تفصيل ثياب + تنعيم + شراء ملابس +زحمه ..الخ = عيد

[محمد 902]

الله يعين الثميري وليلة العيد >>> إنتحار اللهم ياكافي

والله التأخير سبب لي مشاكل وللمرة الثانية وهو أنه راح علي موعد تفصيل الثياب يوم رحت لخياطي قال أن من 20 مقفل إستقبال تفصيل >> قلت حلو الثياب وراحت علينا
وقبل أسبوع من اليوم كلمت الحلاق وقلت أحجز ليلة العيد قال عندي 21 واحد حاجزين ليلة العيد وكلهم VIP قلت ( حلو كملت ) قلت الظهر ينفع قال ok قلت الحمد لله
اليوم لفيت محلات الأحذية واللهم لك الحمد مالقيت شيء يستحق أنك تشتري ولقيت نعال "وأنتم بكرامة" ويوم سألت قال بـ 345 قلت ياساتر ليش قال أخر دفعة قلت 250 ينفع قال أمسك الباب
قلت يالله نروح ميلانو لقيت حقت نفس اللي قبل 3 شهور قلت قديم ولفيت بعض المحلات ولقيت ماشاء الله ( الزبيريات ) هي الموضة قلت اللي علي جديدة وتمشي الوضع :nice:
وباقي الأغراض شاريها من أسبوع تقريبا ( غترة , طاقية...إلخ )

واللي متزوج الله يعينه على المشاوير أو اللي يودي أهله ويجيبهم
لكن الحمد لله الأمور عدت على خير

[Manaf00]

كُـــل عام وإنتم كويسين ,, :shy:

صراحة الزحمه عاديه عندي ماتشكل اي اهمية .. الا بالمحلات .. الشوارع ميخالف تصير زحمه .. بس ماتكون عن الزيادهـ .. يعني سواليف مع اللي معك لين تمشي ,,

انا شاري كل الإغراض قبل تقريبا ً اسبوع :nice: .. يعني مخلّــص اموري, مع إن قبْـل إسبوع كان زحمه بس على خفيف جدا ً ,, مب مثل زحمه امس ياتسافي ,, ماتقوى تتحرك :deal: رحت امس إشتري نعــال .. الله يعزكم ويرفع قدركم .. ويكوسكم .. ويخليكم اطلق ناس ,,
زحمه ودرت حوالي 15 محل :anger2: :eek3: , أخر شيء قلت يارجال اي شيء .. تسلّــك للوضع :funny: .. وركبت الموتر وانا رجولي تقول آآآآآآآآآآآآي :anger1:
يوميات عيد مواااطن <__ مسمى رائع للموضوع :nice:


وعيــــد سعيـــــــــــــــــــــــد


طلااااااااااال

[softsgate.com]

السلام عليكم
الصراحه فيها كلمات لما قريتها تقول اسمع روسي يتكلم

وش يعني

شراء كنادر وشربات

2- شراء الملابس مع الشماغ والكنادر والشراب والطواقي وهلم جرا

الشراب هي نفسها الشربات

3- ثم ذبيت موتري

( الزبيريات ) هي الموضة قلت اللي علي جديدة وتمشي الوضع

[مسولف]

88

للترجمه :nice:

كنادر = الجزمة الكبيرة شوي الله يكرمكم

شراب او شرابات = جوارب بس ابو هيثم عنده خطأ املائي

الطواقي = اللي تنلبس على الراس :court:


هلم جرا = مدري والله

ذبيت = رميت :1power:

الزبيريات = نوع من انواع الأحذية المفضله عن الشيبان :funny:

[عبدالرحمن العنكبوتي]

طواقي = قحافي
هلم جرا = إلى آخرة
ذبيت = جدعت
الزبيريات = سختيان

كذا احسن

[Khalid S. AL-Ghamdi]

تراني مو فاهم

الزبيريات = سختيان

حتى الترجمة مو مفهومة

[alshamk]

السلام عليكم ورحمة الله وبركاته
الزبيريات = أحذية تصنع باليد قبل 20 سنة تقريباً
مصدرها باكستان على ما أظن اشتهر من يلبسها أهل القصيم وكبار السن عموماً
حالياً تصنع بمكائن وتكون جاهزة وأصبحت منذ سنتين هي موضة الرجال
مثل الشمغ القديمة حالياً لكن هذه الأحذية استايلها جميل جداً بالوقت الحاضر
والسبب يعود للشكل وجودتها تحياتي ...

[mad921]

شرح بصور كما تعودنا على اعضاء سوالف



:nice:

[t7t7.com]

حااااااالف مااطلع من الحي ابداً

حينا كله الجماعه فيعني نعايد عليهم بسهوله لكن سالفة اني اطلع برا الحي ,, ذي استحاااااااااااله

وبخصوص التجهيز , والله الحمدلله مجهز لي وللعيال من الكويت وخاااالص جيت للرياض بس حلقت العيال بحلاق لواحد من العيال يعني واسطه

والحمدلله الامور الى الان تحت السيطره

ويالله فمان الله بروح انام ههههههههه

[الشبكة]

يارجال والله الرياض كله زحمة وناس ماتهتم بقوانين المرور :anger1: الله يعين



عسى الله يفكنا من الرياض وزحمته :eek3: