السلام عليكم والرحمه
حبيت اشارك وياكم بالموضوع لانه شدني ردود بعض الاعضاء
بالنسبه لترايدنت
في بداية افتتاح منتدى ترايدنت كنت مشارك فيه اول ما فتح وكان الاخ تركي يقول انه المنتدى ليس للمدخول المادي بل للتعليم فقط
لو نرا الحين ترايدنت نرا انه نصه للتعليم ونصه للربح هذا اختلاف في القول والعمل ماقول له لاتربح اربح بس تناقض بالكلام فقط الي حبيت اوضحه
ثنين لو تدخلون قسم الستايلات وتعد كلمة احترافي كم مره تلقاها بعدد المواضيع بالقسم يعني يكتب لك احترافي وتحس بس الي مصممه محترف تدخل تلقى تصميم يسد النفس ويلوع الكبد تكره بعدها انك تدخل التصميم
تدخل تطوير المواقع تلقى مواضيع سوالف نفسها بالضبط عندهم يعني للحين ماستفدت شي
تدخل الاعلانات والدعايه 3 ارباعهم نصابين وحراميه الا من رحم ربي تدخل الاستضافه تلقى الي ماسك القسم عنده شركة استضافه ويتكلم معاك باسلوب عشان تجي عنده وتستضيف ولاهو داري عن القسم
تدخل قسم العام تحط صورة طفله يقولك اتقي الله في نفسك حاط صورة امراه ياجماعه طفله صغيره يرد عليك يقولك لونك متزوجها جبت عيال يعني ماشاء الله عليهم المشايخ الي بمنتداهم
طيب تدور وين اروح يا ربي تقول ابي ازور قسم الجرافيكس تدخل قسم الجرافيكس على بركة الله
اول موضوع يواجهك طلب عمل توقيع طلب عمل صوره شخصيه طلب عمل بنر لوجه الله طيب انا وين اتعلم ؟؟ معهد اكيد والا مطعم كله طلبات
تروح للبرامج طبعا مسدوده نفسك من الي شفته تشوف البرامج الجديده يخف غضبك شوي
ترد تبي تغير القسم تروح للبرمجه تلقى دروس صار لها قرن محطوطه تبطل تتعلم برمجه بعدها
تروح لقسم تعليم الستايلات تتذكر ايام قبل لما ماكنت تعرف تركب ستايل بعد ماتعلمت القسم صار ماله اهميه بالنسبه لك
والا سالفة التقييم تستاهل التقييم يالغالي ولك احلى تقييم الردود كلها تقييم والموضوع الله بالخير على شنو تقييم مادري
ترايدنت لا اقصد الاسائه بس الواقع الي نشوفه قدامنا والي جربته بنفسي خبرة الموجودين بترايدنت قليله جدا جدا قليله
عكس سوالف تدخل سوالف تحس انك ماتعرف شي من الناس الي فاهمين تحس انك ماتعرف شي بين الفطاحله الموجودين بسوالف
المميزات لترايدنت قسم تعليم الستايلات
اسف عالاطاله والموضوع للنقاش الي يحب يناقش نقاش هادئ
__________________
يستخدم العضويه أكثر من 8 أشخاص !!
عبدالعزيز,خالد,فيصل,أمجد,فهد,وليد,زامل,منصور
[ سبحان الله وبحمده ,, سبحان الله العظيم ]