سؤال بخصوص بطاقات امريكان اكسبرس

[owner]

السلام عليكم ورحمة الله وبركاته ..

بغيت اسألكم عن بطاقات امريكان اكسبرس .

هل يمكنني اخذ واحده عبر الانترنت ووضع بها مبلغ والدفع بها عن طريق الانترنت ؟

توضيح : هل يمكنني وضع في البطاقة 30 $ ومن ثم الدفع بواسطة هذه البطاقة الى استضافة بقيمة 30$

اذا كان الجواب بنعم .
ما هي البطاقة المناسبة ؟
ما هي الاجرة لأستخدام هذه البطاقة ؟
ما هي المستندات المطلوب لأخذ هذه البطاقة ؟


اذا كان الجواب بلا .
هل يوجد بطاقة تفيدني بما اريد ؟


علما بأني من البحرين .

شكرا لكم مقدما

[qtr4all]

اخوي انصحك ب شركة ارامكس
انا في قطر وفتحت لي بطاقة ماستر كارد ارامكس بسعر 70 ريال + لازم تفتح صندوق بريد في امريكا وبريطانيا من ارامكس بسعر 128 ريال..

وبعد يومين يرسلون لك معلومات صندوق البريد وبعد اسبوع تروح ارامكس وتستلم بطاقة الماستر كارد . وتعبيها بالمبلغ الي تبيه
وانا الحمدالله سويت كل هالخطوات وتم شراء لعبتين من موقع امازون وشريت شي لصديقي في قطر من موقع اخر وتم شحن البضائع الى صندوق بريدي في امريكا وان شاء الله يوم الثلاثاء راح توصل الاغراض ل قطر
وللعبتين انا شريتهم بمبلغ 140 ريال . ولما رحت مكتبة جرير حصلت اللعبتين ب 350 ريال .. طبعا شحن اللعبتين ب 30 ريال
والشي الثاني الي شريته حق واحد من الربع ماكان موجود في قطر وكان الموقع يشحن الى قطر بس المبلغ كان بكون ب 400 ريال مع الشحن بس لما اشتريه عن طريق صندوق بريدي بارامكس يكون السعر 200 ريال

طبعا سعر فتح صندوق البريد في امريكا وبريطانيا ب 128 ريال طول العمر
وسعر البطاقة 70 ريال تجدد كل سنه
واسم البطاقة ماستر كارد ارامكس
والمستندات المطلوبة صورة من البطاقة الشخصية (او البطاقة المدنية او البطاقة السكنية او بطاقة الاحوال ..الخ )
واسمحلي على الأزعاج ..

[owner]

السلام عليكم ,,,

اول شكرا لك على الرد السريع

يعني الان محتاج الى 128+70 للحصول على البطاقة ؟

طيب شلون انا اعبي البطاقة ؟

وهل الاي بي الذي انا ادخل به من البحرين راح يتأثر عن الشراء ( لأنك راح تشتري من البحرين والاي بي بحريني و تدخل كأنك امريكي ) .؟

في انتظارك .

[qtr4all]

اي نعم اخوي هذا اهو المبلغ كامل
بخصوص التعبئة اول مايطعونك البطاقة خذ معك المبلغ وعطهم ويعبون لك ابطاقة
ومايأثر اذا تشتري من البحرين واي بي بحريني وتحط صندوق بريد امريكي.
واسف على الأزعاج