ماذا حدث في مركز وافي في الإمارات مقطع فيديو

[أحمد خلف]

السلام عليكم ورحمة الله وبركاتة

صراحه شئ عجيب ما نراه عملية سرقه وامام الناس وفي الامارات ( اللهم احفظها ) وكأنك تشوف فلم اكشن او عملية السرقه في امريكا

حسبي الله عليهم

المقطع كملف مضغوط 2 ميجا تقريباً : http://www.tntup.com/file.php?file=a...26c312af0f687f

المقطع مشاده مباشره بدون تزيل : http://www.tntup.com/video/view.php?...7a182a71201eff


اللهم احفظ بلاد المسلمين يا رب العالمين

[هوست دبي]

نبشرك طال عمرك ..

بأقل من 24 ساعة تم القبض على المجرمين

بفضل من الله و من جهود شرطة دبي

[chockri]

شكرا لك

[Kasper]

بعدين شركة مثل كذا الي معروض في المحل عندها ب 40 مليون اقل شيء عندها تامين في اكثر من شركة

حاسبين حساب لمثل هاليوم ههههههههه

[Renegade]

منو قالك انهم زخو العصابه ؟؟
محد حصلهم ولا شافهم لين الحين تخترع اخبار انته ؟

[alzaabi]

ملقوف

يبا يسوي عنده خبر في كل شي واول شي هاهم مصادر الاشاعا تراهم جذي ايونك

وبعدين مانزخ حد ولا شي زاخين كم روسي من الشقق وقاعدين يبهدلونهم ولا طلعوا بشي

للحين ولا واحد من العصابه انزخ والتفتيشات لازالت قائمه حتى في الذيد

والله اييبهم

[هوست دبي]

ملقوف

و نعم الأخلاق .. شكراً لك

[هوست دبي]

منو قالك انهم زخو العصابه ؟؟
محد حصلهم ولا شافهم لين الحين تخترع اخبار انته ؟

صح كلامك أخوي أنا غلطت إني نقلت معلومة لم يتم الإعلان عنها رسمياً، أو ما في شيء يؤكد صحتها

شكراً لك أسلوبك يخلي الواحد يفكر شوي و يراجع نفسه، لكن مثل بعض الناس ؟ ما أقول له إلا نعم الأخلاق

[سفير التقنية]

ههههههه

الأحبه الإماراتيين عندهم مصطلحات خاصة ممكن ترجمة

زخو !

ايونك !



وبعدين مانزخ حد ولا شي زاخين كم روسي من الشقق وقاعدين يبهدلونهم (مافهمت شئ صراحه)

والله يحفظها وجميع بلاد المسلمين

[One in Million]

ههههههه

الأحبه الإماراتيين عندهم مصطلحات خاصة ممكن ترجمة

زخو !

ايونك !



وبعدين مانزخ حد ولا شي زاخين كم روسي من الشقق وقاعدين يبهدلونهم (مافهمت شئ صراحه)

والله يحفظها وجميع بلاد المسلمين

ههههههههههههههه


زخو = مسكو = كفشو

ايونك = يجونك من كلمة يجي


اما بالنسبة للجملة اللي مافهمتها اخوي

اخونا الزعابي يقصد انه ما انمسك الا كم شخص روسي من الشقق واشتغلوهم بهذله لعل وعسى يعرفون شي



اما بالنسبة للأخوان اللي فوق

عينو خير واذكرو الله ... مايسوى عليكم

صار خير وكل واحد يصلح سيارته :nice:

[Renegade]

والله انه هندي اليوم راجع ريوس ودعم سيارتي وتم يصيح ماعندي ليسن وماعندي ليسن
اخر شي قلت له روح وانا بصلح سيارتي وفررررررررح

دفع بلا

[أحمد خلف]

كان الموضوع في صوب ماله كذا تحول الى مركز ترجمه وتحليل لهجات


اندكو السارق امسكنو

يالله مين يفسرها لنا واي لهجه هذه :nice:

[هوست دبي]

إخواني مو قصدنا نخرب موضوعكم

لكن لما تشوف واحد يدعي الإلتزام ،، و على غلطة بسيطة بدل ما ينصح تلقاه يتلفظ بألفاظ ..... !!

[One in Million]

كان الموضوع في صوب ماله كذا تحول الى مركز ترجمه وتحليل لهجات


اندكو السارق امسكنو

يالله مين يفسرها لنا واي لهجه هذه :nice:

بعد الفرفره واللفلفه و جلسات اليوغا لتصفية المخ :funny:

اظن والله اعلم

اندكو = بمعنى هذا هو = اندووووك( باللهجة الاماراتية ) :funny:

السارق = يعني لازم نترجمها !! ههههه

امسكنو = امسكوه

ويقال والله اعلم ان هذه اللهجة العدنية

صح يا عمونا الحج ولا انا غلطان


وبالنسبة للأخوان HostDubai.com + Renegade +alzaabi

صار خير .. وياما يصير بين الاخوان

[alzaabi]

الاخ هوست دبي لو سمحت ياخي ماله داعي ها البربره الزايده

انا قلت انك ملقوف وفعلا لقافه انك تتكلم بدون علم وقاعد تتكلم كأنك مسويلك مصادر خاصه من داخل الشرطه تحصلك على معلومات وقاعد تلاقف الناس بمعلوماتك الواهيه وفي الاخير بعد تعترف على نفسك انك غلطان في نقل المعلومه
وهذا شو يعني مب لقافه؟
والتصرف هذا يدل على شو ؟؟
وبعدين انا قلتها مره وهي في محلها وانت اتردد الكلام الف مره يعني كل مره تروح وترد على كلامي انا كأني انا سبيتك مسبه مشينه وطعنت في اخلاقك.
ياخي انت الي متوصف لنفسك بهذا الاسلوب والتصرف كونك نقلت كلام مغلوط وماله اي اساس من الصحه واتي وتنشر الكلام الغير صحيح؟؟ مب اشاعه هذى وعدم احترام الناس هذا التصرف؟؟
تسابق الناس وكأنك بتاخذ الكأس وفي الاخير تقر على نفسك انك غلطان
يعني بدال ملقوف لو قلت كذاب بترتاح وسويتلك حفله ويبتلك لينكات وكلام رسمي يدل على انه انت كلامك غير صحيح وقلت كذاب بترتاح يعني لو تصرفت بأهانه ؟؟!!
ياخي عيل لاتعاتب الناس اذا ردوا عليك
ياخي واحترم نفسك ماله داعي كل مره تغلط وتقول كلام مب زين

وانا شفت ردك الاول وسكت وقلت ماعليه انا غلطان رديت عليه اصلا ويالله تصرفات من واحد ورا ها الكمبيوتر مايندرا واحد كبير ولا صغير واحد عصبي ولا عنده شي الله اعلم فيه ولكن ترجع وتكرر كلامك ولا كذا مره عاد اسمحلي انا برد عليك لانك ماحترمت حريه الكلمه واحترام الناس ونقل الكلام الغلط الي الناس وبالصوره الي يباها لنفسه
ويرجع ويرادد الناس ويتهمهم بالكلام المسيئ
ارجع واقولك التزم احترامك لانك مب مره رددت كلامك كذا مره رددت كلامك وماله داعي الكلام الفاضي
وانا من حقي ارد عليك باللقافه لانك تقول كلام غير صحيح وكلام يخص جهات مسؤوله وبالاول امننا وسمعت بلدنا
وكلمة ملقوف واعتقد هذى مب مسبه او اهانه انما صفه انت توصفت فيها لنفسك بردك السابق
وفي الاخير قمت تغلط نفسك .... عجبااا !!!!

الله يهدينا ويهديك

واحب انوه اني ما ادعي الالتزام واذا كان فيني التزام واحترام فحبي لله ان يشوفه ويقدرني فيه لا انت ولا اخوي ولا صديق ولا اي حد بينفعني امام الله سوى علمي الصالح وبر الوالدين وفي الاخير محبه الناس
وردي او الفاضي حسب ماتفضلت لم تكن نابيه ولم تكن اهانه مشينه فيك او في غيرك

وان كان كذلك

هذا اعتذار مني وسأسطره لك في اي منتدي واي موقع ان احببت كذلك