اغتنم الفرصة ،التذكير بليلة النصف من شعبان

[Hawy PHP]

بسم الله الرحمن الرحيم والصلاة والسلام علي اشرف الخلق اجمعين سيدنا ونبينا محمد صلي الله عليه وسلم ....

الاخوه والاخوات ... كل سنه وانتوا طيبين ...

الايام بتجري بسرعه كبيره جدا ...
ومين يصدق ان اوام عدت سنه كامله من رمضان اللي فات لحد رمضان اللي خلاص بيدق الابواب ...

ومين يصدق ان خلاص كلها ليله او اتنين وتحصل حاجه مهمه جدا ..حاجه بنتمناها كلنا ..

ومش بس كده لا ده احنا بنقعد ندعي ونبتهل الي الله انه ينولها لنا .. :eek3:

هي حصلت السنه اللي فاتت وبتحصل كل سنه ولكن للاسف مش كتير اللي بيحصل عليها ....

اكيد عرفتوا انا اقصد ايه .... :looking:

تمام ... هي

ليلة النصف من شعبان ....

طيب وهو ايه المهم في الليله دي .... وايه هي الحاجه اللي حصلت السنه اللي فاتت وبتحصل كل سنه واحنا منا اللي نالها السنه اللي فاتت ..
ومنها اللي للاسف اتقال له لا انت تستنا شويه ... مش دلوقتي ... لما ييجي دورك ..

اقلكم هي ايه .....

يروى عن رسول الله صلى الله عليه وسلم أنّه قال :"إذا كانت ليلةُ النصف من شعبان فقوموا ليلها وصوموا نهارها" رواه ابن ماجه.

-----

عن معاذ بن جبل رضي الله عنه عن النبي صلى الله عليه وسلم قال
يطلع الله إلى خلقه ليل النصف من شعبان فيغفر لجميع خلقه إلا مشرك أو مشاحن

فهمتوا قصدي ....

ربنا باعت لنا هديه جميله جدا .. نفحه من النفحات الربانيه زي ما بنقول ... باعت لنا ليله عظيمه هي ليلة النصف من شعبان ....
ليله لازم ان شاء الله نغتنمها ... لازم ان شاء الله نحاول ننال الجايزه اللي فيها الا وهي ....
... المغفره ....

اسالك سؤال بسيط ....

بقالك اد ايه بتبتهل لربنا وتتضرع له في الدعاء انه يغفر لك ...

بقالك اد ايه حاسس انك بعيد عن ربنا ومحتاج انه يغفر لك ...

بقالك اد ايه حاسس بكم المعاصي والسيئات اللي بتعملها ومكسوف انك تدعي ربنا انه يغفر لك ...؟؟؟

بقالك اد ايه بتطبق عكس الايه الكريمه وبدل ما تفر الي الله بتفر منه ؟؟؟؟

بقالك اد ايه مذنب ومتمسك بالذنب ... بقالك اد ايه علي معصيه ومتمسك بيها ؟؟؟

بقالك اد ايه واد ايه واد ايه ....

الفرصه ادامك اهه ....

حاول تغتنم الفرصه .. ونحاول كلنا اننا نلحق بالركب ..

غيرك استعد لشهر شعبان من زمان .. غيرك طهر قلبه .. غيرك نقي نفسه ..

غيرك شال الشحناء والبغضاء من قلبه .. غيرك ما بقاش في قلبه غير حاجه واحده بس ...

يارب غفرانك هو كل شيء . ...

يلا يا جماعه ليه كده متاخرين ؟؟؟ وليه مكسلين دي ليله لازم نغتنمها ...

بالله عليكم لا تضيعوها ونحاول كلنا ان نفوز فيها بالجايزه الكبري .. بالمغفره ...

فهل من مشمر للجنه ؟؟؟

هل من مذنب يدعوا الله ان يغفر له ؟؟؟

هل من مقصر يريد الله ان يعفو عنه ؟؟؟؟

اللهم اني بلغت ... اللهم فأشهد

منقول للفائدة


اخوكم
محمد ،،

[أزدي]

تخصيص هذا اليوم بدعة .. وجميع الأحاديث ضعيفة

اقرأ ما ورد بالرابط التالي
http://www.binbaz.org.sa/index.php?p...article&id=162

بعض ما ذكر فيه

ومن البدع التي أحدثها بعض الناس: بدعة الاحتفال بليلة النصف من شعبان، وتخصيص يومها بالصيام، وليس على ذلك دليل يجوز الاعتماد عليه، وقد ورد في فضلها أحاديث ضعيفة لا يجوز الاعتماد عليها، أما ما ورد في فضل الصلاة فيها، فكله موضوع، كما نبه على ذلك كثير من أهل العلم، وسيأتي ذكر بعض كلامهم إن شاء الله وورد فيها أيضا آثار عن بعض السلف من أهل الشام وغيرهم، والذي أجمع عليه جمهور العلماء أن الاحتفال بها بدعة، وأن الأحاديث الواردة في فضلها كلها ضعيفة، وبعضها موضوع، وممن نبه على ذلك الحافظ ابن رجب، في كتابه: (لطائف المعارف) وغيره، والأحاديث الضعيفة إنما يعمل بها في العبادات التي قد ثبت أصلها بأدلة صحيحة، أما الاحتفال بليلة النصف من شعبان، فليس له أصل صحيح حتى يستأنس له بالأحاديث الضعيفة.

رابط اخر برد موجز
http://www.islam-qa.com/index.php?ref=49678&ln=ara

أعتذر منك سيغلق الموضوع .. أتمنى الإبتعاد عن مواضيع الشبهات
قم بطرح مواضيع توعوية صحيحة لا حجة ولا شبة فيها .. أما المواضيع التي تتخللها شبهة ستغلق ,

أزدي