استشارة بارك الله فيكم

[bader_ppc]

السلام عليكم ورحمة الله وبركاته

كانت عندي معاملة رسمية بأحدى وزارت الدولة أعجبت بأخلاق و أدب وحشمة فتاة تعمل بتلك الوازرة الله يستر عليها وبصراحه اريد ها زوجة لي

السؤال كيف الخطوة الثانية - اريد أن أعرف رأيي هذه الفتاة الله يستر عليها قبل أن أتقدم لها بشكل رسمي .

كيف أعرف رأيها ساعدوني جزاكم الله خيرا

الرجاء من الإخوان عدم التعليقات اللي مالها داعي

شكرا لكم

[المصمم 2005]

اخوي بكل سهولة خذ معاك اختك او والدتك وخليها تكلمها على انفراد وبشكل واضح وصريح ... واذا هي مو معترضة تاخذون رقم البيت والعنوان ... وتدقون البيوت من ابوابها
واذا صار نصيب لاتنسى تخبرنا علشان نفرحلك ان شاء الله .
وربي يوفقك ان شاء الله .

نحياتي .

[chockri]

يالغالي انت اشعرفك انها مو متزوجه ؟
يمكن متزوجه وانت ما تدري ؟
الله يوفقك يارب

[MANTEK]

البنت اللي تختلط بالرجال ما فيها خير

[bader_ppc]

شكرا لك أخي المصمم بإذن الله بطبق كلامك

chockri
لا يا أخي غير متزوجة تأكدت بنفسي من سؤال موظفة الشاي عندهم

MANTEK

أنا قلت أعجبني فيها حشمتها و أدبها و أخلاقها

وبعدين هي ليست منفردة مع الرجال بل بدائرة رسمية وجميع مو ظفات القسم من النساء .

شكرا للجميع ادعو لنا بالتوفيق

[King of Knights]

الله يرزقك يارب

ونفرح فييك

تحيتي ..

[الإبداع]

MANTEK

والرجل الي يختلط مع الحريم مابه خير

اجل كل الشركات والبنوك والدوائر الحكوميه مافيها خير

اجل ثلاث ارباع المجتمع السعوديه مافيه خير



الله يوفقك بندر

مثل ماقالولك الاخوان جب اختك ولا امك وكلموها

واسئلوا عن البنت مايكفي انك اعجبت فيها وبحشمتها

والله يكتبه ربك بيصير

بالتوفيق

[أيمن الباشا]

www.nlp1.net

عزيزي هذا موقع يحتوي على العديد من المستشارين المتخصصين ..

يوجد قسم في الموقع لارسال الاستشارات ..

ارسل مشكلتك هذي ..

و سوف يردوا عليك في اقرب وقت ..

مع التحية

[MANTEK]

MANTEK

والرجل الي يختلط مع الحريم مابه خير

اجل كل الشركات والبنوك والدوائر الحكوميه مافيها خير

اجل ثلاث ارباع المجتمع السعوديه مافيه خير

صح اخوي الابداع
اي اختلاط مين ما يكون ما فيه خير حتى لو العالم كلهم
الصح صح ما يتغير يسونه ناس كثير والا قليل
باختصار الله حرم الاختلاط واي واحد يختلط راح يكون ما فيه خير وعاصي لله

وسلامتك

[بدر شفاقة]

والله يا الغالي مدري
لان انت خابر احنا السعوديين ما عندنا من هالكلام ألا في بعض الاماكن فيه اختلاط بالعمل
يعني أسئل مجرب ولا تسئل واحد مهو داري براسه

البنت اللي تختلط بالرجال ما فيها خير

يخوي الله يستر على بنات العالم

والله هذا بلانا في السعوديه
الواحد يفكر كل البنات الي موظفات مثل الي بالتليفزيون :eek2: :eek2:
نفكر انهن زاحفات وفالات والديها

وهذا ظريبة التلفزيون والي تسويه فينا

ولك تحياتي ولا تزعل يا دكتور على الانتقاد تراها سوالف مثل ما احنا بموقع سوالف وبدون زعل والساعه الحين 2 باليل يعني البساط احمدي :nice: