رسالة للي يراسلني بدون اذني ومقفل التصفح

[MANTEK]

السلام عليكم
قسم بالله حام كبدي ادخل بريدي الاقي رسائل دعاية بالكوم
امر عليها وانا احذفها واقرا الخرابيط اللي يكتبونها المبزرة اللي اذو خلق الله
اقول احياناً ياولد خش شوف وش الموضوع
اروح الاقي الاخ مقفل التصفح ويبيني اسجل
صحيح اللي استحو ماتو
الحين تزعجني وتذيني في عمري وتبغاني اكمان اسجل عشان تتنفخ قدام زملاك انو عندك منتدى وموقع ناجح

الواحد ما صار يقدر يعرف يقرا رسابلو المهمة من رسائل المواقع العربية والمنتديات
وعناوين تفشل ووساخة وقلة حيا
قال ايش قال مرافق صدام يروي احداث 9 نيسان
الله لا يعطيك العافية انت ومرافق صدام
اعوذ بالله

يعالم اكبروا واستحو
ومعليش يا اهل سوالف

[البحار111]

تصدق انه ايميلي فيه ما يقارب 1500 رساله من هالأشكال

وللحين ما قريتهم ولا اعرف شو فيهم




الله المستعان

[مجود الحفر]

عندنا وعندكم خير


وربي ما يستحون بس احمد ربي ايميلي مااسجل فيه في اي منتدى


القديم وكرفناه كرف حللته تقريبا فوق 300 رسالة+ ما يقدر يضيف احد


هع هع هع

[internet]

ههههههههههههههههه اذا على مرافق صدام الامر يهون

المشكلة الرسائل الي تجيك مدري ايش على سرير النوم

واخر فضائح الست هيفا

وعناوين اخجل اني اكتبها

وبالاخير بكل ثقه حاط رقم جواله

وبعد استقبال اكثر من 15 رساله بيوم واحد منه اتصلت عليه وصحيته من النوم الظهر تقريباً

قلتله ياخي واللي يرحم والديك احذف بريدي من القائمة عندك

واخينا في الله مستغرب وش اتكلم عنه

اثاري دافع له 200 ريال على واحد ؟؟؟؟ يسوي له اشهار والـ ؟؟؟؟ مستلم العالم بعناوين جنسية وقذرة زي وجهة

وفي النهاية ؟

مازال بريدي يستقبل عشرات الرسائل يومياً

[الدربيل]

ياهلابك اخوي الغالي MANTEK

الحقيقه موضوعك فعلا حساس شوي وكثير يعاني منه انا من الناس الي اعاني منه

لكن ترا بعض اصحاب لمنتديات والله مساكين ولاهم دارين وش السالفه يعني على سبيل المثال

تلاقيه مو مفعل التفعيل بالبريد يجي واحد يسجل ببريد يامتعمد او من غير قصد ويكون بريدك وتوصلك الرساله

البعض منهم يركب له احد ستايل وسحب الاعضاء ويروح يرسل لهم وانت منهم

البعض يلاقي واحد بالمنسجر التوبك حقه ((اشهر موقعك 200 ريال)) ومايصدق ويرسل ويقوله اصبر يوم وشوف

ويروح يرسل رسائل صاحب المنتدى المسكين مايدري اش محتواها وكلها فعلا كلام استحي اقوله ويكتشف انه وقع بمقلب ويتورط بالاخير

وانا فعلا ارسل لي رساله واحد بالمنتدى وقال يخوي من قالك تسجلني ووووووو وبدا يسب ويشتم قلت ياغلاي والله ماسجلتك لكن مرت اوقات كان التسجيل مفتوح لاجل مشاكل البريد وممكن احد يعرفك مسجل ببريدك ولاصار الا كل خير الحين ارمي اشتراكك

والله المستعان

اخوكم ابو عمر


برايفت كونان ها شفت الموضوع

[عبد الله هُربي]

الله المستعان ..

والله تصلني رسائل من عدة منتديات احدها من صديق لديه منتدى ..!!!

والله اني اخجل ان اقول محتوى هذه الرسالة ..!!

[mega]

عندى ثلاث اميلات

الاول - لمثل هذه الاشكال اسجل بكل موقع فيه وبراحتهم يراسلونى الله يعمر دليت

الثاني - للاصدقاء

الثالث - رسمي للباسووردات والمعاملات الخاصه <<--- قوية

================
والسلام

[عبد الله هُربي]

عندى ثلاث اميلات

الاول - لمثل هذه الاشكال اسجل بكل موقع فيه وبراحتهم يراسلونى الله يعمر دليت

الثاني - للاصدقاء

الثالث - رسمي للباسووردات والمعاملات الخاصه <<--- قوية

================
والسلام

كويس ..
وانا مسوي نفس الكلام ..!!
ومسوي بريد جى ميل .. لهالاشكال ..

[m7bobh]

انا اول كان بريدي على هالحاله
لين لقيت حلول موجوده بسوالف
بس انتم تتبعوا المواضيع الي عن هذا الموضوع وراح تلقون الحلول

والله كنت باليوم الواحد احذف الاف الرسائل
والان مازال فيه دعايات ولكن قليله جدا