النتائج 1 إلى 11 من 11

الموضوع: رأسي بينفجر ساعدوني

  1. #1
    Banned
    تاريخ التسجيل
    Oct 2005
    المشاركات
    899

    رأسي بينفجر ساعدوني



    صار لي أسبوعين ألف وأدور في الدمام أبي شقة حلوة محترمة


    خلاص ما بقي على العرس إلا شهرين يا دوب أستأجر ويا دوب أجيب أثاث لها



    وفريت ودورت وكل شقة من خرابها تقول الزود عندي


    والطيبات كلش تقول ما تجيني إلا تدفع فيني 24 ألف ولا لا أشوفك ولا تشوفني


    تذكرت شقة جنان وروعة شفتها عن 20 ألف ويوم رحت لهم قبل شوي قالوا راحت قبل أمس



    قلت ذي آخرة اللي يسمع لكلام الناس ويأخذ شورهم راحت علي شقة زي الحلاوة (( لو شفتوها قلتوا أكثر من اللي قلته ))



    المطلوب من الكلام ذا كله نبي شباب يدلونا على أحياء حلوة مرة


    أقولكم مو شرط حي حلو مرة


    المهم والمهم والمهم ثم الأهم إن الشقة حلوة مرة لأني أنا بسكن فيها مو في الحي



    شرط تكون الشقة فيها طقم مطبخ ذي لازم تنتبهون لها تماماً


    ويكون سعرها لا يزيد عن 20 ألف على حد أقصى


    والدفعة عندي بتكون كاش مقدم سنة كاملة




    اللي عنده خبر ولا علم عن شقة يدلني على الحي اللي فيه والمكتب اللي مسجلة فيها



    والله يجزاكم كل خير







  2. #2
    عضو سوبر نشيط
    تاريخ التسجيل
    Jun 2007
    المشاركات
    684


    السلام عليكم ..

    للاسف انا في الرياض ولا اعرف شي بصراحة عن الدمام

    ولكن حبيت اعلق على اسعار الشقق ما شاء الله بالنسبة للرياض والله تعتبر رخيصة ! اذا كانت الشقق الممتازة في حدود الـ 20 !

    في الرياض 24 الف تلقى لك شقة تمشي حالك ! والشقق الزينة في حدود 30 - 28 الف ! طبعاً هذا في شمال الرياض .

    واحد اعرفه كان ساكن في شقة اجارها 14 الف واقل من عادية وعمارة قديمه نوعاً ما يمكن عمرها 15 سنة , المهم راعي العمارة قبل 6 شهور رفع عليهم الاجار وصله لـ 20 الف !

    واعذرني طلعة عن الموضوع بس حبيت اعلق





    __________________
    اللهم أيما امرئ شتمني أو آذاني أو نال مني اللهم إني عفوت عنه, اللهم فأعف عنّي, اللهم إني عفوت عن عبادك فاجعل لي مخرجا أن يعفو عبادك عني .

  3. #3
    عضو نشيط
    تاريخ التسجيل
    Aug 2007
    المشاركات
    137


    ماا اتوقع تحصل شفه مناسبه وفي حي ممتاز وبـ20 ألف !





    __________________
    سابقا..>> NaIeF



  4. #4
    عضو نشيط
    تاريخ التسجيل
    May 2007
    المشاركات
    264


    الله يعينك وانا اخوك .. قسم بالله مشكلة الايجارات عندنا بالسعودية تجيب السكر والضغط وتخلي الواحد يبطل يتزوج !! شيء خيالي لا يوجد انظمة وقوانين لكبح أصحاب العقار من ارتفاع الاسعار بشكل جنوني ..





    __________________
    Web designer

    http://mlfnt.net

  5. #5
    عضو سوبر نشيط
    تاريخ التسجيل
    Sep 2006
    المشاركات
    927


    بصراحه اخوي ان الشقق دوخة رااااس

    فيه عمارة بالخبر بحي الراكه نظيفه مره بس ماادري بقى منها شي والا لا

    ----------------

    انا حاليا ساكن في شقه بجده بحوالي 14000 (لاحظ اني عزوبي )

    بس بعد معاناة 3 شهور فيها والله لو يقول اسكن ببلاش اني لاطلع :anger2::anger2:

    -----
    تخيل ايام العيد المويه مقطوعه >> عيد جفاف :eek3:

    المهم اني الحين اعاني من نفس مشكلتك بس في الغربيه

    اعذرني على طلوعي عن الموضوع بس حبيت افضفض





    __________________
    الزواج : سعــادة

    العزوبية : حرية

    التعدد : حرّية السعداء ..!

  6. #6
    Banned
    تاريخ التسجيل
    Oct 2005
    المشاركات
    899


    والله إني فريت بعد كتابة هالموضوع فريت فريت تقول مثل العنز المفقوع قرنها لين دخت


    ويوم خلاص طفيت أبي الشقة إلا الجوال يدق وراعي مكتب من المكاتب يقول لقيت لك شقة



    الشقة جديدة ما سكنها أحد وحلوة وممتازة وقدام البيت براحة ( براحة = أرض فاضية ) وقدامها مسجد وحركات ويالله لك الحمد


    قلت تكفى يا أبو محمد ما عاد فيني شدة على مطالع الشقق الشقة حلوة وأخاف تروح مني ثم يبدأ مسلسل التفتيش عن شقة


    رحنا للمكتب بس وخذ عربونك وسوي لي العقد يبدأ من 1 / 11


    هههههههههههههههههه وقسم بالله أول أقول ليش العالم تكذب وتبالغ وتقول الأجار ما يدوخ ياخي كلها كم من مكتب ويلقى اللي يبيه


    أثاري الدعوة تفتيش وشي يعجبك وشي ما يعجبك وذا حلو بس حارته ما تسوى وذا ما أدري إيش



    يعني وربي قلة حياء ومسخرة


    لكن ربكم المعين .... خلاص بسكنها ويا رب تكون نزول خير وسكن مبارك



    سلمتم شباب على التعليق والمواساة لي بأسعار الرياض وجدة المولعة فووووووووووق






  7. #7
    عضو سوبر نشيط
    تاريخ التسجيل
    Sep 2006
    المشاركات
    761


    الحمد انك لقيت

    ربي يوفقك ,,





    __________________
    خدمات التصميم
    Amazing4Design ~ لتصميم المواقع وخدمات المواقع
    - العضوية يستخدمها شخصين :D
    ##########
    # لا إله إلا الله #
    ##########

  8. #8
    عضو نشيط جدا
    تاريخ التسجيل
    May 2006
    المشاركات
    527


    مرت علي نفس المعاناه يوم كنت في الدمام والحين انا في جدة والله العضيم ان الدمام اطلق من جدة مئة مرة

    على الاقل تستاجر بــ 24 الف ولا تجلس يومين بدون موية

    والحمد الله انك لقيت

    بتوفيق ان شاء الله






  9. #9
    عضو فعال
    تاريخ التسجيل
    May 2007
    المشاركات
    1,227


    وش رايكم نسوي موقع يعرض هموم الشعب السعودي !

    ونفضفض فيه كل الي براسنه

    ويحاول احد يوصله للملك في صفحات عادية نبيه ييشوف معانات الشباب السعودي!
    يمكن تفيده ويتصرف بمنع العقارات الي تزرف زرف!


    فكرة غبية والا بتفيد ؟ :con2:

    وبالنسبة لشقق لست بنفس المنطقة.

    اخوكم | Abu Fahd





    التعديل الأخير تم بواسطة Abu Fahd ; 28-10-2007 الساعة 01:04 AM
    __________________
    حسناً، جرّب الحياة.
    نصائح مهمة: لتفادي سرقة الدومينات.

    للمراسلة إضغط هنا فقط .

  10. #10
    عضو نشيط
    تاريخ التسجيل
    Aug 2007
    المشاركات
    137


    ^
    ^
    اظن فيه منتدى تكتب فيه مشكلتك وتوصل للملك
    والمنتدى تابع لأحد المحامين اللي يشتغلون عند الملك !





    __________________
    سابقا..>> NaIeF



  11. #11
    عضو فعال
    تاريخ التسجيل
    Sep 2006
    المشاركات
    1,619


    الله يوفقك .. ياربـ





    __________________
    لا إله الا الله .. سبحانك إني كنت من الظالمين
    سبحانك الله و بحمدك .. سبحان الله العظيم ...!!





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض