وش رايكم بقصة طاش اليوم !!!؟

[b-najd]

السلام عليكم ورحمة الله وبركاته ,,

حبيت اسئلكم بحلقة طاش اليوم ,,

لأنها صراحة بالصميم ,,

وذا واقع شباب السعودية ,,

كل مكان ممنوع ..

عوائل

مافيه وظائف

وذا اللي يحدنا للحرام والسفر برى و الخرابيط وو

خاصة الهيئة !!

تتبلى الواحد الا لازم تحط وراه اي شي !:anger2:

إلين متى نبي نبتل على كذا ؟

يعني مافيه تحسن او عالاقل اماكن خاصة بالشباب

آترك الباقي لكم ,,

[سليمان عبدالعزيز]

اماكن خاصه للشباب

فيه رح للبّر
رح مطاعم
اركب السياره ودور بآي مكان
اجلس ببيتكم واقعد فيه انت واخوياك
مَقَآهي /
اجلس على الانترنت
حدايق < لو الله يفكنا من الاشوام كان طلعت فله

فيه اشياء كثيره *_*
والهيئه مستحيل فيه 100 الف شاب
بتبلاء عليك انت ... صح ان فيه بعضهم متشدد وبقوٍهـ
بس خلك اخلاق
فيه ناس بس يجيه الهيئه ... طلع حرت الدوٍنيا عليه


... ولي متابعه للموضوع *_~

[الأنصاري]

في الحقيقة حلقة طاش ما طاش التي انتهت قبل قليل ازعجتني كثيرا بسبب تهجمهما على رجال الهيئة بارك الله بهم ، واظهارهم بشكل متشدد بعيد عن الحقيقة والواقع

أتمنى لو عندنا في سوريا رجال مثل هؤلاء

لان شباب هذه الايام لا يستحقوا أن يعاملوا إلا بالأحذية

[b-najd]

اخوي دينا الجوال ,,

البر : ملل اللحين وحر خلها بالشتاء ..

مطعم نروح انا ,, لكن مب نقعد بالمطعم طول الوقت ,, اني مكان دايم نروح له

دوران بالموتر ,, ندور .. لكن الدوريات ناشبه لنا .. يا مخالفة دوران ,, او رخصة او اي شي

البيت نقعد ,, لكن نبي نمل من البيت !!

مقاهي مآبي ,, كلها شيشة وضياع

حدايق : نروح لكن هيئة وعوائل وقلق

,,

بالنسبة للهيئة .. فيه قليل يكونون تمام .. واكثرهم متشددين مره !!

[b-najd]

في الحقيقة حلقة طاش ما طاش التي انتهت قبل قليل ازعجتني كثيرا بسبب تهجمهما على رجال الهيئة بارك الله بهم ، واظهارهم بشكل متشدد بعيد عن الحقيقة والواقع

أتمنى لو عندنا في سوريا رجال مثل هؤلاء

لان شباب هذه الايام لا يستحقوا أن يعاملوا إلا بالأحذية

يستاهل اللي جاه !!

كل واحد حر بنفسه

مابقى الا يدخلون بيته ويهاوشونه ,, واضنها تبي تصير :court:

هم متشددين وبقوه يخوك !! مقلقيننا بكل مكان

[أزدي]

بالنسبة للهيئة .. فيه قليل يكونون تمام .. واكثرهم متشددين مره !!

يا حبي لهم ..:shy:
الله يوفقهم بكل مكان ويحرسهم بعينه الي ما تنام :shy:
والله يديم علينا هالنعمة :nice:

[b-najd]

يا حبي لهم ..:shy:
الله يوفقهم بكل مكان ويحرسهم بعينه الي ما تنام :shy:
والله يديم علينا هالنعمة :nice:

(:

شكلهم ما قد سوو لك شي وانت ما سويت شي

يعني تبلوا عليك بشي !!

لكن يمكن يجيك هيئة يتبلى عليك ان شاء الله عشن تحس باللي يصير للشباب ظلم !!

[سليمان عبدالعزيز]

يا حبي لهم ..:shy:
الله يوفقهم بكل مكان ويحرسهم بعينه الي ما تنام :shy:
والله يديم علينا هالنعمة :nice:

قال هيئه قال ....

وٍرٍبي ماشي بحالي بالسياره قسم بالله ...
يوقفني يقول تعال انت وولي امرك وخوذو الجوال
وبدون مايفتشه

جيتهم من بكرى معاي ولي امري

الذاكره 1 قيقا مكسوره + الجهاز مفرمت

اي هيئه ...

قال هيئه قال ...

[تركي البراهيمي]

بصراحة الحلقة كانت في الصميم
100%

بس الله يعين بكره الصحف والجرائد
كلها تهديد من الهئية
^_^
كــ العاده

^_*

وبتوفيق للجميع

[b-najd]

بصراحة الحلقة كانت في الصميم
100%

بس الله يعين بكره الصحف والجرائد
كلها تهديد من الهئية
^_^
كــ العاده

^_*

وبتوفيق للجميع

بإيدهم ورجلهم ,,

[محمد 902]

الحقيقة حلقت اليوم مقارنة بطريقة تعامل أفراد هيئة الامر بالمعروف والنهي عن المنكر في الوقت الحالي أعتقد أنها ظالمة وفيها شيء من المبالغة حقيقةً.
لأني أعتقد أن الحلقة تحكي الحال قبل 5 سنوات او أكثر , وأنا أقول هالكلام وأنا لي مواقف كثيرة مع الهيئة وإيقافات وأشياء ماتذكر
لكن أفراد الهيئة حالياً ناس متفهمين ويبداء في الكلام معك بالسلام والتفاهم بهدوء والنصيحة ومايخطو أي خطوة إلا متأكد منها . خصوصاً بعد الخطوة الجميلة بإنشاء معهد إعداد الأفراد وحصر القبول فقط لخريجي الجامعات ( النوعية التي يكون لها نظرة مختلفة وعقلانية للأمور بعكس التائب من المخدرات أو خريجي مستشفى الأمل ...إلخ من النوعيات التي كانت تقبل سابقاً )

أطيب التحايا ..

[t7t7.com]

الي ماهو عاجبه اماكن العوائل ياخذ اهله ويروح لها ماهو مجبور يروح هو وخوياه ,,

لو لاالهيئه كان خربت ديرتنا

الله يقويهم ,,

وماعلى السما من نبح الكلاب ! "يكرم القارئ"

[مرزوق كوم]

بيني وبينكم لو تسوي الهئية متسوي شي عادي لو تهاونت صدقوني بتشوف بكل مكان قلة حيا اذا تهاونت الهئية قلنا بلد سايرة فري واذا تشددت الهئية مانبيهم يتشددون نبي نغازل

الكل يبي كل شي فري يعلم الله مافي شباب مجتمعين يروحون سوق او منتزه الا في بالهم مغازل

انا وانت منرضي اننا نكون عوائل ويجون شباب يجلسون بمنتزهات للعوائل او اجي احط عائلتي وافر بالمنتزه وش يفرفر فيك غير في بالك شي

لاكن الشباب يبون كل شي لهم عادي واذا جو مع اهلهم بمنتزه ميبي شباب

اذا كنت ترضي انك تجلس بمنتزه و يجونه شباب وانت بعائلة اذا كان اي واحد يرضاها والله معنده غيره
واذا ميرضاها فشي طبيعي

وليش المنتزهات خلك في بيتك وعيش حياتك والله مامن الاصحاب الا المشاكل

[سليمان عبدالعزيز]

الحقيقة حلقت اليوم مقارنة بطريقة تعامل أفراد هيئة الامر بالمعروف والنهي عن المنكر في الوقت الحالي أعتقد أنها ظالمة وفيها شيء من المبالغة حقيقةً.
لأني أعتقد أن الحلقة تحكي الحال قبل 5 سنوات او أكثر , وأنا أقول هالكلام وأنا لي مواقف كثيرة مع الهيئة وإيقافات وأشياء ماتذكر
لكن أفراد الهيئة حالياً ناس متفهمين ويبداء في الكلام معك بالسلام والتفاهم بهدوء والنصيحة ومايخطو أي خطوة إلا متأكد منها . خصوصاً بعد الخطوة الجميلة بإنشاء معهد إعداد الأفراد وحصر القبول فقط لخريجي الجامعات ( النوعية التي يكون لها نظرة مختلفة وعقلانية للأمور بعكس التائب من المخدرات أو خريجي مستشفى الأمل ...إلخ من النوعيات التي كانت تقبل سابقاً )

أطيب التحايا ..

صراحة ردك عين العقل وهذا الي حاولت اوصل لهـ
الهيئه اختلفت اختلاف كلي

بس بعد ايش :anger1:

وترى الي قلته انا فوق بخصوص الجوال
مالها سنه :eek2:

[b-najd]

الحقيقة حلقت اليوم مقارنة بطريقة تعامل أفراد هيئة الامر بالمعروف والنهي عن المنكر في الوقت الحالي أعتقد أنها ظالمة وفيها شيء من المبالغة حقيقةً.
لأني أعتقد أن الحلقة تحكي الحال قبل 5 سنوات او أكثر , وأنا أقول هالكلام وأنا لي مواقف كثيرة مع الهيئة وإيقافات وأشياء ماتذكر
لكن أفراد الهيئة حالياً ناس متفهمين ويبداء في الكلام معك بالسلام والتفاهم بهدوء والنصيحة ومايخطو أي خطوة إلا متأكد منها . خصوصاً بعد الخطوة الجميلة بإنشاء معهد إعداد الأفراد وحصر القبول فقط لخريجي الجامعات ( النوعية التي يكون لها نظرة مختلفة وعقلانية للأمور بعكس التائب من المخدرات أو خريجي مستشفى الأمل ...إلخ من النوعيات التي كانت تقبل سابقاً )

أطيب التحايا ..

والله للحين يخوك ,,

بالعطلة واقفين نسحب من الصرافة فلوس نبي نتعشى ,, الساعه 11 و شوي بالليل

جا الهيئة لمنا قال هاتوا اثباتاتكم ,, عطيناه اياهن

قال وش عندكم قلنا نسحب قال تكذبون .. عطيناه الوصل حق الحساب ,, قال خلاص روحوا ..

يوم جينا نمشي قال خويه على وين ..

اركبوا يالله زيكم زي غيركم !!

وودونا الاحداث

وتهمه مغازل وتحرش !!

وش تبي ترجي منهم دامهم كذا

السالفه مالها شهر ونص !!