لحقوا !! صارت المرسيدس ال2008 نفس سعر البيجو 89

[Fancy Qtr]

السلام عليكم

طبعا استغربتوا من عنوان الموضوع صح

تطمنوا الاسعار كما هي

بس هاي اللي حاصل هني بالنت

تقولون شلون وشتقصد شنو الموضوع بالضبط .؟

طيب بقولكم .. الموضوع يا اخوان

انه لما يجيك واحد وانت فرضا تصاميمك على مستوى او ناس مقييمن شغلك بكذا سعر يناسب تصاميمك للمنتديات او او ..


طيب شوف احين قمه القهر او حزات نعذرهم للي :

اول مايجيك و اتقوله السعر فرضا حط 800 ريال

يجيك الحبيب يقول : بل بل شنو هاي وهاي انت من قطر وجي والله حرام وخرابيطهم ...

اروح عند الشركه الفلانيه او واحد اعرفه بيصمم الستايل على 400 او 200

شترد عليه هاي .. ؟؟ بذمتكم بأي ويه تردون عليه ..

انا من جهتي خذوا نصيحتي لانه جاهل بالنت او توه جديد بالساحه العنكبوتيه

ثانيا تحصله يكون عنده قصر في الذوق العام ..

ولا بعد يجيك حد ويقولك شدعوه احنا من بلد وحده بدال ماترخص وجي وواحد قالي مره

ليش ماتخلي تصاميمك مجانيه لاهل بلادك .. شرايكم بس لوين وصلت المواصيل


يخوي بكل بساطه قول ماعندك ومو قد التميز يخي لا تفتح موقع اساسا


بكل بساطه واللي ماقتنع من موضوعي

انه يدرس او يتعلم التصميم ويوصل للمرحله المطلوبه ووقت من الجهد والتعب والتعلم

عقب خله ينحط بنفس الموقف اللي انحط فيه انا او اي حد مثلي

وعقب بيفهم موضوعي عدل

عالعموم ماطول عليكم ..
بس حبيت اقول اللي بخاطري وخاطر اي واحد مثلي
واقول وانصح الكل انه مايتسرع ويروح للرخيص او او
تبي التميز لموقع .. تبي تكون الافضل اكيد بيكلفك
تبي موقع تمشي فيه توكل عالرخيص بو ال 400 و ال 200

هاي اللي عندي اقوله لكم
ودمتم في رعايه الله

[Fancy Qtr]

135 مشاهده وبدون اي رد؟

[مرزوق كوم]

طيب يوم يجيك واحد عنوان موضوعه بشرق ومحتوي الموضوع بغرب وش دخل التصاميم بالمرسيديس


وبعدين يالغالي الواحد يمد رجوله علي قد لحافه.... فمثلا انا لو ابي اصمم وقال السعر 800 وانا ماهو بمقدوري ادفع برخص لين مبلغ يكون بمقدوري دفعه واذا معجبه السعر يقول معجبني وانتهينا لاكن لاصم شخص ينزل بالسعر بالجهل او غيره لانه انسان بيدفع فلوس


من المعروف الكل يبحث عن الرخيص واذا لم اجده عند شخص اجده عند الاخر

الي فلوسه كثيرة خله يد=فع والفقران يرخص وليه ميرخص زين مقالك بـ 100 ريال

معذور معنده طفران

[Fancy Qtr]

اخوي الموضوع هو هو بس مجرد تشبيه

لو كنت شاطر باللغه العربيه ايام المدارس بتعرف شنو اهو التشبيه المجازي

المهم ..

ماحطيت الموضوع الا لكثره هذه الاشكال .. والطلبات الزاااااااااايده وكله مجانا يبون

ليكون فاتحين اعمال تطوعيه واحنا ماندري .. كثار يشتكونلي ويقلون لي

بس محد يتكلم جدام الناس عشان يخافون من ردود البعض اما انا فاتكلم بكل شفافيه وصراحه

واللي يبي التميز لازم يضحي .. مافي شي يجي بالساهل ..

والله الموفق

[Fancy Qtr]

up

[mwafi]

up

موضوع ليس له معني

[Fancy Qtr]

تسلم على رائيك الشخصي .. متقبله بروح رياضيه

بنتظار اراء الاخوان

[MANTEK]

طيب انت ليش سعرك غالي دام انه فيه شغل زيه او يمكن اقل بسعر اقل
طبعا هذا كلام اللي بيدفع ومعاه حق والشغلة في الاخير سوق عرض وطلب

[Dragon2oo2]

بغض النظر إذا عنوان الموضوع له علاقه بالمحتوى أو لأ ..

ولكن كلام صاحب الموضوع صحيح .. والسبب لأنا تعودنا ناخذ تصاميم مبيوقه من مواقع أجنبيه ومعربه .. ابلاش .. ومن غير مجهود .. عشان جذي نسترخص مجهود غيرنا ..

وأنا شفت ستايلين من تصميم Fancy Qtr .. وفعلاً تصاميمه حلوه .. ومن حقه يفرض سعره وشروطه .. واللي مايعجبه السعر يشوف له تصميم أرخص ويناسب إمكانياته .. أو يتعلم التصميم بنفسه .. عشان مايحط نفسه بموقف بايخ ..

ونقطه ثانيه .. لو تبي تشتري سكربت أو ستايل منتدى من شركه أجنبيه .. هل تتفاوض معاهم عشان يعطونك السكربت أو الستايل بسعر أرخص ؟ طبعاً لأ .. كل اللي عليك تدفع المبلغ المطلوب وتاخذ اللي شريته وانت ساكت

على العموم .. نصيحه للأخ فانسي .. ياليت تخصص صفحه تعرض فيها تصاميمك وتحدد سعر التصميم (إذا ناوي تبيعه) بشكل واضح وصريح .. وتكتب (السعر نهائي وغير قابل للتفاوض) .. عشان ترتاح من عوار الراس ..

[ALRheeB.Net]

طيب انت تقصد مرسيدس الديزل
ولا البنزين؟ :funny:
وبعدين البيجو مستعملة ولاجديدة؟ :funny:

[Fancy Qtr]

اضن العنوان مفهوم : المرسيدس ال2008 نفس سعر البيجو 89

كاتب موديلاتهم ^^ ..