اليوم التقني بالقاهرة ... دعوة خاصة لك

[mezoo]

السلام عليكم ورحمة الله وبركاته
أهلاً بكم
بعد السحور التقني في يوم 4 أكتوب 2007 و ركوب الخيل التقني -رغم أن الخيل كان عادي مش تقني- في يوم 13 أكتوبر 2007 فأنت مدعو الان إلى اليوم التقني.

الهدف العام : التعارف وتبادل الخبرات بدون إفراض أي مهام او التزامات على أي أفراد المجموعة.
المواضيع المقترح مناقشاتها :-

1. أكمال المناقشة حول php4 و php5 وتأخر السرفرات في التحديث ومشاكل السكريبتات التي مازالت لا تعمل على php5 .
2. نقاش مفتوح حول مشاكل الأدارة بالشركات التي تعمل في هذا المجال و تحكمات رؤس الأموال التي لا خبرة لها بالمجال .
3. يوجد أقتراح أثير عن النقاش حول الشركات المعدومة (التي لا تعتمد على أوراق رسمية أو مقر أو رئس مال).

والنقطة الثالثة أثرتها أنا في الأجتماع الاخير وهي مناقشة حول مميزاتها وعيوبها والنقاط الأساسية لها.

المكان : قهوة المشربية بأخر عباس العقاد - التي تم بها السحور التقني.
وهنا الخريطة Wikimapia - Let's describe the whole world!
الموعد : يوم الجمعة 2 نوفمبر 2007 - الساعة 3 ظهراً
حيث نتوجه للمسجد (زاوية) بجوار القهوة مباشرتاً لصلاة العصر ونبدأ في أنتظار الأخوة
يمكنك المجئ في أي وقت حتى نهاية اليوم.


أعدكم بالفائدة بإذن الله مهما كانت حجم او مدة مشاركتك ... أكيد سبكون هناك مكاسب !! مادية .. فكرية .. معرفة أشخاص جدد .... الخ

[alexipc.com]

بالتوفيق ان شاء الله
صراحة اعجبت بهذا التعاون الشديد مع اني الكثير حاول اني انضم اليكم بس الوقت مشكلة لدي ولاكن سنحاول ان شاء الله تعالى

لاكن نريد بعد كل مقابلة تحليل كامل عما تم عمله بهذا الجمع لكي نتعرف اكثر عن الفائدة

ولنا لقاء قريب

[أحمد أبو النصر]

سبقتني يا حازم

يلا مش مهم المهم انك كتبت عايزين ناس كتير يا جماعة و عايزن نشوف الناس الجميلة اللي شفناهم المرة اللي فاتت

[mezoo]

alexipc.com : أتمنى نشوفك ، أحمد توفيق كلمنى عنك أكثر من مرة
وهو فعلاً توثيق بيتم ولكن ودي إلى حد ما عن طريق جروب على جوجل والصور عن طريق facebook و picasa

أحمد ابو النصر : منتى أتأخرت أوي فقولت أحط انا وياريت تقول لطارق أنه يكتب في تريدنت

[EGY2NET]

انا علي إمتحانات ميد تيرم ومش هعرف اجي بس هحاول بإذن الله اجي

وأشوفكم علي خير بإذن الله

<<<< عاشق برمجة <<< الي إتكسرت ايده يوم الخيل P:

[mezoo]

انا علي إمتحانات ميد تيرم ومش هعرف اجي بس هحاول بإذن الله اجي

وأشوفكم علي خير بإذن الله

<<<< عاشق برمجة <<< الي إتكسرت ايده يوم الخيل P:

الأول ألف سلامة عليك
انا بصراحة كنت معجب بيك وأنت على الخيل عدا انك بتقع كثير
بس يا أخي حد بيقع 3 مرات بنفس الطريقة ؟؟؟ طيب غير !!!

المهم نشوفك يومها بإذن الله
وتحب نتقابل قبل صلاة الجمعة في نادي الشمس نركب خيل ولا حرمت ؟؟

ياربت تنقل الموضوع في تريدنت لو سمحت

[أحمد أبو النصر]

ايه فين الناس التانية
ماحدش جاي تاني و لا ايه !!!

[ايمن جوجل]

انا كان نفسي اجي, بس لو كانت رسمية شوية
يعني نأجر قاعة و واحد يلقي خطاب و البائي بيسمع و الكلام التقليدي ده
عزيزي حازم خالد, بعتلك رسالة على ايميلك فيها حاجة مهمة

[Prog4Me.Com]

ازيكم يا احلى شباب تقنين

بإذن الله اليوم بكرة هيكون جميل ,, واجمل من يوم الخيل التقني

وإن شاء الله نستفيد جميعا .

عموما يا شباب الي مشعارف يوصل .. يتصل بالدعم الفني للخروجة


احمد ابو النصر : 0166196074
محمد حمدي : 0108830594

وبإذن الله نوصلو الطريق .

اخوكم في الله محمد حمدي .

[كارم ابراهيم]

يلا خيرها فى غيرها للاسف مش هقدر اجى مع ان الموضوع مهم جدا ابقى قولولى وصلتوا لاه لانى محتار من اخر مرة

[Hawy PHP]

بااااااااااااااااك

كان يوم جميييييييييييييييييييييييييييييييييييل جدا

استفدنا منه كلنا ويا خسارة الناس الى مشيت بدري فاتهم كلام حلو كتير

واتعرفت على استاذ محمد تامر واستاذ محمد يسري و محمد حمدي المعلم الكبير واستاذ كارم و استاذ احمد الوالي واستاذ حسن طبعا اعرفه من السحور التقني

و للاسف احمد تهامي مجاش فعلا كان اعتذر وكذلك احمد توفيق مجاش

اتكلمنا كتير و (( استفتدت )) و اعتقد [[[ استفتدنا ]]] كتير ان شاء

انا مش شايف الكيبورد وانا بكتب ولازم ادخل اناااااااااااااااااااااااام

تصبحوا على خير

[أحمد أبو النصر]

و انا اول واحد صحي
يااااااه نمت اكتر من 10 ساعات كنت مرهق بجد كان يوم جميل فعلا و كان في حوار اقل ما يقال عنه انه عالي , راقي , و بأدب
تعرفت علي ناس جميله جدا جدا
تعرفت علي احمد الولي و محمد يسري و محمد تامر <- كان نفسي اشوفه من زمان
و قابلت كارم ابراهيم و حازم خالد مش كنت قابلتهم من يوم الهرم التقني
و قابلت استاذ حسن مش كنت شفته من السحور التقني
و الناس التانين من مش لحقت اعرفهم كويس بس هما كانوا
فارس و خالد و احمد منف و محمود
نسيت اقول عبد الله يااااااه اول مرة اشوفه كان شخصية جمليه فعلا و كان له بصمة في الكلام

[alexipc.com]

alexipc.com : أتمنى نشوفك ، أحمد توفيق كلمنى عنك أكثر من مرة
وهو فعلاً توثيق بيتم ولكن ودي إلى حد ما عن طريق جروب على جوجل والصور عن طريق facebook و picasa

أحمد ابو النصر : منتى أتأخرت أوي فقولت أحط انا وياريت تقول لطارق أنه يكتب في تريدنت

السلام عليكم
احمد توفيق شخصية لذيذة ومحترمة وانا اعزه جدا جدا وكان بودي احضر اليوم ده بس للاسف مشغوليات وبيني وبينكم مشوار طويل سفر عموما ربنا يوفق الجميع ومرة تانية افضل ان شاء الله

ولنا عودة

[تاموراي]

هاوي : انا اللي فرحان جدا اني شفتك وفرحان بحماسك جدا ويارب تكون حاجة كبيرة في البرمجة
أحمد ابوالنصر : انا برضه كان نفسي أشوفك قبل ما أموت

وفرحان جدا اني شفت حازم و محمد حمدي و عبدالله وأستاذ حسن وبقية الناس اللي اتعرفت عليها
واتمنى أحضر اللقاء الجاي من أوله ... ويارب أقدر أفيد المجموعة بأي حاجة ولو كانت صغيرة:1power:

المهم كانت سهرة جميلة ولو اني كنت لسه جي من سفر ومرهق شوية بس الحمد لله استفدت من المناقشة
ويارب اللي اتكلمنا فيه يكون بداية لتحقيق حلم جماعية العمل للمبرمجين العرب ونقدر نذلل الصعوبات :court:المتوقع حدوثها لتطبيق هذا المشروع.

ملاحظة : الأكل بتاع حضرموت كان سيئ للغاية....ياريت ما تتكررش ونقضيها فول وطعميه بعد كده
ملاحظه 2 : فين الصور ؟؟؟ شكلها اتحرقت بركاتي
دمتم بعافية
أخوكم / محمد-تامر

[abu_eldahab]

السلام عليكم ورحمة الله وبركاته

يعني النشاط مينزلش عليك يا حازم إلا لما أسافر :court:

علي العموم ربنا يوفقكم إن شاء الله