وش رايكم بقصة طاش اليوم !!!؟

[بلسم الحياة]

يعجبني النقاش وأتمنى يكون نقاش ودي

الكثير يتكلم عن الهيئة وفي كل مكان .. وبصراحه والكل يعرفها أن الجرائد وطاش لها مقصد من هالمواضيع .. ليت قصدهم الإصلاح وبس

رجال الهيئة بشر وصحيح مثلهم مثل أي جهاز حكومي لا يسلم من الخطأ

وأقولها للكل .. والله والله والله ومن خلال جلسات مع بعض رجال الهيئة
لولا الله ثم رجال الهيئة .. كان شفت السعودية أفجر من بانكوك

واحد من رجال الهيئة في منطقة ... يقول غطينا منطقة 5 كيلو .. مدارس بنات بس في اليوم الواحد 50 حالة غزل أيام الاختبارات

وعندنا سوق مشهور .. يوم من الأيام قفلوا السوق وكانت لجنة مشتركة من أكثر من قطاع حكومي وكان قبض على قرابة 40 حالة

هذه الاحصائيات وفيه هيئة كيف لو ما فيه !!

وحالات القبض على أوكار الخمور والأفلام الخلاعية و و و وو << حدث وتتعب من كثرتها

أنت أنزل أي مكان بأهلك .. وشوف كيف وضعك .. ترضى واحد من الشباب يأذيك أو يقرب منك ؟؟؟
حط نفسك وضع العوائل إللي تنزل وتبي تأخذ راحتها

الشباب زاد وضعهم .. وكل واحد يقول عطونا مكان نجلس فيه .. طيب لو مافي مكان تروح تتلزق بأمكان العوائل .. وجنز وحركات شعر وكجول << :eek2: ومسجل سيارة عالي و و وو

وبالأخير يقول وفر لنا مكان نجلس فيه ؟؟

مو مسؤلية الهيئة يوفرون لك مكان روح شوف البلدية والأمارة ..


وكانوا يقولون .. رجل المخدرات دائما يسب أمن مكافحة المخدرات .. وعلى هذا يكون القياس

يعني أهل الجرائد وأهل طاش .. :nice:


تقبلوا تحياتي
باسم

[محمد سايروس]

أعتقد طاش ما طاش من أولها لآخرها بالاضافه الى مناحي ووووووووووووووووو كلها قمه في التفاهه

[b-najd]

يعجبني النقاش وأتمنى يكون نقاش ودي

الكثير يتكلم عن الهيئة وفي كل مكان .. وبصراحه والكل يعرفها أن الجرائد وطاش لها مقصد من هالمواضيع .. ليت قصدهم الإصلاح وبس

رجال الهيئة بشر وصحيح مثلهم مثل أي جهاز حكومي لا يسلم من الخطأ

وأقولها للكل .. والله والله والله ومن خلال جلسات مع بعض رجال الهيئة
لولا الله ثم رجال الهيئة .. كان شفت السعودية أفجر من بانكوك

واحد من رجال الهيئة في منطقة ... يقول غطينا منطقة 5 كيلو .. مدارس بنات بس في اليوم الواحد 50 حالة غزل أيام الاختبارات

وعندنا سوق مشهور .. يوم من الأيام قفلوا السوق وكانت لجنة مشتركة من أكثر من قطاع حكومي وكان قبض على قرابة 40 حالة

هذه الاحصائيات وفيه هيئة كيف لو ما فيه !!

وحالات القبض على أوكار الخمور والأفلام الخلاعية و و و وو << حدث وتتعب من كثرتها

أنت أنزل أي مكان بأهلك .. وشوف كيف وضعك .. ترضى واحد من الشباب يأذيك أو يقرب منك ؟؟؟
حط نفسك وضع العوائل إللي تنزل وتبي تأخذ راحتها

الشباب زاد وضعهم .. وكل واحد يقول عطونا مكان نجلس فيه .. طيب لو مافي مكان تروح تتلزق بأمكان العوائل .. وجنز وحركات شعر وكجول << :eek2: ومسجل سيارة عالي و و وو

وبالأخير يقول وفر لنا مكان نجلس فيه ؟؟

مو مسؤلية الهيئة يوفرون لك مكان روح شوف البلدية والأمارة ..


وكانوا يقولون .. رجل المخدرات دائما يسب أمن مكافحة المخدرات .. وعلى هذا يكون القياس

يعني أهل الجرائد وأهل طاش .. :nice:


تقبلوا تحياتي
باسم

والله يخوك حنا نتكلم عن الهيئة اللي يجون يدخلون عمرهم بشي مايخصهم ويتبلون عالواحد ,, اما مثل اللي قلتهم جزاهم الله خير !!

[TRD]

الله يصلح أحوالكم ؛

[الخليج المتقدمة]

هو لو الله يفك الأعضاء من ذا ( b-najd ) كان الدعوة بخير


بلسم الحياة قالها صريحة البلدية هي المسوؤلة مو الهيئة


رجع إخونا في الله اللي اسمه على اسم امهات اللثام ( بنت نجد ) وقالك بس احنا نتكلم عن الهيئة


يعني بيرد السالفة للهيئة صح ولا غلط


الله يرفع عنك يا بنت نجد في هاليوم الفضيل

[Alhawe Graphic]

لما حلقة طاش ماطاش تجي على الجرح وتمس المجتمع ..
نصير احسن ناس نفتح مواضيع نقاش وننقد وكأن الحلقة من وحي الخيال .. ولا من المريخ ..

[t7t7.com]

طااااااااايب هالحين لو مافي هئيه تتوقعون وش بيصير ؟؟

هو فيه هيئه ومحنا سالمين من مشاكل الشباب والبنات !!! فما بالكم ان راحت الهئيه ؟

مشكلتنا ,, ننظر للغير , أي اننا نناظر للديار الي حوالينا ونبي نصير زيهم بالفساد !!

والله لولاالهيئه لصارت المملكه فساااااااااااااااااااااااااااد X فساااااااااد

مانلوم الشباب فقط ,, بل البنات الان اطقع من الشباب صارو والله .. تجيك بنت تدور الي يرقمها وبسسسسسسسس

اقسم بالله يجماعه كنت بالنقل لجماعي طالع من الرياض لمكه . معي واحد من الشباب راعي مغازل وكذا . ماقول غير الله يصلحه

المهم والباص به بنات بالاخير .

مدري كيف طرت على باله تشغيل البلوتوث بجواله , المهم شغله وشاف كم نك بنت . وقام ارسل مدري وش واستقبلوا !!

المهم وحده من هالبنات قالت له بعد العمره بتصل عليك !!
اعتمرنا وحنا راجعين . وحده من البنات قالت له بشوف خشتك . قام الولد وقف يناظر ورا وقدام وعرفته .. جينا ليلة السبت بالرياض

يوم الاحد فليل قابلته يقول قبل شوي جاي من الي رقمتها بالنقل الجماعي !!!!!!!!! لاحول ولاقوه الا بالله . قلت له طيب وبعدين ؟
قال اخذت كمن ريال منها وشريحه عااااام .. والشريحه الى الان شغاله معه والسالفه ذي لها 3 شهور يمكن ..

وبعض المجمعات تخشها بتشوف بنات محتشمات ايييييييه .. لكن السيب الي مافيه هئيه تفتح العباة ويبين"البرمودا" والا "الجينز"



والله ماااقول غير

الله يرحم حالنا

[سعودي سمايل]

رجع إخونا في الله اللي اسمه على اسم امهات اللثام ( بنت نجد ) وقالك بس احنا نتكلم عن الهيئة

ياليت حبيبي ترتقي بكلامك شوي و بدون غلط على احد
منت من نجد لا تجي و تتكلم عليهم ..!
هذا كلامك وانت برمضان اجل لو بغير رمضان وش بتقول

الله يصلحك ان شاء الله
والله يرفع عنك

[Naif2php]

هذا واحد يقول

عندك سوق المعيقليه , سوق الشعلة بالملز , اسواق حجاب في حي النسيم , اليورومارشيه ,
عندك ايام السبت والاحد والاثنين والثلاثاء ,, في المجمعات الكبيره ,, مثل جيان وكارفور وغيرها ,

ههههههههههههههههه الله يهديك اي معيقليه واي شعله .. بالله سوق حجاب يفتح النفس انك تروح تتممشى فيه ؟

وثانيا ليه التحديد سبت واحد واثنين وثلاثاء ؟؟؟
اذا انت طالب متى راح تقدر تطلع ؟؟ ماعندك غير الخميس والاربعاء .. !!

الهيئة بس لو يحطون حيلهم بقضايا المخدرات والصلاة ويبعدون عن الاسواق ويخلون خلق الله بحالهم كان تمام

[spectrum]

مسلسل فاشل مواضيعه مكررة :funny:

اما الهيئة فعقلياتهم وتصرفاتهم واسلوبهم من عقليات وتصرفات واسلوب المجتمع اللي عايشين فيه

ثقافة الشك والتوجس والتطفل وسوء الظن وعدم التفهم وجلافة التعامل هي السمة الغالبة على المجتمع فاذا طلع منهم رجل هيئة او رجل دين او رجل امن فسيغلب عليه هذا الطابع الا ماندر ( لكل قاعدة اسثناءات ) لانه واحد منهم و لم ينزل من كوكب اخر .. ومن شابه اباه ماظلم :nice:

[أبن مكه]

صراحه الحلقه هذي ذكرتني بموقف مر عليا قبل حوالي 4سنين


كنت مع العائله في منتزه في مكه المهم وانا رايح بشتري لي اكل الا والسكورتي ويوقفني وياخذني للاداره ومن الادراه لي قسم الشرطه !!!!


بتمهة اني اغازل لووووووووووووووووووووووووووووووووول

وانا مسكين رايح بشتري عيشه


المهم جلسنا 5ساعات بقسم الشرطه وبعدين فكونا بكفاله!!!!!!!



وكله هذا بدون سبب!!!!!

^_^ بعدها كرهت شي اسمه منتزهات في السعوديه والعطل والاجازات اقضيها في بلدي الثانيه مصر

[qtr4all]

اخواني انا قطري وزرت الاحسا والدمام وبعض مناطق الشرقية ولم ارى الهيئة وماشفت سيارة من سيارات الهيئة
ولكن حصل لي موقف في الدمام
وقفت عشان اعبي بترول في المحطة الي تحت الجسر ولم اجد العمال الي يعبون البترول وكانت السيارة مافيها بترول يعني عادي توقف باي وقت
وبعدين عرفت سبب اختفاء العمال لان هالوقت وقت صلاة
يعني لو شوي يعدلون في هذا القانون

وفي مكة كان اخر يوم جمعت الصلاة الظهر والعصر
الساعة ال 11 .. وذهب الى الابراج لاشتري الغدا اول ماوصلت ابي اطلب الا واذن واغلقت المحلات جميعا
وكان المطعم العمال داخله وابي اطلب يقولي بعدين
يعني وقت صلاة مب مشكلة يسكر المحل ويروح يصلي مب يسكر والمحل ويقعد ياكل ويسولف مع ربعه وانا انتظر منه اني اطلب الوجبه الي ابيها ,,

[محمد 902]

في البداية أتمنى الإهتمام بأداب الحديث وحسن إنتقاء الألفاظ

ثانياً :
البعض يقول الشباب مايمشون إلابالـ...
الصراحة ماأدري الشباب بشكل عام في هالوقت حرام عليهم يشترون أغراضهم الشخصية بأنفسهم :con2: أو أن حدودي في محلات الأحذية والمستلزمات الرجالية هي اللي تكون على الطرق فقط , أما داخل المراكز التجارية حرام
شخصياً أعاني في بعض الأحيان خصوصاً في محلات الأحذية مثل ( ألدو , ميلانو ) والي تكون داخل المجمعات التجارية دائماً مثل ( مركز النمر , خريص بلازا , صحارى ) ليش يحدوني أني أجي وقت الصباح أو في الظهر والشمس حرارتها فوق 50 وغيري يدخل ويتمشى في الليل فقط لانه متزوج ؟؟؟
أصابع البشر مو سواء إذا واحد دخل السوق للتسلية ففية 100 غيرة يدخلون علشان يشترون بعض الأغراض ويمشون بدون مشاكل ولا لازم واسطة في إدارة المجمع .

الصراحة وضع الشباب في هالوقت لايطاق ( وأقولها لكم عن تجارب مريرة ) والمشكلة أنهم يشتكون من الشباب والغزل والجرائم وهم مقفلين على الشباب من كل جهه كأنهم في كرتون مغلق من أربع جهات وماله إلا مخرج واحد وهو الزواج , طيب إذا كنت ماأبي أتزوج حالياً وأبي أنهي دراستي وأكون نفسي وأشوف مستقبلي " خلاص أنا من المغضوب عليهم " ويحرم علي دخول المجمعات مثل باقي الناس في اي وقت :court:

يعني أصحاب المجمعات التجارية مايقدرون يفتحون مجمع مثل ( غرناطة ) للمستلزمات والملبوسات الرياضية وغيرها وللشباب فقط وأي بنت تقرب من المجمع ترسل على الشرطة أو الهيئة مثل مايحصل مع الشباب !

كان الله في عون الشباب حتى الزواج

[بلسم الحياة]

أكيد المظهر للشاب له دور
يعني فرق بين واحد عليه قصات شعر ولبس وعيونه بكل مكان ولا يشتري شي
وفرق بين واحد محترم حاله ويشتري ويخرج

يعني أنا وغيري كثير ما صارت لنا مواقف مع أني دخلت أكثر من سوق ومجمع لمراكز تجارية
أظطر أدخل فترة المساء لأنه وقت الدوام ما أقدر أخرج
وكان غرضي جرير أو غيرها من محلات الملابس ، أخلص أغراضي وأخرج ولا شفت أي مشكلة
مع أن السوق مزدحم بعض الأوقات

ليه البعض يتعرض لمشكلة مع الهيئة ؟؟؟

[ليث الشرس]

انا من البحرين .. اروح الدمام والخبر والشرقية بشكل عام ..

واروح جدة تقريبا كل سنة ..

للاسف واقولها بكل صراحة .. لم استمتع يوما في المملكة .. الا عندما اذهب الى مكة او المدينة ..

يعني يوم نجي نبي نطلع مع الشباب ما فيه مكان .. وتقريبا لازم نحاسب على كل شيء ..

يعني ما نقدر نلعب شدة على البحر مثلا .. الشدة حرام ..

ما نقدر نعلي صوت الاغاني اكثر من 40% ,,

وغيرها شغلات بسيطة وتكتكات انا مو متعود عليها وما احس فيها كثير غلط ..

عموما .. الحمدلله ما صار معي مواقف كثير مع الهيئة .. ولكن صار كم موقف اتحفظ من التصريح فيها .. احس فيها اني مجرم وانا مو مسوي شي ..

الشي الوحيد اللي انا مو قادر استوعبه ويرفع ضغطي مليون ..

هو لما تسكر المحلات ربع ساعه قبل الصلاة وربع ساعه وقت الصلاة وربع ساعه بعد الصلاة !!

5 صلوات في اليوم + وقت الغدا .. ما يبقى شي .. المحل دايم مسكر !!

واللي يقهر بزيادة .. ان راعيين المحلات والهنود اللي يشتغلوا في المحل .. يسكر المحل وهو نفسه ما يروح يصلي .. يعني يسكر المحل ويقعد يتفرج عليك ..

او مثلا في السوبرماركت تبي تخلص مشترياتك ما يخلصك ويوقفك ويقعد يسولف معك .. وانت تبي تروح وتنتظر نص ساعه علشان يكمل البيعه ..

ومكتبة جرير لما يصيروا يطردوا فينا كاننا خرفان .. والله العظيم رجعت البيت يوم طردوني انا واخواني من مكتبة جرير للصلاة رجعت وصادني اكتئاب قوي .. شي يقهر !!!!! يعني تطردني طرد ويقعدون يدزدزون ومادري شنو .. ياخي روح ما ابي اشتري من عندك لو تدفعلي فلوس بعد !!

يعين مواقف كثيرة .. بصراحة على هذي التوقف وقت الصلاة اتوقع يجب اعادة النظر فيها !!

لان حسب علمي وحسب ما متعارف عليه .. مو حرام البيع وقت الصلاة .. الا وقت صلاة الجمعة !!

الجمعه تمام قلنا .. بس الحين الصلوات الباقيه ليش ..

يعين لا انت تقدر تصلي .. تبي تمشي شغلك وترد تصلي في البيت .. وتقعد تنتظر لما تخلص الصلاة ..ولا البايع يقدر يصلي في هالوقت .. بس كان الحياة تتوقف عن العمل ونسبة قليلة يروحون يصلون ..

ارجو ابداء الراي !!