السلام عليكم ورحمة الله وبركاته
يعلم الله وبهاليوم الفضيل ان الغرض مو التشهير ومو من عوايدي بس من رفعة الضغط الي مالها
داعي من التعامل مع المدعو فلان ( مشرف بسوالف ). ونتمنى من الأداره عدم حذف الموضوع
شباب المطلوب حل أو تدخل وسيط لحل المشكله.
طلبت قبل فترة ثلاث اسابيع تقريبا مبرمج ومطور هاكات بموضوع بهالقسم
ورشحولي الأخوان الله يجزاهم خير اثنين وأخترت برغبتي واحد منهم
قلت مشرف بسوالف اكيد عنده خبره وهذى الي انصدمت منه .
طلبت برمجه وتطوير وأرسلت له صور تشرح الشغلات الي أبيها بملف winzip وأرسل لي نفس
الملف وكاتب فيها أقدر عليها .قلتله اوكي توكلنا على الله كم السعر عطاني سعر نزل ياشيخ ومن
هالأمور واتفقنا على سعر حمد لله .
ها يافلان كم المدة قال أسبوع قلت خلاص توكل على الله
مرت فترة أسبوع مارد لي خبر مر يومين بعدها وارسل رسالة قال اسمحلي انا ابني بالمستشفى
قلت له مايشوف شر ان شاء الله خذ راحتك متى ماخلصت بلغني وارسلها لي . بعدها بيوم مادري
يومين ارسل لي الهاكات الي انصدمت يوم شفتها.
الي ارسلها لي اتوقع كلها هاكات من سوالف واحد بس الي يشتغل والتطوير الي طلبته بشرق
والتطوير بغرب وللأمانه بس هاك واحد الي ضبطه بس مو بالشكل الي ابيه.
وارسل له بعد فترة وابو الشباب لي الحين معطيني ركبه
ابي الحل مشورتكم
انا بصراحه متعطل مع مصمم صارلي فترة ادور عليه وحمد لله حصلناه
قلت لا خلص المبرمج بوريك شكل البرمجه وصمم عليها وعدل عليها بس دام ابو الشباب المبرمج
الكبير الي انغشيت فيه ماخلص شالحل معاه؟
المبلغ ماهمني والله بس الي رفع ضغطي المماطله.
نبي حل من عندكم وربي يجزاكم خير بهاليوم الفضيل ان شاء الله ومثل ماقلت فوق ماودي بهالمشاكل وهالنوع من المواضيع بس من رفعة الضغط حسبي الله ونعم الوكيل فيه.