اللي ماخذ سيارة عن طريق برنامج الأهلي لتأجير السيارات يدخل هنا

[متصفح سعودي]

السلام عليكم

اللي ماخذ سيارة عن طريق برنامج الأهلي لتأجير السيارت يقوللي

1-نوع السيارة

2-سعر السيارة كاش

3-سعر السيارة مع نظام التأجير

وشكراً

[MANTEK]

يذبحونك بلا سكين
ونصيحة وفر قريشاتك وجمع وبعديت اشتري كاش لانك راح تدفع في 5 سنين اقل شي 60 الف ريال زيادة

وسلامتك

[متصفح سعودي]

مين قال ياخوي

23 ألف ريال تأمين + نسبة أرباحهم 9% فقط هذه الزيادة على سعر الكاش

انا حابب بس اتأكد

[mad921]

هلا والله

ترا الشغله يا بهاء مهب هلال وفيه كثير مشايخ حرموها لا قدر الله لو طلعت وصدمت على سياره وجاك شئ وفلوس

سياره حرام صعبة شوي لكن عندك بنوك تعطي قروض حلووه بس فوائدها لك عليها

http://82.96.75.104/sahat?128@245.w8...cB.2@.3baa307d

[عبدالرحمن العنكبوتي]

اخوي النسبة 9% هذي مكرر سنوي , يمعنى لو أخذت السيارة تأجير لأربع سنوات فمجموع هذا المكرر يساوي 9*4 = 36% .
يعني لسيارة قيمتها 100 ألف , راح تدفع 36 ألف ريال زيادة , إضافة إلى التأمين والرسوم الإدارية .

أقترح تجمع المبلغ الموجود معك وتأخذ قرض من البنك وأعتقد فيه بنوك تعطي بنسبة 4% (مكرر سنوي أيضاً) .

[qtr4all]

اخوي انصحك تشتري سيارة من الوكالة وتدفع كاش

[متصفح سعودي]

اخوي عبدالرحمن العنكبوتي

هل البنك الاهلي لو اخذت منه قرض نسبة الفائدة لهم 4% كل سنة ؟؟

إذا كذا والله شي طيب صراحة يعني بدل ما ادفع 36 ألف أدفع 20 ألف فقط فائدة والسيارة كااااش

ياريت تتأكد لي لو تكرمت

[Gmc.9]

خذ لك موتر وكالة أقساط أو كـاش , أبرك لك

لإن اخوي اخذ له تإجير كورولا وسوه عليه حادث ولله ستر ولله الحمـد
وطلبواً منة 300 د.ك مع ذلك قبل لا يإجر عالكفالة يعني لوا تكسرها مايخذون شئ وكذابينِ

[محمد 902]

بهاء .. أفضل بنك من ناحية الفائدة هو بنك سـاب ( البنك السعودي البريطاني سابقاً )
واحد من الشباب مأخذ قرض ومشتري TAHO 2007 ويدفع شهرياً 2000 ريال فقط ودفع مقدم 22 ألف ريال ( يابلاش ) طبعاً السيارة كاش فوق الـ 100 ألف ريال

[متصفح سعودي]

شكراً لكم

اخوي محمد 902 والله مشكلة بس لازم أحول الراتب على ساب وانا ما اقدر

بس ابي اعرف الاهلي كم ياخذون نسبة لو الفرق بسيط ناخذ من الأهلي مافي مشاكل

[محمد 902]

نسبة على إيش بالظبط يابهاء ...
طيب بمقدم ولا بدون , والسيارة قيمتها حوالي كم
وبحـاول أكلمهم عن طريق الأهلي phone وأعطيك خبر إن شاء الله

[متصفح سعودي]

مالهم شغل انا باخذ قرض مالهم شغل وين اوديه اللي ابيه بس قرض بمبلغ 100 ألف ريال

كم نسبتهم؟ طبعا الأقساط على مدى 5 سنوات

[متصفح سعودي]

بشر يامحمد

[BOMBER]

مراحب بك أخوي ....

في البداية انصحك انك ماتاخذ عن طريق البنك الأهلي للأسباب التالية .

أولا النسبة هي 9 بالمية ( 6 بالمئة سعر فائدة للتأجير + 3 بالمئة تأمين )بينما لو أخذت عن طريق قرض او مثلا احدى شركات التقسيط ستكون السيارة بإسمك وتختار شركة التأمين وتطلع اللوحات على مزاجك وتسافر براحتك وتعطي سيارتك لأي شخص يطلبها منك ويكون ثقه.

التأمين يتعامل البنك مع العديد من الشركات السئية وتختلف من شركة الى آخرى وليس من ضمنها التعاونية ( الافضل ) وإنما شركات أول مره تسمع بها وبعضها حيد السمعه .

لا يوجد كفيل .

كرت السفر ( التفويض ) جدا حراميه وهنا انا انصدمت وهو كالتالي :

تم افهامي والاتفاق على ان السفر داخل السعودية والبحرين مجاني ولا حاجه لأي تفويض وهذا ماهو مكتوب على الإستمارة ، لكنك ستكتشف بأن بأن سعر اصدار التفويض هو 400 ريال كل شهرين والشئ المضحك انه يجب ان تقوم بالايداع لدى البنك البريطاني بعد ذلك يبدأ موال المواعيد تعال بكره تعال بعد بكره وهكذا والموقع هو كالتالي :

الموقع :
في سطوح مبنى البنك الأهلى بطريق الملك فهد بعد مبنى المملكة ،على اليسار بإتخاه الشمال وهناك لا يوجد الا موظفين لكل منطقة الرياض وقراها . " حط في بالك اني بتصعد درج دور كامل لان الاليفيتور " المصعد " لا يصل للدور السادس بل الله يخلي لك اقدامك.

وثيقة التأمين لا يتم اصدارها فوررا بل تحتاج الى شهر كامل تطارد وراهم ومابين الشركة والبنك تجيب الوثيقة وتستلمها من نفس المبنى وللأسف ستجد مئات المنتظرين وسيسألك ماهو رقم لوحة سيارتك تقول له ميه وخمسطعش يناولك ظرف يقول لك دور وثيقتك فيه .لتتفاجأ بأن هناك أخطاء في بيانات سيارتك وهنا يقول لك راجع الشركة . وثيقة تأميني مكتوب السيارة ديزل .


السيارة هي

نيسان مورانو .... 2007 .... ابيض ... السعر 121000 كاش ...

طريقة الدفع 40000 دفعة أولى " رغبتي " 4500 رسوم ادارية " مدري حق شو " القسط الشهري 2411 شهريا لمدة 3 سنوات .

بشكل عام السيارة جيدة ولكن ينقصها 3 شغلات . دعم mp3 نظام GPS السماعات الأمامية مكانها سئ ومعرضه للشمس بشكل مباشر .

الثبات والرسو بالخط جيدجدا . بالبر " الطعوس ، النفود " ممتاز .


هذا كل شئ واتمنى انك تفكر مرتين قبل لا تاخذها واذا كانت رغبتك مورانو ممكن تخبرني وتجربها معي في الرياض ان كنت من اهل الرياض .

[BOMBER]

بالنسبة للقروض من البنوك المحلية .

نوعين ، تحويل راتب وبدون تحويل .

بدون تحويل النسبة تترواح بين تسعه وربع الى ثمانية وثلاثة ارباع سنوية .

بتحويل راتب من اربعة وثلاث ارباع الى 6 بالمئة .