احد جرب انترنت بالكهرباء في الرياض ؟

[kilani]

السلام عليكم ورحمة الله وبركاته
شباب اليوم كنت في معرض جايتكس في الرياض
طبعا المعرض لأول زيارة لي الله بالخير ما عجبني زي غيره في الدول المجاورة

لكن لقيت انترنت دي اس ال على الكهرباء من شركه اسمها روزي نت
واسعارهم جدا منافسه بالنسبة للسعودية ما اتكلم عن الدول الثانية
المهم فيه احد جرب الخدمة هذي ؟؟
وهل ينصح فيها
وكيف الابلود فيها هل هو جيد ولا انسى الموضوع واشيل فكرة الاشتراك من راسي قبل اتورط


لكم التحية

[kilani]

اممم شكله محد جربه او سمع عنه في الرياض
عمومااليوم رحت المعرض مره ثانية ادور لهم معرض بس الناس ذولا مالهم اي مبسط حتى ههههه
سوق خضار صايرين
المهم دقيت عليهم ولاحد رد
قلت بدايه مبشره بالخير
طنشتهم
الغريب في الموضوع المعرض السقيم هذا مايكروسفت مالها مقر مع المجموعه
هذا ان دل على شي دل على انه ما حولك احد وعملاقة البرمجيات ما جوهم يعني على الاقل تسويق للفيستا
بس مافيه
عموما اللي عنده اي راي يضيفه بخصوص الانترنت الكهربائي

[MO123]

لا تتعب نفسك الكهرب هذا نسمع فيه من سنوات وعندهم موقع في النت اذا دخلته ما تفهم ولا شي منه http://www.electronetonline.com ( تزويد انترنت , تطلق انترنت عالي السرعة , تنافس في رخصة الانترنت ) كلام فاضي

وفي الاخير تدخل في منافسة الحصول على رخصة الهاتف الثابت (وتكرشها هيئة الاتصالات شر كرشة )

على العموم باقي من الشركات الي تم ترشيحها ثلاث شركات وراح يعلن عن اسم الفائز منها يوم السبت المقبل

1- إم سي آي إنترناشونال سيرفزس إنك/ فيريزون MCI / Verison الامريكية ( يارب تفوز بالرخصة )

2- اتحاد المتكاملة (المشغل بي سي سي دبليو من هونج كونج)

3- واتحاد عذيب (المشغل Batelco بتلكو البحرينية). ( يارب ما تفوز ) غالية في البحرين والتحميل محدود والكل يتشكى منها
http://arabic.batelco.com/broadband_at_home.asp

[kilani]

يا هلا والله ..
إيه انا داخل ٍ موقهم من زمان الله يخسهم
وقالوا بدوها في الشرقية وبعدين اختفى الكلام في الموضوع
انا لقيت برشورهم معلق على الكامري وقريته وقلت والله حلو يفكونا من هالخدمة البايخه حق الدي اس ال
بس لما دقيت ومحد رد ودورت في المعرض شبر شبر على اي مقر لهم شفت ماهناااااااااااااش احد
قلت الدعوة ماهيب مضبوطه
ويستاهلون ماجوهم من كرشه من هيئة الاتصالات والقادم مذهل اذا ما كرشولك الشركة الامريكية هههههههههههه
من جد مدري وش يبون بالضبط هالهيئة مدري وش المصلحة بالضبط من كل هالتعقيدات وتوفير الخدمات الافضل
بس إن شاء الله تفوز هالشركة الامريكية وعساه يضبط الوضع عندنا
لكن من جهة ثانية
شلون بنتطور وفي علقيات متحجرة مثل راعي هالرد اللي يقول زين انهم خلوو سعر الـ 1 ميقا 800 ولا حتى لو الف ريال عشان اللي يدخلون شاتات ويحملون وما يعرفون النت ما يدخلون النت ولا يستخدمونه
نعلمهم كيرم وباصره ومنوبولي عشان ماحد يتطور لانهم موب راعين اهداف ساميه في نظره
http://www.swalif.net/softs/showpost...2&postcount=13
لا بعد يقول ان السعر مناسب جدا
الولد شكله مقطوع سره في حظن بيل قيتس ولا الوليد .. هذا من طقة القحطاني حق الاتصالات
وبنشووف نهايتها والقافله تسير والبطيخه فوق الشجرة
يعطيك العافية خيوو

[جوردن هوست]

انا مجربها بالاردن وشغاله ميه ميه

وهي تغنيك عن اسلاك النتوورك للي عنده محل انترنت

[MO123]

الشيء الثاني .. اغلب طالبي الانترنت عالي السرعة مستخدمي تورنت ، تشات ، بالتوك وخدمات الشير ، بنظرة عقلانية .. اوفر 2 ميغا واخلي سعرها 1000 ريال .. عشان اللى مايعرف للنت يبقى على حاله احسن له ...

:con2: تصدق عاد ما دهورنا غيل الاشكال هذي ما عنده غير المهايط ومخالفة اراء الناس

اجل يقول السرعة العالية تشات :app: :app: ( وبنظرة عقلانية ) :deal: واثق

اجل امريكا واليابان الي اقل سرعة عندهم 20MB قاعدين دردشة وانت يابو سرعة 64 كيلو (Alhawe Graphic)جالس تصنع صاروخ


ياشيخ طيرررررررررررررررررررررررررر