المشاركة الأصلية كتبت بواسطة AD4host.ae
السلام عليكم
شكرا لك اخوي على طرحك لهذا الموضوع ، وللأسف سوالف في الفترة الاخيرة تفتقر لمثل هذي المواضيع !
ما راح اطول عليكم ، لكن من وجهه نظري ان افضل طريقة ووسيلة هي " نظام التذاكر "
مميزات نظام التذاكر غير موجودة في اي وسيلة ثانية وهي :
1- الحفظ والارشفة ( كما ذكرت بالأعلى )
2- البحث عن اي تذكرة لأي عميل في اي وقت وبعدة طرق : بريده / رقم التذكرة / اسم العميل ..إلخ
3- تقسيم النظام الى عدة اقسام وكل قسم يحمل خدمة معينة او تخصص معين مثل :
http://www.ad4host.com/support/index.php?cmd=newticket
<<<<<< الحين بيقولوا يسوي دعاية
يعني بنفس الوقت النظام بيكون للمبيعات والدعم الفني واي شئ آخر !!
وهذا راح يفيدك بأن كل الرسائل والردود التي تمت بينك وبين عملاءك موجودة في مكان واحد وداتا بيس وحدة
تجربتي مع باقي الوسائل :
1- المسينجر ...... فاشل فاشل فاشل وبقوة ... تشيك مشكلة مع عميل .. ينط لك واحد يبي يسولف والثاني يبي يجرب الكاميرا وياك
واذا تاخرت بالرد ( وحالتك مشغول طبعا ) راح يزعلون ويقولك ليش شايف نفسك علينا
2- البريد الإلكتروني ... ممتاز والى الان نستخدمه في بعض طرق التواصل .. ولكن عيبه ان الي راح يرد على الايميل شخص واحد وصعب انك توظف موظفين عشان يردون على الايميلات وانت ماتطلع عليها !!
3- الدعم المباشر .. متعب جدا جدا جدا وشغلته شغلة وصعب انك تتعرف على هوية العميل وصعب تعطيه بيانات مثل كلمات سر او تعطيه اي بيانات عن موقعه ، وحتى طريقة المحادثة غبيه ومو عمليه !!
4- الجوال .. انا شخصياً ارفض هذه الوسيلة رفض تام ( عندي في ابوظبي للإستضافة ) لان الجوال برضه متعب وصعب انك تلبي طلبات العملاء في اي وقت ! مثلا انت في وضع ما يسمح لك ترد على العميل .. في هالحالة العميل اخذ فكرة سيئة عنك وانك ماترد على اتصالاته
يعني الزبدة ... اشتر لك سكربت نظام تذاكر وحط فيه موظفين على قد ما يكفي عملاءك .. وانت تابع من وقت لآخر وعيش حياتك طبيعية بلا جوال بلا مسينجر بلا هم
تحياتي للجميع ،،