هل تعمل بطاقة الأهلي مسبقة الدفع مع شركات الأستضافة

[4you]

السلام عليكم

حاب اطلع بطاقة البنك الأهلي مسبقة الدفع

http://www.alahli.com/personalbankin...dvancecard.asp

هل تعمل مع شركات الأستضافة الأجنبيه أو فيه مواقع ماتتعامل معها

انا جربتها من سنتين تقريباً وشريت من موقع godaddy

وإذا أحد جربها كيف طريقة الأشتراك والشروط المطلوبة ورسومها ؟ :deal:


السؤال الثاني

بغيت أعرف وش أفضل شركة إستضافة من واقع التجربه

لأني حاب افتتح مركز تحميل ملفات و أن تكون الشركه ماتمنع هالشي

والله يعطيكم العافيه :nice:

[زعيم2000]

ماعليها خوف يالغالي

تعمل زيها زي اي بطاقة ائتمانية طالما فيها رصيد متوفر وتقدر تشوفه من النت فلاتخاف لكن هي ما تعطيك رصيد ازيد من اللي فيها زي البطاقات الائتمانية الاخرى -- هذا الفرق --

انا انصح اللي ماقدر يطلع بطاقة ائتمانية غير مسبقة الدفع انه يطلع بطاقة بنك الاهلي مُسبقة الدفع.

تحياتي.

[خالد الحربي]

تنفع وشريت بها اكثر من موقع عادي

لكن عيبها بس مااجربت على حسب كلام الموظف لي

انك مااتقدر تشتري بأكثر من 3000 ريال

والله اعلم

[Philosopher]

لكن عيبها بس مااجربت على حسب كلام الموظف لي

انك مااتقدر تشتري بأكثر من 3000 ريال

ما أعتقد هالكلام صحيح يااخوي

لأن جاني على صندوق البريد حق الأهلي انك تقدر تستخدم بالشهر 10,000 $
37,000 الف سعودي تقريباً

بالنسبة للشرا تمام زيها زي اي بطاقة ائتمانية اخرى اللي رفضوا موقع واحد بحجة انهم مايقبلوا بطاقات
ائتمانية عالمية بس امريكية اللي يقبلوها

ورسومها 200 ريال 100 للبطاقة و100 لتشغيلها بالنت لمدة سنتين

وثاني سنة ياخذون من حساب البطاقة 100

هذا على حسب تجربتي الشخصية.

[زعيم2000]

ما أعتقد هالكلام صحيح يااخوي

لأن جاني على صندوق البريد حق الأهلي انك تقدر تستخدم بالشهر 10,000 $
37,000 الف سعودي تقريباً

بالنسبة للشرا تمام زيها زي اي بطاقة ائتمانية اخرى اللي رفضوا موقع واحد بحجة انهم مايقبلوا بطاقات
ائتمانية عالمية بس امريكية اللي يقبلوها

ورسومها 200 ريال 100 للبطاقة و100 لتشغيلها بالنت لمدة سنتين

وثاني سنة ياخذون من حساب البطاقة 100

هذا على حسب تجربتي الشخصية.

ماتحتاج انك تدفع 200 ريال

100 ريال كفاية تطلع بطاقة عادية ومنها انك تقدر تستخدمها للإنترنت.

تحياتي,

[Philosopher]

ماتحتاج انك تدفع 200 ريال

100 ريال كفاية تطلع بطاقة عادية ومنها انك تقدر تستخدمها للإنترنت.

والله يااخوي بنفس الاستمارة حقتهم اللي تعبيها مكتوب لك خيار تبي تشغلها بالنت وجنبها مكتوب 100 ريال رسوم

ورسوم البطاقة 100

وانا اقول اللي اخذوه علي اجل بنك وناصبين علي !!!

[زعيم2000]

والله يااخوي بنفس الاستمارة حقتهم اللي تبعيها مكتوب لك خيار تبي تشغلها بالنت وجنبها مكتوب 100 ريال رسوم

ورسوم البطاقة 100

وانا اقول اللي اخذوه علي اجل بنك وناصبين علي !!!

لا مو شرط ناصبين عليك لكنه فكرة تجارية

فكرتهم البطاقة العادية تستخدمها في اي مكان وفي النت
وبطاقة النت خاصة للنت لو احد سرقها ما يقدر يشتري من برى النت

لكن زي ماقلت بطاقة واحده كافية تقدر تلغي بطاقة النت وتستمر بالعادية

وهم ماغشوك ولانصبوك تطمن

تحياتي,

[Philosopher]

ماعطوني الا بطاقة وحدة واستخدمها بالنت واستخدام خارجي زي اي بطاقة ائتمانية

[4you]

الله يعطيكم العافيه

ماقصرتوا

طيب البطاقه وخلصنا منها وش أفضل أستضافة تنصحوني فيها

تنفع لمراكز تحميل الملفات

[Name]

هالحين انا ماعندي حساب بالاهلي ممكن تفاصيل كيف اصدر هالبطاقة ؟
وهل تقبلهاGoogle AdWords

[زعيم2000]

ماعطوني الا بطاقة وحدة واستخدمها بالنت واستخدام خارجي زي اي بطاقة ائتمانية

أجل الله يعوضك يالغالي ما ادري كيف نظامهم بس انا كنت استخدمها سابقاً وكانت مريحتني كثير وما اذكر اني دفعت عليها كثير لكن الشهاده لله تنفع للسعوديين الغير موظف او دخله مايسمح له يطلع بطاقة ائتمانية رسمية او اللي يحب يعرف كم يصرف يعني كأنها بطاقة سوا لكن مافي فرق عن البطاقات الائتمانية الاخرى إلا انك تشحنها وتستخدمها بنفس الفلوس اللي شحنتها وصراحه اشوفه هذا سبق للبنك الاهلي ويكفيك انها اسلامية ما احد سواها قبله.

السؤال الثاني

بغيت أعرف وش أفضل شركة إستضافة من واقع التجربه

لأني حاب افتتح مركز تحميل ملفات و أن تكون الشركه ماتمنع هالشي

والله يعطيكم العافيه :nice:

إذا في بالك استضافة معينه راسل قسم المبيعات عندهم قلهم تقبلون اني اركب مركز تحميل على سيرفراتكم؟ هل تمانعون؟ وبس!

تحياتي

[زعيم2000]

هالحين انا ماعندي حساب بالاهلي ممكن تفاصيل كيف اصدر هالبطاقة ؟
وهل تقبلهاGoogle AdWords

مايحتاج تفتح حساب عشان تصدر لك البطاقة بس يُستحسن وانصحك انك تفتح حساب عشان تكون قادر تودع فيها مبالغ بالتحويل من حسابك مباشرة وتشوف كم باقي فيها رصيد وتشحنها بسهولة وتشوف تفاصيل العمليات والخ ومنت خسران ان فتحت حساب عندهم زيادة الخير خيرين وانا اخوك ..

وبالنسبة لسؤالك الثاني: كل المواقع تقبلها زيها زي اي بطاقة ائتمانية ماعدى المواقع اللي ماتقبل بطاقات سعودية او عربية او ان كان الرصيد اللي فيها مايغطي!

تحياتي,

[شركة تصميمك]

السؤال الثاني

بغيت أعرف وش أفضل شركة إستضافة من واقع التجربه

لأني حاب افتتح مركز تحميل ملفات و أن تكون الشركه ماتمنع هالشي

والله يعطيكم العافيه :nice:

السلام عليكم ورحمة الله وبركاتة

يسعدنا الترحيب بك وبموقعك المرتقب

راسلنا من هنــا ولك ما تريد ان شاء الله

ومن اضخم مراكز التحميل التى تحت ادارتنا

مركز تحميل الصور والملفات المطور

مع خالص تحياتى

[Abdullah Alhoshan]

لا تنسون انها من نوع ماستر كارد ..

صراحه هي جميله جدا وانا استخدمها من فتره ..

بس صراحه على النت ما اقدر اعرف كم فيها حاليا ً ..

ياليت الي يعرف يعلمني كيف ...

مع اني مضيفها في حسابي في الاهلي اون لاين ..

واشحنها بعض الاحيان .. بس ما ادري كم باقي فيها ..

[خالد الحربي]

هلا جواني

تعرف عن طريق خدمة الاهلي او نلاين

فيه الاستعلام عن الرصيد على مااذكر والخ