و الله من جد غريبين بعض الشباب السعوديين
معاه شهادة ثانوية و يبغى يصير مدير !!
الحين عالم معاهم دراسات عليا بكالريوس و ماستر و ماهم ملاقين شغل زين
و يعني ما ادري ليش ما قد شفت سعودي يشتغل في محطة بنزين يعبي للسيارات مدري وش المشكلة
طيب انا القى كثيرين شغالين في سوق الخضرة و رزقهم ذهب و الله اشوفهم رجال و يستاهلون كل ريال و احس اني ربي فاتح عليهم خير كثيير
يعني لو كل سعودي بدا بشغل بسيط في له فرصة انه يطور نفسه لاكثر من مجرد عامل
اليوم عامل بكرة مسؤول عن المحل و بعده شريك في المحل و بعده يكون عنده عدة محلات
الاجانب وانا اعرف مين بالضبط اللي هم الحضارم ما وصلوا للي وصلوا له الا بأمانتهم و شغلهم المثابر و طموحهم للأعلى و مهما وصل من مرحلة ما يغتر بنفسه ابدا و دايما يحسس نفسه انه مجرد شخص عادي و هذا اللي رفع مقدارهم
صدقني لو السعوديين بدأوا يشتغلون في الاعمال اليدوية كان توقف الاستقدام من زماااان
تحياتي لك و اتمنى انه الموضوع ما يصير عصبية لانه اسلوبك في تعصب شوي ضد الاجانب و كانك حاسدهم على رزقهم ولو تلاحظ انه في صعوبات عليهم و مع ذلك عرفوا كيف يشتغلون اجل وش عذر السعوديين اللي كل شي متاح لهم ومافي اي صعوبات قدامهم
__________________
لك الحق في التزام الصمت و كل ما تقوله قد يستخدم ضدك في المحكمة .
رد مع اقتباس
المشاركة الأصلية كتبت بواسطة spectrum 
