وين أفضل مكان أقضي فيه شهر العسل

[al7abeb]

اولا الف الف الف مبرووووك مقدما
اخوي اذا تبي طبيعه و خضار انصحك في هواي

[Net Hunter]

السلام عليكم ..
انصحك في ماليزيا ..
فيها كل الي ذكرته انك تبيه
والي يميزها ان اغلب الي يروحون لها ناس متزوجيين حديثا يعني بتحصل هناك اغلب الهرب وخاصه الخليجيين شباب رايحين يقضون شهر العسل و بتستغرب من هالشي لكثرتهم


تحياتي

[iceman]

اقووووووول يالاخو . نصيحة . وفر فلوسك . وخلك بين ربعك . واذا ودك تروح مع المرا مالك الا مرتفعات الهدا او عسير ولا الربع الخالي . والي بطلع من داره يقل مقداره

[أحمد خلف]

تعال اليمن بس


يا جبل أب ما احلاك

ويا دمت ما ادفى الماء فيك

ويا شاطئ عدن ما انقى هواء


بس تحمل رفع الضغط بس بالعربي هههههه



اخي عندك دول عربيه روعه منها الجزائر والمغرب واذا قررت تتعلم انقليزي فماليزيا والدول الاسكندنافيه مافي احلى منهم في العالم

[Mohammad Ali]

السلام عليكم ،

أولاً ألف مبروك، وأتمنى لك التوفيق ..


1. الولايات المتحدة الأمريكية، بالتحديد هاواي، لوس آنجلوس ..إلخ (طبعاً إذا كانت إمكانياتك المادية عالية او ممتازة على الأقل) مع ملاحظة أن الكلام اللي تسمعه بخصوص الحجاب وغيرها تراه من الناس ومبالغ فيه أو بمعنى أفضل غير موجود اصلاً....مع ملاحظة أن الشعب الأمريكي ممتاز جداً من ناحية تعاملة وماراح تواجه منهم أي مشاكل .... بس فيه صورة غير مصورينها بعض الناس عنهم لأننا نكرة أمريكا يمكن لإسمها أو لرئيسيها.

2. المملكة المتحدة، لندن خصوصاً، وبالضبط نفس كلامي بخصوص الولايات المتحدة الأمريكية.

3. ماليزيا، اذا كنت تبحث عن التكلفة المادية الأقل، رغم ان فيها طبيعة واشياء حلوه...بس بالنسبة لي اقدر اروح لماليزيا بوقت ثاني غير شهر العسل.

4. تايلاند، إذا كنت تبحث عن التكلفة المادية الأقل، وبنفس كلامي الباقي عن ماليزياً.

5. فرنسا، باريس...وهي تقريباً من أفضل الدول الأوربية بوجهه نظري من نواحي عديدة.

6. ألمانيا، مدري إذا تعتبر دولة غير سياحية بشكل كبير...لكني أحبها .

7. النمسا، روعه بصراحة.


غير كذا فيه: أسبانيا، استراليا، سويسرا، ايطاليا...ودول اوربية كثيرة.

يمكن أني ازردت حيره، بس نصيحة من مُجرب، إذا تقدر رح للولايات المتحدة الأمريكية خصوصاً هاواي (إذا تبي طبيعه) بصراحة شيء خيالي !

((غير كذا انا حددت الدول اللي بالأرقام لأنها بصراحة هي من أجمل وأفضل مازرت)).

*الدول فوق جميعها رحت لها سواً في رحلات شخصية كسياحة أو رحلات عمل، إذا دولة واحدة وهي "اسبانيا" مارحت لها للآن.


غير كذا... جرب تتعامل مع مكاتب سياحية بأشياء تسمى (رحلات حرة) وليست مجموعات لأسباب كثيرة .... أولاً إذا ماكان عندك لغة ثانياً عشان يرتاح بالك لو صارت لك اي مشكلة ترجع لهم مباشرة .... يعني حتى لاسمح الله لو صارت مشكلة سرقة او فقدت جواز او شيء من هالقبل راح يخدمونك فيها وتحس انك بأمان بصراحة...أفضل من تروح لحالك كذا احس انك تضيع وبقوه...وفيه شيء ثاني بخصوص الأماكن السياحية فهو يودونك ويجيبونك بتكلفه معقولة.


جرب تصفح موقع ركسون للسياحة: http://www.myrtn.com

الشركة أعلاه في "جدة" جربتها مره وبصراحة ممتازين جداً ..

وفيه شركات سياحية كثيرة ممتازة بس ما أتذكرها الآن ..

تقدر تتصل عليهم وتستفسر منهم ..


حتى المكاتب السياحية هو اللي يطلعون لك تأشيرة سياحية وجميع الأمور هذي انت تريح بالك منها ماغير الفيزا الأمريكية فهم غير مسئولين عنها إطلاقاً


فيه مواقع أجنبية كثيرة تتكلم عن السياحة خصوصاً في الولايات المتحدة الأمريكية، هاواي...بس لا اتذكرها الآن..بحاول ادور لك أي روابط او معلومات بهالخصوص واجيبها لك إن شاء الله.

وآسف على الإطالة...


تحياتي لك،

[saad100]

الف مبروك

أخوي أنا عايش في ماليزيا بسبب الدراسه أنصحك لا تقرب منها دولة كلها غش بغش وإذا عرفو إنك عربي بتشوف فلوسك تنسحب قدام عينك و إنت ما تقدر تسوي شي .


رح لدول أوربية وأنصحك تروح للنمسا و أيضاً جمهورية التشيك ولا أي دولة أوربية أخرى .


نصيحه من أخوك لا تقرب ماليزيا

و أكرر الف مبروك

[شبكة الواصل]

أنصحك بتركيا

بلد جميلة جدا ودولة مسلمة

والمناظر الطبيعية رهيبة

والأكل التركي لا يعلى عليه


أو تروح الصين ،دولة كبيرة والمناظر متنوعة والسياحة روعة فيها

تحياتي لك

[البروفسيور]

و عليكم السلام ورحمة الله وبركاته

أول شيء بأقول كلمة دولة تايلند .. لا تصدق من يقول لك انها رخيصة و يقول لك انها حلوة .. أول شيء مليانه دعارة و بتشوف مناظر مهيب طبيعية ابداً و غريبه مرره و انت تمشي بالطريق ما أعتقد إنسان مسلم يقبل يجلس فيها يوم و لا انصحك بتركيا دولة غالية مهيب مثل خصوصا بعد ما قرروا ينضمون للدول الاوروبية أنصحك تروح لأسبانيا بدالها نفس التكلفة تقريباً من ناحية السكن و الاكل حتى التسوق و يمكن اسبانيا ارخص بعض الاحيان !!

ان جيت لي انصحك تسوي رحلة بين الدول الاوربية المانيا بس الله يعينك غالبيتهم طوال و شياب و عند النمسا روعه و النرويج و اسبانيا روووعه بس ما ادري تنفع لشهر عسل او لا ! لكن فيها مناطق سياحية روعه و تروح لها بالباص يومياً من الصباح إلى المغرب تقريباً

كل الدول اللي ذكرتها ما عندهم مشاكل مع الحجاب أو ضد الإسلام ممكن تحصل شوية عنصرية في اسبانيا و من شياب المانيا غير عن كذا إن شاء الله منتب ملاقي شي

و بالتوفيق

[mad_4u]

ان فكرت تنزل بريطانيا بلغني
ولا تشيل هم الحجاب في كل زوق تلقى مسجد ولا وحدة لابسة عباية كنك بين ربعك
في مناطق جداً حلوه خارج لندن وممتازة من بينها ولز لو تجي الجبال عندنا تشوف النهر والشلالات ماودك تمشي من جنبها

بس تبي الصدق الجنية الاستلرليني مقارنه بالريال تضرب ب 7 يعني تعمل حسابك التكاليف غالية مقارنة بالسعودية

لا تقرب هولندا تراه حق صياعة وشباب مو حق عوائل خير شر

مبروك مقدماً ان شاء الله
<<<< قضيت شهر العسل بين مكة والمدينه روووعه

ان قررت تنزل بريطانيا بلغني اوفر لك رقم طواري ان احتجت لاي شيء تتصل عليه ويطلع لك واحد يخدمك

[bader_ppc]

Greenland


Bermuda

Utah

Navassa Island

Antarctica

أمزحك معك

لا تفكر للسفر الى أي من بلدان أمريكا الجنوبية أغلبها لاتربطها اتفاقيات مع البلدان العربية بالإضافة الى إنتشار الفاحشة والرذيلة فيها حيث أن الأفلام الإباحية الممنوعة دوليا مثل أفلام العبودية و الإغتصاب والأطفال تصور هناك أضافة الى أنها ملجأ لتجار المخدرات و الخمور والهاربين من العدالة حيث في بعض البلدان مسدساتهم لا تفارق جيوبهم ولم اسمع أن أحد سافر الى هناك ولم تحصل له مشكلة.

نقطة أخرى إذا كانت لغتك ضعيفة أنصحك بعدم السفر الى البلدان الأجنبية .

أبتعد عن أندونيسيا حيث أن انفلونزا الطيور منشرة عندهم انتشار كبير جدا جدا بالإضافة الى الزلازل التي لاتتركها نسأل الله العافية

ومبروك إن شاء الله والله يرزقك الذرية الصالحة

تحياتي

[t7t7.com]

اقوول



يازين الرياض بس

[Name]

وشوله خساير وسفريات ومشاوير

تمشى بهاا بالتحليه والعليا .. خذ بها كم دوره

وان بغيتوا طبيعه روحوا لروضه خريم واشطف الثمامه

[الخليج المتقدمة]

الله يبارك فيكم جميع


======================

اقووووووول يالاخو . نصيحة . وفر فلوسك . وخلك بين ربعك . واذا ودك تروح مع المرا مالك الا مرتفعات الهدا او عسير ولا الربع الخالي . والي بطلع من داره يقل مقداره

أخوي لما بطلع يعني بصرف شيء أكيد ... ولو حسبت تكلفة سياحتك داخل السعودية تلقاها هي نفسه في الخارج إذا ما كانت أغلى


فوق ذا كله شفنا عسير كلها عقبات والخط الله لا يوريك يعني أنا رايح أستانس ولا أدخل سيارتي كل يوم للورشة السيارات العادية تحترق الجرابكسات حقتها والكلتش مو عاد أنا فورد يعني أوتوماتيك

وبعدين ياخوي مثل من طلع من داره قل مقداره ... المقصود فيه اللي يطلع عن شور أهله ويعاند ربعه وجماعته مهوب اللي يطلع برى دياره لأن الفاتحين والدعاة والتجار والسياح طلعوا وذا هم مثل ماهم ما تغيروا ولا فيه أحد عاداهم

تعال اليمن بس


يا جبل أب ما احلاك

ويا دمت ما ادفى الماء فيك

ويا شاطئ عدن ما انقى هواء

كأني قريت شيء مو عاجبني ... قلنا ممنوع دول عربية الله يزوجك ويكثر عيالك وبيني وبينك جبال اليمن فيها أفراد مسلحين وأنا رجال أبي الستر والأمان وراحة البال ما فيني شدة لمسخرة التهديد وشغلات أمنية أنا في غنى عنها


قل آمين .... عساك ما تطيح بيد فاجر

1. الولايات المتحدة الأمريكية، بالتحديد هاواي، لوس آنجلوس ..إلخ (طبعاً إذا كانت إمكانياتك المادية عالية او ممتازة على الأقل) مع ملاحظة أن الكلام اللي تسمعه بخصوص الحجاب وغيرها تراه من الناس ومبالغ فيه أو بمعنى أفضل غير موجود اصلاً....مع ملاحظة أن الشعب الأمريكي ممتاز جداً من ناحية تعاملة وماراح تواجه منهم أي مشاكل .... بس فيه صورة غير مصورينها بعض الناس عنهم لأننا نكرة أمريكا يمكن لإسمها أو لرئيسيها.

2. المملكة المتحدة، لندن خصوصاً، وبالضبط نفس كلامي بخصوص الولايات المتحدة الأمريكية.

3. ماليزيا، اذا كنت تبحث عن التكلفة المادية الأقل، رغم ان فيها طبيعة واشياء حلوه...بس بالنسبة لي اقدر اروح لماليزيا بوقت ثاني غير شهر العسل.

4. تايلاند، إذا كنت تبحث عن التكلفة المادية الأقل، وبنفس كلامي الباقي عن ماليزياً.

5. فرنسا، باريس...وهي تقريباً من أفضل الدول الأوربية بوجهه نظري من نواحي عديدة.

6. ألمانيا، مدري إذا تعتبر دولة غير سياحية بشكل كبير...لكني أحبها .

7. النمسا، روعه بصراحة.


غير كذا فيه: أسبانيا، استراليا، سويسرا، ايطاليا...ودول اوربية كثيرة.

يمكن أني ازردت حيره، بس نصيحة من مُجرب، إذا تقدر رح للولايات المتحدة الأمريكية خصوصاً هاواي (إذا تبي طبيعه) بصراحة شيء خيالي !

((غير كذا انا حددت الدول اللي بالأرقام لأنها بصراحة هي من أجمل وأفضل مازرت)).

*الدول فوق جميعها رحت لها سواً في رحلات شخصية كسياحة أو رحلات عمل، إذا دولة واحدة وهي "اسبانيا" مارحت لها للآن.


غير كذا... جرب تتعامل مع مكاتب سياحية بأشياء تسمى (رحلات حرة) وليست مجموعات لأسباب كثيرة .... أولاً إذا ماكان عندك لغة ثانياً عشان يرتاح بالك لو صارت لك اي مشكلة ترجع لهم مباشرة .... يعني حتى لاسمح الله لو صارت مشكلة سرقة او فقدت جواز او شيء من هالقبل راح يخدمونك فيها وتحس انك بأمان بصراحة...أفضل من تروح لحالك كذا احس انك تضيع وبقوه...وفيه شيء ثاني بخصوص الأماكن السياحية فهو يودونك ويجيبونك بتكلفه معقولة.


جرب تصفح موقع ركسون للسياحة: http://www.myrtn.com

الشركة أعلاه في "جدة" جربتها مره وبصراحة ممتازين جداً ..

وفيه شركات سياحية كثيرة ممتازة بس ما أتذكرها الآن ..

تقدر تتصل عليهم وتستفسر منهم ..


حتى المكاتب السياحية هو اللي يطلعون لك تأشيرة سياحية وجميع الأمور هذي انت تريح بالك منها ماغير الفيزا الأمريكية فهم غير مسئولين عنها إطلاقاً


فيه مواقع أجنبية كثيرة تتكلم عن السياحة خصوصاً في الولايات المتحدة الأمريكية، هاواي...بس لا اتذكرها الآن..بحاول ادور لك أي روابط او معلومات بهالخصوص واجيبها لك إن شاء الله.

وآسف على الإطالة...


تحياتي لك

يا ولد ذا إيش كله ... وش هالمعلومات الوفيرة ذي كلها

تبي الصدق يا محمد يا ولد أبو محمد إني عملية الحجاب حساسة عندي بشكل كبيرة للغاية يعني لو ما ضايقونا في السياحة يضايقونا في الخدمات مثل المطارات والمطاعم والفنادق

لكن كلامك ريحني شوي الله يريحك وربي خاطري في ديرة الخواجات لكن أنا بشوف موقع شركة ركسون وبستفسر بالهاتف وياهم عن كل شيء ثم بسألهم مرت عليهم أحداث مضايقات مع المسلمين وأتكلم عن العوائل يعني لو أنا ما علي بس أهلي وياي


وبرجع لك فيما بعد يا أبو علي على رسالة في بريدك إن شاء الله

أخوي أنا عايش في ماليزيا بسبب الدراسه أنصحك لا تقرب منها دولة كلها غش بغش وإذا عرفو إنك عربي بتشوف فلوسك تنسحب قدام عينك و إنت ما تقدر تسوي شي .


رح لدول أوربية وأنصحك تروح للنمسا و أيضاً جمهورية التشيك ولا أي دولة أوربية أخرى .


نصيحه من أخوك لا تقرب ماليزيا

والله يابن الحلال حسب اللي أسمعه يقولون ديرة سياحية عربية من كثر العرب اللي فيها وراحوا لها ناس من جماعتنا ما ذكروا شيء فيها إلا إن كان مدحوا السياحة بشكل عام وسكتوا عن التعامل ما أدري بصراحة


لكن لفتة حلوة منك ... لأني بدقق في كل شيء أبي سياحة هادئة ما يعكر صفوها شيء

أنصحك بتركيا

بلد جميلة جدا ودولة مسلمة

والمناظر الطبيعية رهيبة

والأكل التركي لا يعلى عليه


أو تروح الصين ،دولة كبيرة والمناظر متنوعة والسياحة روعة فيها

تركيا حلوة ما عليها ولو إن عفتها بقوة من تصريحات رئيسها الأهبل وبرلسكوني الغبي كرهتها مرة

بس الصين ما كأنك تبي تورطني ... اللغة حقتهم زفت وبيني وبينك لو واحد هرج بلغتهم بناظره وبقول هاه وش عندك واخاف يفهمها مني إني أسبه ويبدأ قتال الشوارع وأخوك رجال أجودي ما يحب يأذي أحد


<<< يا رجال قول إنك منت بقادر في هواشهم بس لا تقول إنك ما تأذي أحد

أول شيء بأقول كلمة دولة تايلند .. لا تصدق من يقول لك انها رخيصة و يقول لك انها حلوة .. أول شيء مليانه دعارة و بتشوف مناظر مهيب طبيعية ابداً و غريبه مرره و انت تمشي بالطريق ما أعتقد إنسان مسلم يقبل يجلس فيها يوم و لا انصحك بتركيا دولة غالية مهيب مثل خصوصا بعد ما قرروا ينضمون للدول الاوروبية أنصحك تروح لأسبانيا بدالها نفس التكلفة تقريباً من ناحية السكن و الاكل حتى التسوق و يمكن اسبانيا ارخص بعض الاحيان !!

لا عاد تايلند أم بانكوك ذي الله بيني وبينها إن شاء الله


يا رجال حنا ندور الستر مهوب عالم متكشفة يمين وشمال لا وبانكوك دار المخدرات الأول وموطن الأيدز من كثرة بلاويهم وإيش يضمن لي عامل في مطعم ما ينقل لنا الأيدز في الأكل مثل اللي صار في جدة قبل 10 سنوات

مو عامل المطعم تخلص مناوبته يروح يسهر في المراقص يعني قالوا لك إنه طاهر كلهم وسخين حسبي الله عليهم

ان فكرت تنزل بريطانيا بلغني
ولا تشيل هم الحجاب في كل زوق تلقى مسجد ولا وحدة لابسة عباية كنك بين ربعك
في مناطق جداً حلوه خارج لندن وممتازة من بينها ولز لو تجي الجبال عندنا تشوف النهر والشلالات ماودك تمشي من جنبها

بس تبي الصدق الجنية الاستلرليني مقارنه بالريال تضرب ب 7 يعني تعمل حسابك التكاليف غالية مقارنة بالسعودية

لا تقرب هولندا تراه حق صياعة وشباب مو حق عوائل خير شر

مبروك مقدماً ان شاء الله
<<<< قضيت شهر العسل بين مكة والمدينه روووعه

ان قررت تنزل بريطانيا بلغني اوفر لك رقم طواري ان احتجت لاي شيء تتصل عليه ويطلع لك واحد يخدمك

لا يفتى ومالك في المدينة


أنا أشهد إني في حاجتك يا أبو خالد لاتنساني تكفى ههههههههههههههه


يمدحونها بالحيل لندن وويلز ... ويلز ديرة ديانا يا لبى ديانا ولبى ديرتها


بس من قلة الخبرة ولأن العرسان كلهم في ماليزيا وما إلتقيت في أحد راح عند بلير وشلته فذا اللي خلى بريطانيا مجهولة عندي تماماً

ومن ناحية الفلوس يا أبو خالد لا تشيل هم ...ما طلعت برى إلا وأنا عارف حسبتها صح


أنتظر مني رسالة على بريدك إلا قل إزعاج على بريدك يمكن أسويلك سبام من كثر الإستفسارات

يازين الرياض بس

وشوله خساير وسفريات ومشاوير

تمشى بهاا بالتحليه والعليا .. خذ بها كم دوره

وان بغيتوا طبيعه روحوا لروضه خريم واشطف الثمامه

التمشية فيها حاصلة ما فيها شك بس نبي نشوف شيء ما قد شفته في حياتي



========================

أنا شفت المالديف وأخذت فكرة عنها

بس يوم شقت آخر شيء إصطحب معك كريمات ضد الحشرات لأنها تنتشر وبكثرة قلة توكلوا على الله ما نبيكم


الحين سياحة وعجزتوا تكافحون الحشرات لعيون السياح




بس لا جات للصدق يعجبني برى .. الرمل تقول بوردة بيضاء مهيب مثلنا رمل حار وسموم وغبار تملأ عيونك إذا هبت


بس إذا رحت بأخذ كاميرا وبصور لكم الديرة اللي رحت لها وبسوي لها دعايات



صدق شباب عندهم هناك كافتيريا تبيع كبد عليه كاتشب :shy: :shy:




تركيزي حالياً صار على أمريكا وخصوصاً لوس إنجلوس وخصوصاً بعد كلام محمد اللي يريح القلب

وبرضه على هاواي سمعت عنها إنها فنانة بالحيل وأشوف لها صور تطير العقل ما أدري هي فعلاً حقيقية ولا إنها عدسة مصور أخذتها من زوايا تخلي هاواي حلوة

وعندكم مدينة الضباب " لندن " وأختها ويلز



لأني أول في بالي مليون بلد وبلد بس من كلامكم وكلام غيركم شفتكم إتفقتوا بشكل إيجابي على هالبلدان اللي ذكرتها فوق



فلو عندكم شغلات حلوة ساعدوني وخصوصاً في اللي رشحتها أنا فوق


يعني كل شيء عنها من معلومات جغرافية إلى معلومات بشرية في تعامل سكانها وعاداتهم وطريقة اكلهم وحياتهم إلى العملة وأسعار الفنادق والشاليهات وكل ما يخصها من قريب وبعيد



لأني لقيت تفصيل شامل ووافي لجرز المالديف لكن خربوا أخلاقي يوم قالوا في نهاية التقرير المميز إنتبه من الحشرات


قلت بطلنا أجل يا ولد

[mad_4u]

حياك الله
في انتظار استفساراتك

[ksajo]

ياااااااااااااااااااارب

ياااااااااااااااااااااااااارب

ياااااااااااااااااااااااااااااااارب

يرزقني بالريااااااااااال الصاااااااالح اللي يدور على مكان نسير له فشهر العسل :app:

واذا تبي نصيحتي سير النمساااااا يمدحونهااااااا وااااااااااايد

يقوولوون عنهاا خضرا وصفرا ومن هالسوااااااالف

والله يوفقك يارب