هالقصيده أعجبتني وحبيت أنكم تعطوني رايكم عليها يالربع
أحس فيها نوع من أنواع الاكشن :app: بدل ماتروح تتابع أم بي سي 4 تعال هنا أقرى
امس الخميس من صباح الله خير زوجه رجل تاجر مع زوجه فقير تهاوشن وصار شين ما يصير يالله
دخيلك من مشاكل هالحريم سمعت رجتهم وانا وسط الفراش رحنا على الهوشات نتفرج بلاش ونكان
شفت راح يجمعنا الهواش لاوالله ابعد وش ابي في سين جيم طالعت من هذي الخلايق واقفين سالتهم ياذا
العرب وش شايفين قالو حريم وبلعصي متحاددين قلت لهم نسوان يالله ياكريم ناضرت في تلك الوجيه الكالحه
الاعبيهم والبراقع طايحه كن المهاوش صار قبل البارحه كلن عرف ماصار مافيهم غشيم جات زوجه التاجر
وقالت يافلان هذي مره ما شغلها الا ليل دان صوت المسجل عندها طول الزمان وهيا تغني صوتها يطلع مديم
وحنا فلا يوجد مسجل عندنا ماهو بعيب والله انه ودنا لكن مع الامواج نغسل جلدنا نحسب تجارتنا على الشكل السديد
لاشك لاجا اليل حطت لي حجاب ولا خلف ولا سميره اوعتاب نسمع مسجلهم ونغلط في الحساب وحنا قرايتنا على الشكل
القديم من عقبها جات زوجه الشخص الفقير قالت تفضل ودخل البيت الصغير من قال شاهي ونت تبي واحد عصير
ترى الكلام يطول وفهم يافهيم يوم دخلت البيت انا شفت العجب شفت الحياه اللي لها قلبي رغب حيتنا وباشرتنا في ادب
يليت في بيتهم دايم مقيم قالت ترانا عايشين احلى حياه وشعاد لو نسمع جميع الاغنيات نطرب وتالي العمر عز الله ممات
وهمنا اعطيناه للجار الائيم فكرت اروح المنزل الشخص الغني واجهت عند الباب شايب منحني
مسك في ثوبي يالله انه هدني يقول رايح وين يبليس الرجيم قلت انت شايب قال يعلك تشيب قلت انت طيب قال يعلك ماتطيب
قلت اسقيني ماء قال مطلوبك صعيب عساه مايفرح بجنات النعيم قلت انت ياذا العود لعلك ماتشوف قال انعمي لاشفت قدامي ضيوف
فقلت انا املك ملايين او الوف جيت اشتري منكم بضايع ياحنون قال انت ماودي تطول عندنا قلت العفو ربع ساعه حدنا ابشرك ماني بقايل غدنا
انا سعودي ومسكني وسط القصيم اقبل على مجلسه اجداره لينه يسئل عن المفتاح يامن عينه قالو المجلس مسكر من سنه العام يوم زارنا ضيف كريم
البيت من داخل مثل حوش الغنم وراعي البيت الغني مثل الصنم دشداشته متشققه وحافي القدم عساه دايم من هم الدنيه عزيم
محتار ياترى من الاحسن ؟ زوجه الفقير ولا الغني ؟
أسمع تعليقاتكم وأكيد , رايكم من رائيي
الشاعر / علي القحطاني - إذا ماخاب ضني
رد مع اقتباس
المشاركة الأصلية كتبت بواسطة الريس
