السلام عليكم ورحمة الله وبركاته
الموضوع هذا مثل جلسة صراحة مع نفسك
حتى نخرج بمواقع عربية ناجحة
من حيث الفكرة والهدف
أتمنى الكلام بواقعيه أكثر حتى نستفيد من وقتنا على الانترنت
جرب وخذ ساعة من وقتك على عالم المنتديات العربية
وش تخرج فيه ؟ !!
1- من ناحية الأقسام .. متشابه ومكررة .. حتى التوصيف قد تتفاجئ أنه واحد !!
2- من ناحية المواضيع .. أكثرها منقول .. وتراها في أغلب المنتديات .. اترك المواضيع المفيدة إللي تستاهل النقل .. الأمر صار فيه نقل لكل موضوع .. والمشكلة أنه ما في حقوق لصاحب الموضوع الأصلي
3- بدون مجاملة .. أكثر المنتديات لا تحمل هدف ولا فكرة ولا طرح .. طيب وش الفائدة ؟؟
لا والبعد منها أول ما تكتب موضوعين أو ثلاث تجي لك رسالة بالخاص تطلب منك الاشراف على القسم
4- من ناحية التصميم .. كثير منها مسروقة فكرة التصميم .. غير أن التصميم مزحوم ولا فيه جمالية
أمر أخير .. صارت المنتديات العربية رمز لصور النساء والاستعراض في أجمل صورة على تصميم
5- كل صاحب موقع يفتح له منتدى .. طيب ليه ؟ !!
لأنه الزوار تكون زيارتهم للمواقع التفاعليه << هذه إجابته .. طيب تواجد الزوار في الموقع مو لازم يكون عن طريق منتدى .. حاول إيجاد فكرة جديدة تفاعليه وراح تكسب زوار أكثر
6- البعض منها لازم التسجيل حتى تشاهد المشاركة .. وبعد التسجيل تكتشف أنها منقولة
طيب ليه تقفيل المنتدى على الأعضاء .. إذا كانت مواضيعك أكثرها منقول ؟
7- يا كثر مواضيع الفضائح << ذبحونا في الرسائل .. وهذا صار اهتمام المنتديات العربية
هذه جولة في عالم المنتديات العربية .. أكيد يكون عندك بعض الملاحظات إللي ما كتبتها أنا
ندخل في المهم الحين
أنت صاحب منتدى .. فأكيد للمنتدى موقع أو واجهة وفيها بعض الأقسام
طيب وش يكون فيها ؟
أكيد مثل ما لاحظت في جولتي
أقسام مكررة .. وشات كتابي .. وأليوم صور نفس الموجود في الموقع الثاني فقط ماسح الحقوق
قسم برامج .. نفس البرامج في كل المواقع ويمكن النص منها روابط مو شغاله << الأخ له فترة ما شيك عليها .. و و و و
تسأل صاحب الموقع .. وش فكرة موقع وش نشاطه ؟؟
يقول لك عام !!
طيب شلون يعني كيف فكرت في الموقع وكيف خططت له ؟؟
يقول لك كذا جاء في رأسي أسوي موقع وسويت
بكل صراحه وواقعية هذه هي المواقع العربية
إلا ما ندر << وحط تحت هالكلمة عشر خطوط
________ طيب والحل ؟؟ _______________
تبي أقفل موقعي ؟؟
لا أبدا
بس أتمنى تجلس جلسة مع نفسك وتخطط لموقعك زين
مو مشكلة خذ سنة لو تبي أو سنتين
لكن نبي موقع عربي له ميزانه في عالم الانترنت
المشكلة مو في التكرار .. ممكن تكرر لكن تطور نفس الفكرة وتخرج بشيء أحسن
ضع لك بصمة على الانترنت
الحين فكر عشر دقائق أو عشرين بس واخرج في فكرة حلوة وموقع جديد
أعطيك مثال على بصمات الانترنت
google << لا تقول هذولا شركة وكبيرة وعندهم دراهم
أنا أتكلم على الفكرة والمنافسة على عالم الانترنت وترك البصمة
خلال سنوات تخطت أكبر المنافسين والمتربعين على عالم الانترنت MSN و YAHOO
مشكلتنا نفكر في الشهرة والمردود المادي من أول يوم في افتتاح الموقع
مو لازم الحين تعمل لي محرك بحث حتى تكون مثل جوجل
لكن حاول في فكرة جديدة أو تطوير فكرة مثل ما عملت جوجل
نبدأ في الخطوات للعمل الحين
1- حاول تبعد عن أي شيء يشغل تفكيرك .
2- خذ ورقة وقلم واكتب كل فكرة تعجبك في الانترنت .. اكتبها كذا سرد بدون تحديد أسباب الاعجاب .
3- بعد ما كتبت كل فكرة عجبتك الحين خذ كل الأفكار إللي عجبتك واستعرض فيها مميزات وعيوب
يعني هذه الفكرة من مميزاتها أن سهلة العرض والطرح وما تحتاج مبلغ مادي كبير في البداية
لكن من عيوبها .. أن انتشارها بطيء ويحتاج وقت
وهكذا
4- بعد تحديد المميزات والعيوب أخرج بأفضل وأسهل فكرة وأدرسها من كل الجوانب ، أيضا حاول دمج أكثر من فكرة في موقع واحد .. لا تقول كيف .. أنت وشطارتك في الدمج وتطوير الفكرة
5- الحين اكتب مشروعك على ورقة وخطط له من كل جانب ..
اختر مسمى له .. حاول الابداع في الاسم
برمجة وما يحتاج من أقسام .. أكتب كل الأقسام والمميزات المطلوبة
تصميم .. وحاول إيجاد فكرة تصميم بسيطة سهلة العرض ابعد عن الزحمة في التصميم .. ارسمها
الاستضافة .. ابدء في استضافة قليلة ولو احتاج الامر بعد فترة للزيادة ممكن لك
بعض الأفكار البسيطة والجديدة على الانترنت
1- موقع عقار .. يكون به استعراض العقار .. من فلل ومباني وأراضي وأسعارها في منطقتك بداية ثم الانتشار
2- موقع ربط أسواق تجارية << هذه جديدة ولا أتوقع على الانترنت موجودة
يعني كل سوق تجاري يكون له قسم وفيه المعروضات بأسعارها
وممكن تطور حالك في الشراء عن طريق الانترنت والتوصيل بالنسبة
3- دليل سياحي لمناطق سياحية << وممكن تكون متفق مع أصحاب الشاليهات والفنادق على أسعار عن طريق موقعك والدفع عن طريق الانترنت وتأكيد الحجز و و و
هذه بعض الأفكار التجارية لأن البعض يبحث عن العمل على الانترنت
والآن مع الأفكار العلمية العملية
1- فتح موقع يجمع أفضل كتابات المنتديات .. وتصنف على حسب الأقسام
ولازم من حقوق الكاتب والموقع أو المنتدى .. بعد فترة يكون موقعك مرجع للكثير إن شاء الله
2- التخصص في مجال التعليم الالكتروني .. وعرض بعض الشروحات ولكن أتمنى بفكرة جديدة
3- فكرة البث المرئي .. أو البث الصوتي المباشر Live .. الكثير الآن توجه لعالم الانترنت
وأعرف الكثير يعرض ما لديه من دورات وأعمال على مواقعهم على الانترنت
حتى القنوات الفضائية تحتاج لهذه الخدمة .. ومراكز التدريب والتفكير وغيرها
الأفكار كثيرة
وأتوقع لديكم الأكثر
هذا موضوع حبيت الكتابة فيه واتمنى النقاش منكم
حتى نخرج بمواقع عربية ناجحة
تقبلوا تحياتي
رد مع اقتباس
المشاركة الأصلية كتبت بواسطة Indiana
