السلام عليكم و رحمة الله
قبل شوي قمت بقرائة قوانين سوالف و شفت فيها قوانين افرحني وجودها و قوانين لقيتها too much
هذا هو رائي بخصوص القوانين
اولا بخصوص القوانين العامة:
ثاني سطر في اول بند في كلمة ما فهمتها و هي "انلقاش". ( اتمنى التوضيح)
خامس بند بخصوص اللغه فلي ملاحظه عليه،، انا احيانا اطر اكتب مشاركتي كامله باللغه الانجليزيه لان هي اللغه الوحيده المتوفره في الجهاز اللي انا جالس عليه
لا هو تكبر ولا استعراض،، هي اللغه الوحيده اللي اقدر اكتب بيها من الجهاز
البند السادس: انا ما اشوف وين الغلط ان الواحد يترزق الله هنا بعرض سلعته او الاشاره لها
البند السابع: احيانا تمر على سوالف فترة خمول يكون فيها اصحاب الخبره غير متواجدين، فلما يسئل احد سؤال و لا يلاقي الاجابه له ، يرجع و يسئل الى ان يتواجد احد اصحاب الخبره و يرد عليه
احيانا يطر او يشير الى موضوعه في موضوع ثاني في سوالف سوفت تواجد فيه احد اصحاب الخبره
انا ما اشوف وين الضرر في ذلك
البند 12: نفس تعليقي على البند السابع، ما اشوف ضرر، و اذا في احد بتحترق اعصابه بيكون اللي يرفع الموضوع، خلوه ما دام كافي العباد خيره و شره
ثانيا بخصوص قوانين الكتابة بالذات و بشكل أدق:
ما لقيت فيها شي اخالفه
ثالثا بخصوص قوانين منتدى (قسم) محدد:
البند الثالث: يعني اذا الرجال اسمه مثلا "موقع ج" و اشار الى موقعه مثلا في تطوير المواقع، فهل هذا يعتبر مخالفه الى قوانين سوالف ؟
انا اشوف ان القانون هذا بزياده
لان مثلا الرجال ممكن يتطرق الى خدمه من خدمات موقعه من منطلق برمجي ( كمثال او طلب حل مشكلة ) وين المشكله في ذالك ؟
البند الرابع: الرجال يترزق الله ، وين المشكلة ؟
البند الخامس: ما ادري والله، احيانا احس ان المواضيع هذي سخيفة لكني متأكد ان صاحب الموضوع محتاجها، هذا النوع من المواضيع يكتبه اللي ما يعرف ويش يريد، و عن طريق المواضيع هذي فهو يسعى الى معرفة ايش يريد.
اذا كنت انا و كاتب البند هذا متفقين ان المواضيع هذي سخيفه فهذا مش معاناه ان نحرم الناس اللي تحتاج الى هذا النوع من المواضيع
مثل اللي يقول ما دام اني اشوف الرياضيات بايخ و كل اللي حولي يشوفوا الرياضيات بايخه و سهله، فأي واحد يسئلني سؤال في الرياضيات فأنا اشوفه بايخ !!!
مش معناة ان عندك معارع ان كل الناس عندها المهاره هذي و اصابعك مش سوى
رابعا بخصوص أسماء العضويات، الملفات الخاصة، و التواقيع:
لقيت فيه "كما تمنع في سوالف سوفت الأسماء التالية:"
طيب واللي اسمه مخالف حاليا ويش الاجرائات اللي بتم في حق اسم عضويتها ؟
في ناس اسمائهم حاليا مخالفه و ودهم يعرفوا ويش موقعهم من الاعراب
هل بتعطوهم فرصه ان يغيروا اسمائهم او كيف بالضبط ؟
=========================================================
=========================================================
اتمنى ان لا تاخذوا كلامي على اني اعلق لمجرد التعليق
القوانين هذي جديده و من متوقع ان يحصل نقاش و استفسار و انتقاد و اعتراض و و و عليها
انا ما عمري دققت على شي سطر سطر بس هذي قوانين يعني لازم نكون واضحين و فاهمين و متفقين من البدايه علشان لا يصير سوء فهم
رد مع اقتباس
المشاركة الأصلية كتبت بواسطة متبع الهدى
