رمضان يجمعنا :))

[t7t7.com]

السلام عليكم ورحمة الله وبركاته ,

أسعد الله اوقاتكم جميعاً


هنا نطرح مدى استقبالنا لشهر الخير وكيفية التنسيق والتنظيم بأوقاتنا فيه ..

كل واحد هنا يطرح ماسيعمله بالشهر الفضيل

+

نتمنى نحاول دراسة موضوع التبذير برمضان , وكلنا نعلم ذلك لكن المشكله كيف نتخلص منها ؟؟

+
من ناوي يعمل إفطار صائم ؟

في عدة طرق لأفطار الصائم .. والافضل انك انت تودي الفطور بيدك افضل من انك تدفع للجنه وتتكفل بهالشي لان بترتاح نفسياً

بالنسبه لنظامنا , يوجد لدينا خيمه فالبر . وكل يوم شخصين من الربع يجيبون الفطور من فطور بيتهم ويحطونه بالخيمه وبتشوف هنود المخيمات كلها تتجمع وتاكل معك ,, تخيل ذلك ..

والله حتى نفسيتك بترتاح لاشفت نفسك وانت جالس تفطر مسااكين ..

الكثير منا يقدر يسوي زي كذا واحسن , مثلاً ارسال فطور من البيت للمسجد وكثير من المساجد تبني خيمه وتعملها إفطار صائم ولو كل واحد بالحاره عمل صحن واحد وارسله للمسجد لجمعنا أفضل فطور لِنفطر المساكين بهم

واكرر أياكم بالتبذير ..

وعلى فكره ان استمر النقاش حول شهر رمضان وكيف نستقبله ونعرف وش جداول الاخوان راح اطرح فكره حلوه للبدين .. لتخسيس وزنه بكل سهوله برمضان ..

تحياتي لكم

:funny:

[t7t7.com]

سأبدا بنفسي

سأكون متفرق جداً لهذا الشهر الفضيل

سأستغله بقراءة القرأن وختمه عني وعن والديني <فكره رائعه صح ؟

+

التنظيم بالوقت

من الساعه 8 الصباح للـ1 الظهر دوام

ومن 1لــ3 ناايم

ومن 3 لــ5 مرات اطلع اتمشى بالسوبر ماركت أو اخذ العيال لمركز ترفيهي لفترة الطبخ لان كلنا نعلم هالشي ان الورعان ياحبنا لهم برمضان حيييييييييل هههههههههههههههه <العكس صحيح

بعد الفطور بديوانية كبيرنا قهوه لصلاة العشاء

اصلي التراويح ثم ارجع للبيت يااني اشوف وشي مشاوير البيت او اجلس على النت للساعه10 كذا ومن بعد ال10 اكون بالبر *_*

وشكراً

[t7t7.com]

شكل الشباب الرمضان ذا ماهم صايمين خخخخخخخخخخخخخخخخخخخخخخخخخخخ

[مرزوق كوم]

شكل الشباب الرمضان ذا ماهم صايمين خخخخخخخخخخخخخخخخخخخخخخخخخخخ

كل عام وانت بخير حبيبي

الظهر بعد الظهر الواحد يقراء قران

بداية العصر اساعد الوالده الله يخليها ازبط السمبوسة بالجبن بس الباقي الله يعينها تكمله
الله لايحرمني هي ولا يحرمكم امهاتكم

العصر الواحد يروح يجيب هالمقاضي طبعا اهم شي عندي من العصائر الشراب توت مركز السوبيا+ الزبيب اليماني+ الفول+التميس

وارجع البيت اخذ المكاولات اودي شوي لجدتي ولخالتي ولعماني

ياذن المغرب ا لواحدج ياكل شوي يروح يصلي يرجع يكمل لين والله مقدر اقوم احس متخدر وبطني تعورني من زواد العصير والماء

طبعا................ ازبط راس المعسل
اتابع الشي الزين بهالتلفزيون

علي فكرة التداول متي ابي اتابع الاسهم

<<< مشتري بانعام القابضة موقفين الشركة منذو مبطي ابي انتظرها


وشهر مبارك علي الجميع انشا الله

[عبدالرحمن الدوسري]

كل عام وانت بخير يابوخالد

والله شوف بعد الظهر اقرى قران
لين صلاة العصر
اصلي وارجع البيت اطالع مسلسل واحد ثم قبل الفطور بساعة بعد ماينتهي المسلسل اقعد على النت الى قبل الفطور
افطر واضرب بالخمس ثم اصلي ثم ارجع واضرب على السويت بالخمس واطالع 3 مسلسلات ومنها طاش ماطاش ثم اصلي العشا والتراويح واقعد مع الربع في المجلس ودخان وسوالف لين الساعة 11 ثم ارجع لين البيت واقرى قران واصلي الشفع والوتر ثم انام حتى قبل السحور اتسحر واصلي الفجر ثم انام شوي وثم اذهب الى الدوام

واسف على الاطاله

[Gmc.9]

عـليكم السلام,
أبارك للجميع بمناسبة قروب شهر رمضان المبـارك.

مااقول غـير يامحلى رمـضان وياعزتي للبر بعد الفطور !..

ذكرتنا ولله يا أبو خالد الله يجيبه لنــــــــــــــــــــــا

[Gmc.9]

بنسبة لـي في شهر رمضان أكـون سهران للسحور ( أدب دب ) ثـم إنــام
أصحـى الصبح أشغل الكميوتر أجلس ساعه إو ساعتين لإن مامن جديد والأغلبية خامد <- - عبـاده هاع هـاع
إشغل التلفزيون أناظر لي كم مسلسل وإنصحكم برمضان هذا بـ [ نمران بن عدوان ] ..

لكن بتقل لكم القصه والقصيده , راح تتشوقون


الشيخ نمر بن عدوان الصخري من شيوخ " بني صخر " قبيلة عربية مشهورة

أما شاعريته : فهو شاعر عاطفي واقعي هزه الأسى وأضناه الوجد وعصره الألم .

أما قصة وفاة وضحا زوجته فأغرب ما روي عنها أنها اعتادت حلب الناقة لنمر
قبل عودته لبيته من مجلسه بدقائق قليلة وذلك ليشرب حليب الناقة ساخنا ..
وذات ليلة عاد نمر قبل موعده الذي تعوّد أن يرجع فيه ..
وفي طريقه إلى البيت لمح نمر .. خيالا بين أرجل الناقة فظنه

حائفا يريد سرقتها فضبه برمحه وأرداه قتيلا
وإذا بالخيال " وضحــا " ....

يقول الرواة أن نمر بن عدوان تزوج بعد وضحا بتسع وتسعين
( وضـحا )
لعله يجد من تحل محلها فلم يجد حتى أنهكه المرض وأعياه الوجد
فلحق بوضحا في مطلع القرن الثالث الهجري
وهو لم يتجاوز الأربعين من عمره ... وفيها يقول


البارحـه يــوم الخـلايـق نيـامـا بيّحت من كثـر البكـى كـل مكنـون

قمت أتوجّـد وأنثـر المـا علـى مـا من موق عيني دمعهـا كـان مخـزون

ولـي ونـة ٍ مـن سمعَهـا مـا ينامـا كني صويب ٍ بين الأضـلاع مطعـون

و إلا كمـا ونـة كسـيـر السْـلامـا خلّـوه ربـعـه للمعـاديـن مـديـون

فـي ساعـة ٍ قـل الرجـا والمحامـا فيمـا يطالـع يومهـم عنـه يقـفـون

و إلا ف ونــة راعـبـيّ الحمـامـا غـاد ٍ ذكرهـا و القوانيـص يرمـون

تسمـع لهـا بيـن الجرايـد حطـامـا من نوحهـا تـدع ِ المواليـف يبكـون

و إلا خـلـوج ٍ سـابـة ٍ للهيـامــا على حوار ٍ ضايع ٍ في ضحىالكـون

و إلا حـوار ٍ نشِّقـوا لــه شمـامـا وهـي تطالـع يـوم جـرّوه بعيـون

يـردون مثلـه و الضوامـي صيامـا ترزّمـوا معهـا و قـامـوا يحـنّـون

و إلا رضيـع ٍ جـرّعـوه الفطـامـا أمـه غـدت قبـل أربعينـه يتـمّـون

عليك ياللـي شربـت كـاس المحامـا صـرف ٍ بتقديـر ٍ مـن الله مــاذون

جاه القضا مـن بعـد شهـر الصيامـا صافي الجبيـن بثانـي العيـد مدفـون

كسوه من عرض الخرق ثـوب خامـا و قاموا عليـه مـن الترايـب يهلّـون

راحـوا بهـا حـروة صـلاة اليِمامـا عنـد الدفـن قامـوا لهـا الله يدعـون

برضـاه والجنـه و حسـن الختـامـا و دموع عينـي فـوق خـدي يهلّـون

حطّـوه فـي قبـر ٍ عسـاه الهيـامـا في مهمة ٍ من عـد الأمـوات مسكـون

يـا حفـرة ٍ يسقـي ثـراك الغمـامـا مزن ٍ مـن الرحمـه عليهـا يصبّـون

جعـل البخَتـري و النفـل والخزامـى ينبت علـى قبـر ٍ هـو فيـه مدفـون

مرحـوم ياللـي مـا مشـى بالملامـا جيران بيتـه راح مـا منـه يشكـون

و ا وسع عذري و ان هجرت المنامـا و رافقت من عقب العقل كـل مجنـون

أخـذت انـا ويّـاه سبـعـة عـوامـا مع مثلهن فـي كيفـة ٍ مـا لهـا لـون

والله كنها يـا عـرب صـرف عامـا يا عونة الله صرف الأيـام وشلـون ؟

و أكبر همومـي مـن بـزور ٍ يتامـا و إن شفتهـم قـدام وجهـي يبـكّـون

و ان قلت لا تبكـون قالـوا علامـا ؟ نبكـي ويبكـي مثلنـا كـل محـزون

قلـت السبـب تبكـون؟ قالـوا يتامـا قلـت اليتيـم أيـاي وانتـم تسـجّـون

مـع البـزور وكـل جـرح ٍ يـلامـا و الجـروح بخاطـري مـا يطيبـون

جرحي عميـق ٍ مثـل كسـر السلامـا الى مكَـن.. عنـه الأطبّـا يعجـزون

قمـت اتشكّـى عنـد ربـع ٍ عـذامـا جونـي علـى فرقـا خليلـي يعـزّون

قالـوا تجـوّز وانـس لامـه بـلامـا بعض العذارى عـن بعضهـن يسلّـون

قلـت انهـا لـي وفّـقـت بالـولامـا و لو جمعتـوا نصفهـن مـا يسـدّون

مـا ظنّتـي تلقـون مثـلـه حـرامـا أيضا و لا فيهن علـى السـر مامـون

و أخاف انـا مـن غاديـات الذمامـا اللي على ضيـم الدهـر مـا يتاقـون

أو خبلـة ٍ مــا عقلـهـا بالتمـامـا تضحك و هي تلدغ على الكبد بالهـون

تـوذي عيالـي بالنـهـر و الكـلامـا و أنا تجرّعنـي مـن المـر بصحـون

و الله يـا لـولا هالصغـار اليتـامـا و أخشى من السكّـه عليهـم يضيعـون

لا أقول كـل البيـض عقبـه حرامـا و أصبر كما يصبر على الحبس مسجون

عليـه منـي كـل يــوم ٍ سـلامـا عدّت حجيج البيـت واللـي يطوفـون

و صـل علـى سيّـد جميـع الأنامـا على النبي ياللـي حضرتـوا تصلـون

أو

من بعد صلاة الفجر أدق موتري سـلف إلى البر <- - ونــاسه!!

ساعات أجلس أقرا القراَن ,إذكار الله عزوجل ...الخ

أحياناً بتحصلوني أدوج بالشوارع إدور أأعلوم هههههههههههاااااااااي

بعد الفطور أخذ نفس بزقاره مالبرو واشرب شاهي مولع نـــــــــــــــار واسمع سواليف الرياجيل عـاد بعدها أطلع (وش مدريني إنا أعلم الغيب؟؟) اذ جاء ذ1ك اليوم بعلمكم

شكراً لك وليد

[mad921]

والله انا عندي رمضان ملخبط جدوله يعني كل يوم جدول ولعى حسب

كذالك لو يكون فيه تجمع زي الي مسوينه الاخوان في مصر لو يكون في الرياض

ويجتمع اعضاء لن فيه كثير متواجدين في الرياض او حولها

وموفق ان شاء الله



مستعير عضوية

[Abo_ELleal]

كل عام وانت بألف خير حبيبي
وكل عام والامة الاسلامية كلها بخير

بالنسبة ليومي في رمضان
ما اقدر احدد كل يوم ماذا سأفعل لان ظروف عملي تمنعني من الترتيب
حيث اخرج من الصباح ويا عالم متي اعود
لكن في رمضان اكثر الاوقات اعود بعد الافطار مباشرة