الحياه بالمنيا "
رد مع اقتباس
