السلام عليكم
اخواني والله تعبت 5 ساعات وانا قاعد احط واشيل بهالمنتدى ولافي فايده
مهاوشات ومضاربات بيني وبين التواقيع
اقولها ابي امسك في الصرفه من المدرسه لكن ابوشكلها مو راضيه تطلع
المهم الزبده يا اخوان
المشكله ومافيها
اني رقيت المنتدى للاصدار الاخير نسخة الدربيل
ولكن التواقيع ماصارت تطلع في المنتدى
رحت وغيرت postbit_legacy
ونفس الهرجه موراضيه تطلع
قلت ارجع القالب الافتراضي حق postbit
ولكن نفس الهرجه
رحت اخترعت اختراع وجبت ملف class_postbit.php من نسخة 3.6.5 وحطيته بالمنتدى بدل الموجود
ولكن نفس الهرجه
حدثت العدادات ستين الف مره وعداد تفريغ التواقيع
ولكن نفس الهرجه
شيكت على خصائص المجموعات وتصاريح التواقيع وخليت المساحه 1000000000000000000
ولكن نفس الهرجه
والغريب اللي يحيرني
انه المواضيع اللي كانت موجوده بها تواقيع لما اروح اشوفها القى التوقيع موجود
لكن المواضيع الجديده مافيها
وجربت على القالب الافتراضي وبرضو مافي فايده
قسم بالله جننتني
ياليت اللي عنده الحل يسعفنا
رد مع اقتباس
