احد سوى ريجيم من قبل ؟ انادب وابي انحف ..:( ادخل واعطيني رايك

[ليث الشرس]

انا بالاول وزني 120 كيلو .. لكن مو دب لان طولي 188 .. والوزن ضايع في الطول ..

عموما فيه كرشة صغيرة ودهون متراكمة لكن مو سمنة مفرطة ..

عموما ..

بالنسبة لي أنا الوزن كان يزيد وينقص .. يعني عادي في اسبوع واحد يوصل 126 وعادي ينقص في الاسبوع اللي بعده ..

الشغلة ان فيه الواحد تمر عليه ظروف مثل امتحانات يطب فيها الواحد بالاكل ويتعشى من البيت ويرجع يطلب من برا عشا ثاني .. وينقنق قبل النوم اي شي بالثلاجة ..

فـ لما أوقف العشا لمدة اسبوع واحد بس .. بدون ما العب رياضة ولا اقلل من كمية الاكل ..

اضعف 5 كيلو بالراحة ..

لان العشا هو السبب في السمنة .. انت تاكل سعرات حرارية وتنام بعد ساعه ولا ساعتين وما تحرقها .. واذا حقتها بالرياضة تاكل اكثر .. خصوصا اللي شهيتهم مفتوحة ..

يعني عبي بطنك بالفطور .. وتغدى لا تبخل على نفسك .. اما العشا لا تتعشا ابد .. اذا جعت جعت خذلك حبة فاكهة ..

وبعض النقاط بلخصلك اياها من تجربتي الخاصة بحيث تكون التجربة ممتعة :

- لا تتعشى ابد ( ان طارت مرة بالاسبوع ) ..

- أكثر من شرب الماء .. وين ما تروح اشرب ماي لانه مفيد جدا ويحرق الدهون ..

- بالنسبة لي كنت اخسر الوزن بدون مشي وشغلات .. لكن حرّك في كل مناسبة ممكنة .. مثلا اذا تبي شي من البرادة روح مشي لا تسوي اوردر بالتلفون .. امشي للمسجد بدل ما تروح بالسيارة .. اشياء الخ ...

- طبعا مين منا ما يحب يلعب كورة .. اجتمع مع ربعك يوم الاجازة .. استأجرو ملعب والعبوو .. بدال العزايم !!

- حاول تقلل من كميات الاكل .. مثلا اذا تبي تتعشى هالمرة او المرتين بالاسبوع بدال 4 حبات همبرغر خلهم ثنتين ..

- لا تشرب ببسي عادي اشرب دايت فيه سعرات اقل .. ولا تاكل خبز ابيض اكل خبز قمح .. وهكذا ..


وبالباقي اللي في نفسك سوه ..

بعدين تأكد اذا ما التزمت بالدايت .. تره ما بينفع معك .. لكن اذا ما تبي تسوي رجيم قاسي .. عندكالنصايح اللي فوق علشان تسوي اللي في نفسك وما تقسى على نفسك وبنفس الوقت تخسر وزن .. طبعا اذا بالفعل انت في نفسك تبي تخسر هالوزن الزايد !!

[mad_4u]

عندي لك خبر حلو بس
توني جاي من عند دكتور في جامعة كامبردج البريطانية متخصص في الوزن والتخسيس مع واحد خويي وزنه زائد
وشاف الوزن تبعه وبكرة بطلع عندة بجيب البرنامج الغدائي تبعه للتخسيس
لاكن شرط انة يلتزم بالبرنامج الغدائي وخلال 6 شهور بالكثير يكون وصلت للوزن الطبيعي لجسمك
البرنامج الغدائي راح يكون 3 برامج غدائية ووجبة عادية مثل العشاء من الي تشتهية
خلال شهر واحد خس واحد من الي اعرفهم 30 كيلو
مع البرنامج لازم تروح لمركز بناء اجسام وتعمل رياضة سير وجري ودراجة لمدة ساعتين باليوم
راح تنزل في الاسبوع اقل شيء من 2 كيلو الى 3 كيلو

[قناص بدوي]

بلا تخسيس بلا خرابيط
ارضى بوزنك وجسمك وخلك مثلي .. عش حياتك مثل ما جت

---------------------------------
تحميل ألعاب ألعاب ألعاب PC ألعاب كمبيوتر
PC games games download
links روابط دليل

[الغريم]

لول
الوزن 63
الطول : 173

تركت الرز و عشت حياتي

[v3i]

iهذا افضل رجيم جربته .. بالاسبوع ينقص وزنك 5 - 7 كيلو .. والحمد لله نقص من وزني 20 كيلو ووقفت .. الرجيم هذا يسمونه الرجيم الكيميائي عليه كلام كثير وتحذير وجربته والحمد لله لي 6 شهور ماصار لي شئ ..

الاسبوع الأول

الفطور اليومي:- بيضتين مسلوقه+ نصف برتقاله


(السبت)

الغداء:- فاكهه صنف واحد وبأي كميه( ماعداالمناجو والتين والموز ممنوع)

العشاء:- لحم مشوي ( شرائح اومفروم)+سلطة خضروات


(الأحد)

الغداء :- دجاج مسلوق اومشوي +طماطم+برتقاله وحده

العشاء:- 2 بيضه مسلوقه+ سلطه(خيار,خس,طماطم,جزر,فلفل اخضر)+توست واحد +برتقاله


(الأثنين)


الغداء:- جبن قريش اوجبن منزوع الدسم بأي كميه+توست واحد+طماطم

العشاء:-لحم مشوي اومفروم +سلطه

(الثلاثاء)

الغداء :- فاكهه صنف واحد باي كميه
العشاء:- لحم مفروم اومشوي وسلطه


الاربعاء


الغداء:-2 بيضه مسلوقه+ خضار مسلوق
العشاء:- سمك اوجمبري اوتونه مصفاه من الزيت +سلطه+برتقاله


الخميس

الغداء:- فاكهه صنف واحد باي كميه
العشاء :- لحم مشوي وسلطه


الجمعه

الغداء :-دجاج مسلوق اومشوي+طماطم+خضار مسلوق+برتقاله


(مسموح مشروبات الدايت والقهوه والشاي والاعشاب بدون سكر)
مسموح تناول جزر اوخيار بين الوجبات(اختيار صنف واحد) ولكن قبل الوجبه بساعتين


الأسبوع الثاني


الفطور اليومي( 2 بيضه+نصف برتقاله)


السبت

الغداء:-2 بيضه مسلوقه+ سلطه
العشاء:-2 بيضه+برتقاله

الاحد

الغداء:- لحم مشوي(شرائح اومفروم بدون دهن)+سلطه
العشاء:-2 بيضه +برتقاله

الاثنين

الغداء:- لحم مشوي + خيار فقط
العشاء:- 2 بيضه مسلوقه + خضار مسلوق

الثلاثاء

الغداء:- 2 بيضه مسلوقه+جبن منزوع الدسم+خضار مسلوق
العشاء:-2 بيضه مسلوقه+ خضار مسلوق+طماطم

الاربعاء

الغداء:- سمك اوجمبري اوتونه مصفاه
العشاء:- 2 بيضه مسلوقه+ خضار مسلوق

الخميس

الغداء:- لحم مشوي+طماطم+برتقاله
العشاء:-خليط من الفواكه الطازجه

الجمعه
الغداء:- دجاج مسلوق اومشوي +طماطم+ خضار مسلوق+برتقاله
العشاء:-دجاج مسلوق+ طماطم+برتقاله


الاسبوع الثالث

السبت
طول اليوم:- اي نوع من الفاكهه وبأي كميه وفي اي وقت وبأي خليط ماعدا( العنب والمانجو والتمر والموز والتين

الاحد
طول اليوم:- اي نوع من الخضار المسلوق واي نوع من السلطه ( كل انواع الخضار مسموح بها ماعدا البطاطس والبقوليات الجافه

الاثنين
طول اليوم:-اي نوع من الفاكهه السابقه واي نوع من الخضار المسلوق في اي وقت وباي كميه

الثلاثاء
طول اليوم:-سمك اوجمبري اوتونه مصفاه باي كميه مع سلطة خس وجرجير فقط

الاربعاء
طول اليوم:- لحم مفروم اولحم مشوي اودجاج مسلوق اومشوي طول اليوم وباي كميه+خضار مسلوق

الخميس والجمعه:-فاكهه صنف واحد باي كميه في اي وقت


الاسبوع الرابع

الكميه المذكوره في كل يوم توزع على اليوم بدون موعد محدد ولكن بدون اي زياده

السبت:-
4 شرائح لحم مشوي اومسلوق اوربع دجاجه مسلوقه
3 طماطم
4 خيار
علبة تونه كبيره مصفاه من الزيت
1 توست
برتقاله


الاحد
2 شريحة لحم مشوي
3 طماطم
4 خيار
1 توست
1 تفاحه اوجوافه اوكمثري اوقطعة شمام
برتقاله


الاثنين

ملعقة جبن قريش اواي جبن ابيض منزوع الدسم
علبة تونه مصفاه من الزيت
طبق صغير خضار مسلوق
2 طماطم
2 خيار
1 توست
برتقاله

الثلاثاء
نصف دجاجه مسلوقه اومشويه
3 طماطم
4 خيار
1 توست
برتقاله



الاربعاء
ربع دجاجه مسلوقه اومشويه
2 بيضه
1 خس
3 طماطم
4 خيار
برتقاله



الخميس
2 صدر دجاجه مسلوق
ثمن كيلو جبن ابيض منزوع الدسم
1 توست
2 طماطم
2 خيار
1 زبادي
برتقاله



الجمعه
ملعقة جبن منزوع الدسم
علبة تونه مصفاه من الزيت
طبق صغير خضار مسلوق
2 طماطم
2 خيار
1 توست
برتقاله


بس يبي لك تمشي كل يوم 30 دقيقة على الاقل ,, + اذا جعت بين الوجبات تقدر تاكل ( خيار - جزر - خس ) بس بعد كل وجبة رئيسية بساعتين .. تقدر تاكل باي كمية وباي وقت ماعدا بعد الوجبات ب ساعتين وكثر من شرب الماء ..

فيه فوائد ثانية .. بعده ماتحس بالجوع ابدا

أتمنى منك تجربه وادعيلي بالخير والتوفيق ..

اخوك

[kilani]

اخوي
" كلوا واشربوا ولا تسرفوا "

ممكن تاكل كل شئ وتشرب كل شئ لكن متزودشي عن المنسوب
وتجلس جلسه النبي في الطعام حتي تطبق حديث الرسول ثلثا لطعامك وثلثا لشربك وثلثا لنفسك

ودمتم

أخي العزيز اكيد وجزاك الله خير اهم شي عدم الاسراف والافراط في الاكل
بس المشكلة مو انا اللي بافرط في الاكل
بطني هو اللي يطلب
لكن ان شاء الله وبحول الله تعالى
ناقص ناقص الله لا يعووقنا بشر

[kilani]

معاناة فعلا !!

جاتني فترة لمدة 3 شهور كانت حياتي كلها كمبيوتر + أكل + نوم (وحاليا للأسف مثل ما هي بس على أخف شوي )
...................

اهلين يا لورد
فعلا نفسسسس معاناتي النت والكومبيوتر
احس وقتي ملييييييييييان مافيه شي اسويه غير الشغل
وهو اللي اشغلني والله يجي آخر الليل اقول بامشي شوي
فجأه كذا يجيني شوشو يقول بلا مشي بلا هم
اشوف المخدة ملكة جمال العالم 2008 هههههههههههه
اروح اتحضنها وارقققققققققد واشخر واسعبل ههههههههههههههه
الله يكون بالعون بس انت عندك شي يعني فالح في الالعاب
انا بالنسبة لي الالعاب مدري شلون شكلها والله
,ومن تجاربكم نستفيد يا عمدة

[kilani]

نفس مشكلتي

كان وزني 76 وقلت بسوي رجيم كيميائي

و لل\اسف انقلب السحر على الساحر وصرت اكل بشراهه و الان 93

اتمنى فيه رجيم بدون مشي

يؤ يؤ يؤ
ياخي الريجيم الكيمائي فعلا يقولون خطر مره اذا ما ضبطه يمكن ينقلب عليك
وبالفعل انا قبل كم سنه سويته وكان العيب اني ما امشي وكنت متكل عليه بعد الله
عشان انحف وفعلا نحفت
بس ياخي عيبه نفسيتك تصير دمار ولما تخلص منه تحس برغبه للاكل لانك محروم منه
وعوضت الوزن اللي خسرته وزيادة مثلللك
بس انت ياخي شكلك انفرررررررررررررطت مره بعدين حرام عليك كان وزنك حلووووو
بس لازم لازم المشي ما اعتقد ريجيم من غير رياضه
اصلا يصير ماله قيمة

عموما لازم نشد على انفسنا شوي يادب
<=- يا عيااااااار

[kilani]

انا بالاول وزني 120 كيلو .. لكن مو دب لان طولي 188 .. والوزن ضايع في الطول ..

عموما فيه كرشة صغيرة ودهون متراكمة لكن مو سمنة مفرطة ..

عموما .. ...............................!!

امممم
اول شي ماشاء الله تبارك الله
اطول مني بعشره سم
انا بصراحة شهيتي ولله الحمد والمنه مفتوحة بس احاول اتخلص منها
وانت مثل ما قلت ان فترات الاختبارات مزعجة
وانا بالفعل امر بمرحله حرجة وهذي الايام اكل بافرااااااااااط عشان بس ابي احط حرتي في شي
اقطعه باسناني
وطاح في يدي الهمبرقرات والخ الخ
باذن الله تعالى راح اجرب النصايح اللي قلتها وانا فعلا ً في نيتي اخسر هالوزن لانه معذبني ومحرجني في نفس الوقت
لان عندي تراكم دهون في الافخاذ والارداف والبطن انواع البياااااااخة في الاشياء الطايحة على جنب
هههههههههههههه
الله يعين
عموما ان شاء الله بعد فتره بانزل موضوع شككككر بعد ما انزل وباحط صور قبل وبعد

[kilani]

عندي لك خبر حلو بس
توني جاي من عند دكتور في جامعة كامبردج البريطانية متخصص في الوزن والت**** مع واحد خويي وزنه زائد
وشاف الوزن تبعه وبكرة بطلع عندة بجيب البرنامج الغدائي تبعه للت****
لاكن شرط انة يلتزم بالبرنامج الغدائي وخلال 6 شهور بالكثير يكون وصلت للوزن الطبيعي لجسمك
البرنامج الغدائي راح يكون 3 برامج غدائية ووجبة عادية مثل العشاء من الي تشتهية
خلال شهر واحد خس واحد من الي اعرفهم 30 كيلو
مع البرنامج لازم تروح لمركز بناء اجسام وتعمل رياضة سير وجري ودراجة لمدة ساعتين باليوم
راح تنزل في الاسبوع اقل شيء من 2 كيلو الى 3 كيلو

يالله يا شييييييخ من بؤك لباب السما
خلينا نشوف النموذج اللي عندك وان شاء الله باسوي معه مقارنه مع النموذج اللي تحت
وان شاء الله باطلع بنتيجة زييييييييييينه
يعطيك الف عافية
لاتنسى تكفى
وسلم لي على كام درج
قولهم وليد يسلم عليكم كثير السسسسسسسسسسللام ويقول بيكب الشحوم في الساحة حق الجامعه عشان تزحلقون عليها

[kilani]

بلا ت**** بلا خرابيط
ارضى بوزنك وجسمك وخلك مثلي .. عش حياتك مثل ما جت

الحمدلله راضين بالمقسووووم ولله الحمد
بس ياخي النحف بعد زين والاعتدال
وبعدين كان ودي اعيش حياتي قبل ما يجيك الباند اتمنى انك تشووف هذا الرد
وتجي بعدين عشان تشوف صورتي قبل وبعد :d
لك التحية .. وفك الله اسرك
بس انت وش مسوي يوم انهم بندوك
<=- من سمعك قال بيرد عليك :app:

[kilani]

لول
الوزن 63
الطول : 173

تركت الرز و عشت حياتي

ماشاء الله انواع الرشاقة
لا اصكك عين انتبه لي
تدري عاد وين المشكلة عندي اخاف لا نحفت تصغر خدودي .. ويكبر خشمي
ههههههههههههههههههه
والله من جد هنا معضله عظيمه
بس واحد قال انه فيه حل انك تخلي وجهك منتفخ عشان تتستر على باقي الاجزاء الكبيره في وجهك
مثل الخشم الاذاني
keep going لا تسمن تكفى

[kilani]

iهذا افضل رجيم جربته .. بالاسبوع ينقص وزنك 5 - 7 كيلو .. والحمد لله نقص من وزني 20 كيلو ووقفت .. الرجيم هذا يسمونه الرجيم الكيميائي عليه كلام كثير وتحذير وجربته والحمد لله لي 6 شهور ماصار لي شئ .. .......................................

اخوك

اخي العزيز الله يوفقك ويبارك فيك
هذا فعلا ريجيم ممتاااااااز
بس فيه مشششششششششكلة
انه بعد ما تنتهي منه يسبب حاله اكتئاب مو طبيعيه
وانا بالفعل جربته
ومشى الحال مررررررره مشى الحال بس مشكلته وانا اخوووووووك انه يتعب نفسيتك حيل حيل حيل
ويصير الوجه شاحب
وانا بيني وبينك مثل ما وضحت في رد قبل هذا ان لا شحب وجهي يصير كله خشم
انا باشوف العرض اللي بيجيبهاخونا mad4u واذا كان كذا ولازم قبل الوظيفة الوزن ينقص عشرين كيلو
فهذا شر لا بد منه
مالي الا هو
وانا مانزلت هالموضوع إلا لأني منحاش من الكيميائي


بارك الله فيييييييك

[عسول]

بحكم تجربه شخصيه انا قبل ادخل وظيفتي قبل 6 سنوات يمكن كان وزني 106 والان الحمدالله وزني 75 وثابت الحمدالله

والطريقه اللي مشيت عليها

أهم شيء اهم شيء ابعد عن النشويات واللي الاهم المشروبات الغازيه بيبسي وغيرها فالمشروبات الغازيه هي السبب الكبير في السمنه

وغير كذا كنت امشيء يوميا 6 كيلو يعني لفتين على ملعب الملز اذا تعرفه وكنت من سكان الرياض

لو مشيت على هذا الاسلوب تبتعد عن الوجبات السريعه والمشروبات الغازيه والدهنيات وما تنام بعد الاكل وتمشي لا يقل عن 5 كيلو يوميا

انا اضمن لك تنقص خلال شهرين 18 كيلو

وتحياتي ,,,,,, تراني نحيف الحين موب دب هههههههههه

[أزدي]

الحمدلله راضين بالمقسووووم ولله الحمد
بس ياخي النحف بعد زين والاعتدال
وبعدين كان ودي اعيش حياتي قبل ما يجيك الباند اتمنى انك تشووف هذا الرد
وتجي بعدين عشان تشوف صورتي قبل وبعد :d
لك التحية .. وفك الله اسرك
بس انت وش مسوي يوم انهم بندوك
<=- من سمعك قال بيرد عليك :app:

أيه راد عليك .. شكلك ما تعرف مملكة شهد
والي ما يعرف الصقر يشويه

في إنتظار صورتك قبل وبعد

---------------------------------
تحميل ألعاب ألعاب ألعاب PC ألعاب كمبيوتر
PC games games download
links روابط دليل