السلام عليكم
وحيا الله كل إسم بإسمه
يا جماعة الخير ... اليوم الصباح إتصلوا فيني المديرية في الدمام وقالوا لي يلا تعال تخلص إجراءات التعيين عندك قلت بيض الله وجيهكم
المهم قلت للموظف يا محمد الله لا يهينك وش اللي قدامك يعني وين وجهة التعيين قال ماني متأكد بس يمكن النعيرية بس ترى ماني متأكد
رحت وجبت لهم كشف حساب من البنك لـ تحويل الراتب وصورنا البطاقة على إستعداد بكرة الصباح أجيهم وأشوف باقي الإجراءات
ومدير شوؤن الموظفين هناك قابلته أكثر من مرة وحبوووووووووب مرة ووجه رضي الله يرضى عليه وبحاول فيه يغير وجهة التعيين إلى الدمام نفسها أو قريب منها على الأقل الخبر أو الظهران او رأس تنورة يعني هالمناطق المعروفة
بس نقول لو قال يا ولدي ما أقدر وفيه وظائف في الدمام بس ما عليها أرقام شاغرة ويلزمك تروح النعيرية مثل ماهو معمول لك توجيه عليها
وقتها عادي والحمدلله أنا نفسيتي مو مثل غيري .. الحمدلله الأرض لله مهيب لأحد والنعيرية مرة مريت عليها حلوة وزينة والدعوة كلها كم شهر وأقدر آخذ نقل إداري على ما ندبر بديل من أهل النعيرية يروح لها من الدمام وأنا آخذ مكانه في الدمام ومن هالأمور
السؤال ممكن أحد يقولي من هم سكان النعيرية ومن هم أهلها الفعليين هل هم العجمان والهواجر فعلاً ؟؟
إذا هم ونعم الجوار إي والله ..... البدو من جاورهم ما شكى الضيم
وأبي صور لها وكل شيء عنها من معلومات وإيش الحدائق ووسائل الترفيه فيها ... حتى عدد إشارات المرور أبي اعرف عددها
كل شيء عنها تكفون يا هلي يا ربعي لا تخلوني ههههههههههههههههههه
رد مع اقتباس
المشاركة الأصلية كتبت بواسطة الخليج المتقدمة
