طلبين فى واحد من اصحاب الخبره البسيطه

[fr3oon10]

السلام عليكم يا اهل سوالف

انا داخل عالم جوجل ادسنس جديد

وانا سمعت ان فيه عدد معين من اكود الاعلانات احطها فى موقعى

وانا كنت عاوز اعرف اقصى حد منها كام كود ؟؟

انا حاطط 3 اكواد اعلانات وواحد كود كلمات

ياريت تفيدونى فى الامر ده اللى ليهم خبره فى جوجل ادسنس

تانى طلب ايضاً

انى هدخل عالم الاعلانات المدفوعة قريباً جداً

وكنت عاوز حد يساعدنى يأكواد اعلانات اللى بتكون فى الصفحة الرئيسية زى اللى عامله اصحاب كول وطرب توب

والطرق الاخرى فى المنتديات واكوادها .. انا ناوى ان شاء الله تكون اسعارى ارخص من الرخيصة وانا الحمد لله ترتيبى فى اليكسا اليومي والعام كويس والبيج رانك 3 معقول

والزوار والزيارات كويسين

وعاوز اعرف كمان ايه الوسيله اللى تسهل تحويل الفلوس ليا انا من مصر
ايه البنوك اللى اقدر اعمل فيها حساب عشان كل العررب يستريحوا فى التعامل معايا

عاوز نصايحكم يا جماعه لا تخذلونى واعطونى من علمكم

وهذا موقعى
شبكة ومنتديات الفراعنة
والاحصائيات موجوده فى اسفل الجانب الايمين

وشكرا لكم مقدماً جميعاً

[fr3oon10]

لأ يا جماعه انا عاوزكم تردوا عليا من فضلكم

[محمود الطيب]

اطلب هنا اخى بمنتديات جوجل ادسنس نفسها تفضل http://www.swalif.net/softs/swalif54/softs213502/
+
اما اكواد الاعلانات دى بسيطه
بالمرفقااات حبيبى:nice:
اى خدمه:con2:

[العرب للجميع]

انا حاطط 3 اكواد اعلانات وواحد كود كلمات

ياريت تفيدونى فى الامر ده اللى ليهم خبره فى جوجل ادسنس

اكواد ادسنس توضع بحيث لا تتعدى 3 بالنسبة لاكواد الإعلانات و 3 لأكواد الوحدات النصية ونفس الشئ لأكواد الإحالات.

وعاوز اعرف كمان ايه الوسيله اللى تسهل تحويل الفلوس ليا انا من مصر
ايه البنوك اللى اقدر اعمل فيها حساب عشان كل العررب يستريحوا فى التعامل معايا

- فتح حساب جاري في أحد البنوك مثل CIB او البنك الأهلي.
- اذا تستطيع فتح حساب لدى الراجحي بالسعودية لتسهيل الدفع على الإخوة السعوديين.
- الويسترن يونيون Western Union مفيدة ايضاً في تحويل الأموال بصورة سريعة.

وفقك الله

أرق تحية

[fr3oon10]

اخ محمود تسلم ايدك

اكواد ادسنس توضع بحيث لا تتعدى 3 بالنسبة لاكواد الإعلانات و 3 لأكواد الوحدات النصية ونفس الشئ لأكواد الإحالات.

اخ العرب للجميع انا فى دى الحمد لله تمام كده تسلم على انك طمنتنى

- فتح حساب جاري في أحد البنوك مثل CIB او البنك الأهلي.
- اذا تستطيع فتح حساب لدى الراجحي بالسعودية لتسهيل الدفع على الإخوة السعوديين.
- الويسترن يونيون Western Union مفيدة ايضاً في تحويل الأموال بصورة سريعة.

بالنسبه للجزء ده انت قصدك على البنك الاهلى المصري صح جميل دى بسيطه .. بس فيه فرق بين حساب جارى وحساب عادى .. انا كنت عاوز اعمل كارت الشباب اللى عامله البنك الاهلى

بصراحة ياريت الواحد يعمل حساب راجحى زى ما انتى بتقول للكن انا عرفت ان لازم يكون واحدسعودى فاتح الحساب

بالنسبه للويسترن عاوز اعرف بياخدوا على الحواله نسبه أد ايه فيه ناس قالولى كتير فياريت اللى اتعامل معاهم يقولى يعنى

وشكرا لكم بجد على الافاده دى

[D3mi.com]

نعم بالفعل نسبة عمولة وسترن عالية ولكنها الافضل بالتأكيد

[fr3oon10]

شكرا لك يا غالى على الافاده

شكرا لكم جميعاً

[t7t7.com]

ياخذ 35 ريال لمصر وبكل الاحوال نسبة الويسترن حب المبلغ لكن تبتدي من 35 ريال