وين أروح ؟؟

[ابو بكر]

شوفلك ابتعاث خارجي أفضل لك إلى أمريكا او بريطانيا

والله يوفقك

[Naif2php]

ياعالم تهاوشوا برا الموضوع .. انا ادور حل ما ادور هواش

[سلطان الجالي]

روح الاردن واختار الي يعجبك الدراسة عندهم قوية لكن نصيحة ابعد عن الشلل هناك والصياعه غير كذا راح تستفيد بدراستك اما جامعاتنا اغسل يدك منها خرطي ماعندك احد واغلب مسئولي الدولة جميعهم دارسين في جامعات اوروبية ليش!؟ لان ماعندنا جامعات زي الناس بس مساحات ضخمة ومباني ع الفاضي

[عالم المبدعون]

روح العسكريه واختصرها من بدرري الا اذا مالك هواء فيها

تقديمات الامن العام بإستمرار

[altibb]

دخلت على تصنيف افضل 500 جامعة في العالم
QS Top Universities: THES - QS World University Rankings 2006 - Rankings 201-520
واللي اعترض علية،،، ففريق قالوا جهل بواقع وظروف التعليم الجامعي العربية وفريق قالوا تصنيف خاطئ

فنحن لسنا افضل جامعات العالم ...

عموما عشان مانطلع عن موضوع حبيبنا Naif2php ويستفيد الشباب اللي مالقوا لهم مكان يقبلهم ،،اقول لهم امامكم حلول مؤقته اضافة لما تفضل به الاخوان .
1- تحاول تدرس كمبيوتر ،، صحيح ممكن بعضكم يقول اعرف كمبيوتر ،،لكن اقوول لهم "ماعندكم شهادات تدعمكم في تقديم او قبول" .. حاول تدرس في احد الدورات مبدأياً ،،،اشوف دورة ICDL سهلة وتثبت ان لديك المهارات الاساسية للعمل على الكمبيوتر ،،، لو عندك هالشهادة عندك دورات شبكات وبرمجة وتصميم وادارة وغيرها ،،،مفيدة وليست طويلة.
2- مكتب العمل مفيد ((بعض الشئ)) لو عندك شهادات ممكن تلقى وظيفة في شركة ،،،تستفيد مادياً ،،،وتقضي وقتك في شئ مفيد بدال الشوارع والنوم والنت .
3- لو ماعندك رغبة في الدراسة ((ممكن عندك ضروف)) ولا عندك رغبة في التوظف ((ممكن مالقيت)) حاول دامك انسان متصفح للنت تستفيد منها((يعني مو تشات وسوالف وقرأة خرابيط وبس)) تعلم php تعلم vb.net تعلم شبكات تعلم اي لغة تشوف ان لها فائدة وتقدر تسفيد منها ... اقول لك فيه احد الاصدقاء عنده مؤسسة وعنده مبرمجين من الضغط مو قادر يحصل مبرمجين متمكنين،،، فيه ناس يبحثون عن مبرمجين لعمل برامج لهم ومو لاقين ... شوف قسم صيانة واصلاح المنتديات فيه ناس حتى تركيب الهاكات مايعرفوا كيف،،، وابسط مشكلة يجي يركض ركض ،،،يبغى احد يساعدة ولو يدفع ((افتح موقع دعم فني )) اعرض خدماتك في الاقسام التجارية والاعلانات هنا وفي مواقع ثانية...
قرأت موضوعين هالاسبوع جميلة الموضوع الاول أبي الغني – أبي الفقير والموضوع الثاني التلفاز عدونا الأول

اخيرا
حاولوا في صندوق المئوية ممكن تجد الدعم لمشروعك وتصبح تعمل لنفسك ولمالك.
حالوا في برنامج عبداللطيف جميل لخدمة المجتمع ممكن تلقى الدعم والاستشارة لمشروعك.
عندك فكرة مشروع على النت استشر وفكر بصوت عالي في قسم فكرة
المهم لاتستسلم ابداً للبطالة ولا لعدم التوفيق في القبول باي جامعة او كلية امامك مشوار طويل وحياة قصيرة استغل جميع وقتك وتذكر ان كل دقيقة ستحاسب عليها ان ضيعتها.

تمنياتي لي ولكم جميعا بالتوفيق،،

[mad921]

الاردن ( كان ) فيها تعليم قوي ويجي لها السعوديين ولو الاردن فقدت السعودي ضعفت نفس البلد واكبر مثال

زي ما سوو الاردن برفع ضريبة الدخول الى الأردن وخلال فتره قصيره الغوها كذالك مع فتح مجال الابتعاث الى

اوريا صار اقبال قليل على الاردن كان في سابق قوي كذالك انت تقارن جامعه من بد اكثر من 8 جامعات كذالك

مثل جامعة الامير سلطان مناهج اكسفورد و مدرسين قويين تقارنها بجامعه الاردن ..؟

كذذالك السعوديه فيها نقله قوويه في التعليم ويتوقع تكون (من ) افضل عربيأ بحكم ان فيه كثير مبتعثيأ يفوق

عددهم 15 الاف مبتعث بتخصصات علميه

معلومة لك عزيزي ولا احب ان اتكلم في بلدان انت تشوف ان الدول الشام قبل سنوات طويله ظهرت على التعليم

ولكن ما استغلته اشغلو انفسهم بـ الادب العربي العربي وترجمه ولكن اليابان اشتغلو في العلوم ونشوف اللحين

الفرق بين دول الشام ودولة اليابان بحكم انها استغلو خبراتهم ومعارفهم

كان بودي ان يكون مقارنه بيننا كعرب اكبر من كذا وكان بودي انك كشخص عربي تمثل دولتك في منتدانا سوالف

تكون صوره حسنه وتشوف كيف اخوي محمد يناقش وتمنيت تكون افضل من اسلوب الاستفزازي هاذا

على العموم الله يهديك ويصلحك

واعتذر لك اخوي نايف واكرر اسفي لك بخروج عن موضوع

[AL-NSA]

بسم الله الرحمن الرحيم

تحية طيبة وبعد ..

لو تعمل خدمة تكسب فيها أجري و أجر العضو Naif2php

في الموضوع :

http://www.swalif.net/softs/swalif12...01/index2.html


أبغاك تكتب له رد ..


بما إنه يبغى يدرس إدارة أعمال ..

فيه في كلية ينبع الصناعية .. تخصصات إدارية و علمية و هندسية ..

و تتخرج بشهادة معترف فيها عالمياً ..

و إذا كمّلت بكالوريس تتخرج تحت مسمى مهندس ..

و لمزيد من المعلومات عن كلية ينبع الصناعية و الأنظمة و الحياة هناك ..

ملتقى كلية ينبع الصناعية

و لللعلم أنا ما رسلت لك غير لأنه في تقديم في الترم الثاني ..


أتمنى التوفيق للجميع و شاكر لك أخوي الفوزاني ..

التاريخ 2007/10/19 4:47 pm
بريد المرسل yics.net@hotmail.com
عنوان الرسالة طلب .. في سوالف سوفت

وصلتني الرساله وطلب صاحبها اني اضع الرد عنه

تحياتي

[محمد سايروس]

المستقبل العلمي بالوطن العربي
في بلاد الشام ومصر والمغرب أكثر شي
خاصه فلسطين والاردن
فلسطين مئات المتعلمين سنوياً رغم ظروف الاحتلال وووو
اغلبهم ع السعوديه او الامارات او بيوخدوا جنسيات اوروبيه وبيطلعوا بره

انا لو بدي أثني على بلد في قوة التعليم وعراقة الحضاره
العــــــــــراق البطل


مكتبات وجامعات وتعليم

الله يرحمك يا أبا عدي


وبكرا بتشوفوا
اصلا اغلب المهندسين والدكاتره والمتعليمن في الخليج يعملون هم شاميين

[محمد 902]

الأخ محمد سايروس والكلام للبقية
أخذت وأخذتم الكثير من موضوع الأخ نايف , أي رد قادم خارج نطاق الموضوع الأساسي والمشكلة سيتم حذفها وإنذار العضو بعدم تكرار الخروج بشكل متزايد عن مسار الموضوع.

[ليث الشرس]

روح هندسة ..

او تعال عندنا البحرين .. في الجامعات الخاصة ..

ما اتوقع سمعت ان الجامعات عندكم فاضية بس تبي طلاب ..

ولا يمكن بس في الشرقية ؟؟ انت من وين من السعودية اخوي ؟