السلام عليكم
ايه الاخبار يا جماعه اتمنى ان يكون الجميع بخير وعافيه
الموضوع مش محتاج مقدمات او تعريف واضح من عنوانه
كتير دلوقتى نقول الاسكربت الفلانى جامد جداا ومتوافقه مع محركات البحث seo
وكمان استفسرات عن ارشفه جوجل واجتهدات لتحسين وضع الموقع فى محركات البحث
وتبادل روابط بين المواقع ياااااااه حجات كتير اوى عشان يتم ارشفه الموقع
ولكن للاسف مش بنحقق المراد
لان تحسين وضع الموقع فى محركات البحث او اكتساب صداقه محركات البحث مش بس بتبادل الروابط وصنع خرايط وجعل صفحات الموقع كلها html
وفى اخر الموضوع هثبت صحه كلامى وخلينا دلوقتى فى بديات توافق الموقع مع محركات البحث
وانا هحط نقط اساسيه وهنتناقش فيها سوياً
1- ملف الربوت robots.txt
2- عنواوين صفحات الموقع <title>
3- الميتا تاج meta name="description" - meta name="keywords" - meta name="robots" - name="distribution" - name="category"
4- خرايطة الموقع
5- صفحات ال html
1- ملف الربوت robots.txt
الباب الذى يطرق قبل دخول الموقع لمعرفه الممنوع والمسموح ارشفته فتخيل انك تقيم فى منزل بدون باب ماذا سيحدث
وطبعا التحكم فى الصفحات الموقع بيزيد سرعه الارشفه
مثال على المنتديات
انت تحتاج الى ارشفه جميع المواضيع المنتدى + الارشيف
ليه تسيب العناكب تأرشف ملفات الاعضاء ؟؟
ليه تسيب العناكب تأرشف الاسئله الشائعه ؟؟
ليه تسيب العناكب تأرشف المسئولين عن المنتدى ؟؟
يااااااه وصفحه تسجيل الدخول وتفعيل الاشتراك واسترجاع كلمه المرور اظن الافضل انى اوجه العناكب للمطلوب وابعدهم عن المرفوض
للمزيد من التفاصيل اقرء الموضوع التالى
ملف الربوت تحت المجهر robot.txt
2- عنواوين صفحات الموقع <title>
3- الميتا تاج
كيان واحد ففى اغلب الاحيان يكون للموقع عدد كبير من الصفحات بنفس العنوان ونفس الميتا ولكن المحتوى يختلف
ولكن هذا لا يحقق التوافق وصداقه محركات البحث
اغلب الاخوان بيضفو كلمات كتير فى ال keywords فى المنتدى مثلا وبالتالى تضاف فى كل صفحات ومواضيع الموقع
فلكى تكسب صداقه محرك البحث يجب ان تلاحظ عنواوين صفحات الموقع والميتا الخاصه بكل صفحه وليست فى صفحه معينه
ومثال على ذالك المنتديات
فانت تضع كلمات البحث والتوصيف الخاصه من اللوحه التحكم فتكون هي الخاصه بكل صفحات الموقع
فى هذا الوقت يبقى وصف موضوع عن الطبيخ مثلا يكون هو نفس وصف موضوع عن نظام تشغيل فستا مثلا
اعتقد الافضل انك تضيف لكل قسم 10 كلمات وعلى اعتبار ان المنتدى فيه 10 اقسام يبقى انت اضفت 100 كلمه ولكن تم توزيعهم بشكل صحيح
وتطرقت لهذه الفكره فى الموضوع التالى
العناوين والتوصيف للمنتدى للتوافق مع محركات البحث
وطبعا مش المنتدى هو المشكله بل هى طريقه تتبع مع اختلاف البرنامج او الاسكربت المستخدم
والهدف ان يكون لكل صفحه توصيفها الخاص وكلمتها الخاصه
4- خرايطة الموقع
هناك انواع كثيره من الخرايط واشهرها خرايط جوجل وخصوصا بعد اعتمادها من yahoo و msn ايضا
ولكن الاهم منها بالنسبه لاصحاب المواقع هى خريطه الموقع للزوار لانها تكون صفحه واحده يتجمع بها جميع روابط اقسام الموقع وتوصيفها
مثال على ذالك صفحه اقسام جوجل
http://www.google.com/intl/en/options/
توافر مثل هذه الصفحه لا يساعد الزوار فقط بل ارشفت الصفحه ايضا يزيد من توافق الموقع مع محركات البحث
لوجود عبارات التوصيف الاقسام التى تتحول الى كلمات داله على الموقع
وياتى بعدها مبشرتاً خرائط جوجل التى يمكنك من خلالها تحديد نشاط كل قسم او موضوع وميعاد اعاده الارشفه
و يليها خلاصه ال rss ( واحد من الاخوه يقول لى هل الـ rss يتم ارشفتها )
نعم فهى تعتبر احد انواع خرايط المواقع بالنسبه لمحركات البحث
5- صفحات ال html
تاتى فى المرتبه الاخيره مع العلم ان محركات البحث تتوافق بشكل كبير مع هذا النوع من الصفحات و بشكل عام كل الصفحات المباشره
التى لا تحتوى على رموز مثل ( ؟ , & , =) و ما شابه ذالك .
و لكن تخيل ان جميع صفحات موقعك html و اكواد الميتا فارغه او لم توضع من الاساس ؟؟
او حتى وضعت ولكن متشابهه فى جميع الصفحات
اعتقد باجابه هذا السؤال اكون قد وأضحت خلاصه الموضوع
وايضا توافق صفحات ال html ليس بامتداد الصفحه بل هى باكواد الغه
فالعناكب تستطيع التفرقه بين الكلمات العريضه ( bold ) والكلمات المسطوره( underline ) و توصيف الصور alt
واحب ان اركز على توصيف الصوره alt فاغلب المواقع العربيه يكون تصميم الموقع عباره عن صور
ويوضع الرابط على الصوره بدون alt
الصوره كدا شكلها مش واضح ........ نوضح اكتر عشان يبان الفرق
لاحظ الروابط التاليه
زيتاوى
امر طيعى ان يكون تفسير العناكب لهذا الرابط انه يؤدى الى موقع زيتاوى
اما اذا كان الرابط على الصوره بهذا الشكل بدون alt
لن تعرف العناكب ان هذا الرابط يدل على موقع زيتاوى لانها لن تقرء الصوره
اممم شايف فى عنين احد الاخوان سؤال
هل العناكب بتشوف المواقع ازاى يا وائل ؟
دى حاجه انا قعدت اتخيلها بعد قرائه مقاله منذ فتره
وتوقعت انى ارتدى نظاره تعمل بالاشعه تحت الحمراء
ولكن يمكنك البحث عن متصفح نصى text browser
مثل Lynx ويمكنك تحمله من الرابط التالى
download lynx browser
باسورد فك الضغط هي
www.zetawy.com
ودى صوره لتصفح موقعى
ملحوظه : الكلام المحدد بالون الاحمر مكتوب بالغه العربية وهذه صوره وانا اتصفح www.zetawy.com
تحياتى للجميع
رد مع اقتباس
المشاركة الأصلية كتبت بواسطة القمه
