اقفل الموقع وليس لدي نسخه

[اللحجي]

بسم الله الرحمن الرحيم
السلام عليكم ورحمة الله وبركاته

اخواني انا موقعي انتهت مدته والمشكله بان الاستضافه لم ترسل لي اي رساله بهذا الخصوص
دخلت الموقع حقي وطلعت صفحه اعلانيه وبعدها رحت شيكت على الدومين وطلعت المعلومات الخاصة بالدومين ومسجل الدومين ببريدي وحصلت ان الدومين منتهيه مدته راسلت المستضيف وقلت ارسل لي معلوماتك البنكيه علشان احول لك حق تجديد سنه وبعد يومين اللي هو امس رد علي وقال حنا الان اوقفنا الاستضافه وبالنسبه للدومين تقدر تحجزه انت من عند واحد ثاني بعد شهر او شهرين ويمكنك نسخ ملفاتك ....
المشكله ان اخوي مفرمت جهازي ايام العيد ولا عندي اي نسخه للمنتدى حاولت ادخل عن طريق الاف تي بي مو راضي الشي الوحيد اللي قدرت اسويه اني اقدر ادخل للوحة التحكم لكن مو بشكل مباشر عن طريق المتصفح .. لا .... عن طريق موقع المستضيف ...
الحين انا ارسلت له رساله شرحته اني ما اقدر انسخ ملفاتي وانا ما اقدر ادخل الاف تي بي لكن المشكله انه يتأخر مايرد وانا بصراحه خايف على الملفات وقاعدة البيانات ....
ما اعرف ايش اسوي رجاءي ممن لديه حل لمشكلتي يساعدني وله الدعاء الخالص له ولوالديه ..

[ديجيتال]

راسل المستضيف

لو كان عنده ضمير بيرجع كل حقوقك
ولو ماكان عنده مشي حالك

[اللحجي]

الله يوفقك ياصلاله لكن هو رد لي بالنص وقال :
----------------------------------------------
لقد نبهنا منذ مدة بأننا لن نتمكن من تجديد أي موقع وطلبنا من الجميع نقل استضافاتهم إلى شركات أخرى. الآن يمكنك نقل ملفاتك إلى شركة أخرى والبحث عن اسم جديد لموقعك مقارب للقديم. ويمكنك اعادة تسجيل الاسم القديم بعد شهر أو شهرين من انتهائه
---------------------------------------------
المشكله انه لانبهني ولاشي
والمشكله انه يقول انقل ملفاتك وانا ماقدرت ادخل على الاف تي بي هل فيه طريقه معينه يعني والا كيف ؟؟؟؟
ثانيا الدومين مسجل ببريدي من اينوم هل اقدر اخذه من دون المستضيف وانقله لمستضيف ثاني ؟؟؟؟

[.. نسيم الليل ..]

ممكن أسألك سؤال خارج الموضوع

هل أنت ( الحجي ) وترجع ( السفياني ) .. ؟

أخـــوك

[اللحجي]

نسيم الليل لا ارجع ( السفياني)
واخوان بإذن الله ومرور كريم

[اللحجي]

اخواني الى الان لم يرد علي المستضيف ولكن كما قلت لكم سابقا

الشي الوحيد اللي قدرت اسويه اني اقدر ادخل للوحة التحكم لكن مو بشكل مباشر عن طريق المتصفح .. لا .... عن طريق موقع المستضيف ...

انا الحين ادخل على لوحة التحكم للموقع cpanel عن طريق موقع المستضيف فهل يمكنني نسخ قاعدة البيانات للمنتدى عن طريق phpmyadmin
لانني لا اريد ان اسوي لم اجربه فاخرب اشياء لا علم لي بها
بانتظار افادتكم مشكورين

[abdellahjawal]

نعم اخوي تقدر تأخد النسخة الاحطياطية كاملة للموقع (القواعد- الملفات..)

[waq]

اخوي مشكلتك محلولة بازن الله وبكل سهولة

طبق الشرح التالي وادعيلي بالتوفيق
واذا ما قدرت تطبق الشرح
بساعدك بعيوني
اخوك الكوردي

[شرح] كيفية نقل موقع بقواعد البيانات من سيرفر الى آخر مهما كان حجمه خلال 10 دقائق - ::TRAIDNT FORUM::

[اللحجي]

الله يوفقكم وييسر لكم اموركم
الكردي الله يكثر من امثالك ويسكنك ووالديك جنات النعيم
جاري التطبيق وان شاء الله تنحل وراح اخبرك باخر المستجدات

[عبد الله توناني]

بسم الله الرحمن الرحيم
إذا كان موقع المستضيف يعمل و لوحات التحكم من نوع Cpanel فيمكنك الدخول على موقعك عن طريق الرابط التالي :

http://XXXX.com/~TTTT

بحيث :
XXXX : موقع المستضيف .
TTTT : اسم دخول الـ Cpanel .

أما عن إمكانية نسخ موقعك وقواعد بياناتك من الـ Cpanel فهذا عادي جدا .
و يمكنك طلب المساعدة مني عبر abdou.a4@msn.com

[القائد]

ويمكنك ايضا تجديد الدومين الخاص بك اذا كنت تستطيع دخول لوحة تحكم الدومين..

ذلك ان اغلب شركات تسجيل الدومينات تقوم بتوفير 30 يوما بعد انتهاء الدومين لصاحب الدومين كي يقوم بتجديد دومينه

تقبل مني ارق تحية

[اللحجي]

اخواني الله لايحرمكم اجر مساعدتي والله يوفقكم لخير مايوفق به عباده الصالحين

عبدالله ستتم اضافتك الان

القائد دوميني قام بحجزه لي المستضيف قبل سنه والان انتهى ومن معلومات الدومين بين انه من اينوم
المقطه الجيده بالموضوع ان الدومين مسجل ببيريدي
على العموم المستضيف بطئ جدا بالرد ولم يرد لي الى الان
لكن اذا كان فيه طريقه لتجديد الدومين من غير الرجوع للمستضيف فهذا امر يسعدني كثيرا
مع العلم انني استطعت توفير بطاقة ائتمان لعلها تكون عنصر مساعد بالموضوع
والان احاول البحث جاهدا عن استضافه ممتازه غربيه وان شاء الله الليله ستكون متوفره
ومن رد الكردي واخوي عبدالله ساتمكن بإذن الله من نقل الملفات بشكل كامل وجزاهم الله كل خير

لكن تبقى المشكله المستعصية لدي هي الدومين فقط

الحقيقه مابوسعي الا اني ادعي لكل من ساعدني بظهر الغيب والله ييسر لكم اموركم ويوفقكم بدينكم ودنياكم

[waq]

اخوي الحجي
الحمد لله انه تم حل مشكلتك
والومين شيء بسيط باذن الله
لانه الاهم هو ملفات وقواعد البيانات