دوره شامله ASP.NET + MSSQL Server +

[Amman-DJ]

يعطيكم العافيه جميعا



اليوم معكم دوره ASP.Net



الدوره مفيده لكل واحد حابب يتعلم لغة برمجه سهله و عمليه


طبعا اللي مهتم للدوره لازم يكون بعرف HTML وشويه VB.net


رح نشتغل على بيئه 2005


البرامج المحتاجه للشغل

Microsoft Visual Studio 2005


التحميل من هون

Downloads



ورح نحتاج SQL Server 2005

بس هاد رح نحتاجه بعد اسبوعين مش هلا

للتحميل من هون

http://download.microsoft.com/downlo.../SQLEXPR32.EXE



وخليني اشوف مين مهتم للدوره

الدروس غير منقوله و هي مجهود شخصي
و يرجى ذكر المصدر عند النقل

الموضوع اصلا في موقعي لمن يريد المتابعه بشكل اسرع

[Amman-DJ]

طريقة التشغيل


اول اشي خلونا نعرف طريقه تشغيل البرنامج


Start

All Programs

Microsoft Visual Studio 2005

وبعدين نضغط على الايكونه تبعت البرنامج





طبعا بس نكبس عالايكونه رح تفتح معنا صفحه البرنامج





وبما انو احنا بدنا نشتغل Web Sites


بنحط Greate ل WebSites

وبنختار Asp.Net Web Sites


وبنختار المحل اللي يحفظ فيه المشروع وبنكبس OK






بس نخلص رح تفتح معنا صفحه فيها اكواد Html وشويه اكواد Asp.net




نزل الصفحه لتحت وتعال نحكي شوية نظري


طبعا قبل ما نبدأ بالاكواد خلونا نعرف شو هم Objects لل ASp.net


ASP.NET Objects

1 - Response


في الها نوعين

النوع الاول Response.Write

هاي تستخدم لكتابه شيء على السيرفر

الصيغه العامه :

Response.Write(Object)

مثال :

Response.Write ( "Wellcome")


النوع الثاني Response.Redirect

هاي بتعمل تحويل لصفحه من نفس الويب سايت او ل موقع تاني احنا بنحط الرابط تبعه

الصيغه العامه :

Response.Redirect(URL)

مثال :

Response.Redirect ( " login.aspx"



خلينا نرجع عالبرنامج ونتعلم اكم من شغله


هلا طبعا احنا بصفحه الكود وبدنا نروح على Design

في عالشمال تحت للتنقل بين Source And Design

او عن طريق الاختصارات

Ctrl + Page up







طبعا احنا هلا بصفحه التصميم

وهون بنحط كل اشي بنحتاجه بالويب سايت اللي بدنا نعمله

طبعا قبل كل اشي بنحتاج قوائم تكون موجوده عسان نقدر نشتغل


View

Solution Explorer

Properties Windows

ToolBox






وعشان يكون شغلنا كله مرتب وحلو بنعمل جدول وبنحط فيه كل اشي بنحتاجه لتصميم الموقع


من قائمه Layout


Insert table





بنختار عدد الصفوف والاعمده اللي بدنا اياها واهم اشي نختار Align يكون Center

عشان ازا كبرنا الجدول او صغرناه يضل بنص الصفحه




طيب هلا من Tool Box الموجود عالشمال نختار BUtton

Drag & drop على اي محل بالجدول

بالعربي امسك الBUtton وحطه بأي محل جوا هالجدول

طبعا بتروح عند الProperties وبتغير ال Text


انا عندي حطيته Ok






طيب دبل كليك على الBUtton خلينا نكتب الكود الصغير اللي اخذناه ويكون اوك كود Asp تكتبه


هلا بس كبسنا دبل كليك اعطانا صفحه نكتب فيها كود


اكتب

Response.Write (" First Lesson In Asp.Net By Amman Dj ")






طيب يلا نعمل Run نشوف شغلنا صح ولا لا

من قائمه Debug


Start Debbuging

او عن طريق الاختصار

Ctrl + F5






هلا رح يطول شوي عبل ما ينشىء سيرفر ومي عشان يجرب


رح تظهر معك صفحه فيها BUtton






طيب لو كبسنا عال BUtton شوفوا شو بصير





طلعت الجمله اللي كتبناها

[Amman-DJ]

الدرس الثاني


متل ما حكينا بالدرس الاول

كنا نحكي عن Asp Objects

وحكينا اول وحده اللي هي Response

وعنا نوعين من ال Response

Responce.write

Response.Redirect



هلا نحكي عن رقم 2 من Objects

2 - Application

shared by all users

وضيفته بدنا قيمه نعملها Global و بنعملها مرة وحده


الصيغه العامه :

Application (" Application name ") = value


مثال :

Application ("counter " ) = o



طيب هلا كيف بدنا نعمل Application


بنروح على اسم المشروع بال Solution explorer

Add New Item

Global Application Class










طبعا هلا فتح معكم ملف Global

خلوه على جنب وهلا بنرجعله


وخلونا نكمل حكي


هلا نحكي عن رقم 3 من Objects


3 - Request

هي الها نوع واحد

Request.QueryString(" url Parameter")


هلا نشرح شو هو ال url Parameter


كتير بنشوف هيك روابط

husien - بحث Google‏


هلا ال Parameter هو اللي بكون بعد علامه السؤال ؟

يعني عالمثال اللي عنا

Hl هو Url Parameter Name

Ar هو Url Parameter Value


وباخر درس اليوم بنطبقعها عملي وبنورجيكم كيف تستخدموها


هلا نحكي عن رقم 4 والاخيره من Objects

4 - Session


used in all pages

every user has own session

بكون لكل واحد session معين ويستخدم لكل الصفحات


طبعا الفرق بين Session & Application

Application بس مره وحده بنشأ اول ما تفتح الصفحه
ٍ
Session بكل صفحه وكل واحد بدخل الصفحه بتغير وبس يطلع اليوزر بلتغى



طيب خلينا نبلش العملي هلا


بتعرفوا بكل موقع بكون عداد للزوار وكل ما يدخل زائر بزيد العداد


فبدنا نعمله ببرنامجنا


طبعا كيف بدنا نعمل


هلا رح ننشأ العداد بال Application

استخدمنا Application لانه بس مره وحده ينشأ وما بلتغي


ورح نعمل الزياده في Session

لانه Session بكون لكل واحد يعني كل واحد بدخل عالسايت رح يزيد مره


هلا خلونا نرجع لصفحه Global.asax


هلا بال Application_Start

بدنا نكتب هالكود

Application("Counter") = 0


وبال Session_Start

بنكتب هالكود


Application("Counter") += 1







طيب هلا بدنا نرجع عال Page_load

طبعا للي ما بعرفوا كيف يرجعوا يكبسوا دبل كليك على صفحه Default.aspx


وبعدين اكبس اي محل بالصفحه بتيجي Page_Load


بدنا نكتب هالكود فيه


Response.Write ("Vistor # is " & Application("Counter"))






طيب نعمل Run للسايت ونشوف شو بصير وازا زابط الشغل ولا لا


رح يكون الرقم واحد


نعمل اكتر من مره Run وشوفوا كيف رح يتغير







طيب هلا بدنا نجرب كيف Request تستخدم


هلا بدنا نعمل صفحه تانيه


طيب بتعرفوا كيف نعمل صفحه


كلك يمين عند اسم المشروع و Add new Item










هيك عملنا صفحه تانيه

هلا بال Page_Load

بنكتب هالكود

Response.Redirect ( " Default.aspx ? name = husien " )






طيب هلا بنرجع عالصفحه الاولى

و عال Page_Load


بنكتب هالكود


Response.write ( Reguest.QueryString ( " Name " ))







طيب قبل ما نعمل Run

بدنا نخلي الصفحه الثانيه هي اللي تشتغل اول


بال Solution Explorer

وعند ال Default 2


بنكبس كليك يمين وبنحط

Set As Start Page






هلا اعملوا Run

ولاحظوا الاسم كيف صار







وهيك خلص الدرس الثاني

درسنا القادم رح يكون شرح كامل عن Controls

[Amman-DJ]

يعطيكم العافيه


بدنا نكمل سلسله دروس Asp.Net

طبعا بالدروس الاولى حكينا مقدمه عن لغه ال Asp.net وحكينا عن Asp Object

وهم 4

Responce

Application

Request

Session




اليوم بدنا نحكي عن Web Form Control

وهي مكونات صفحه الويب

طبعا تنقسم الى قسمين

الاول Html

والثاني Server


طبعا ما رح نتتطرق لل Html لانو المفروض تكونوا عارفينه

واللي بدو اي شغله بال Html بقدر يسأل ورح اجاوبه عالاكيد


مثال على Html





وكل حكينا رح يكون على Server

وطبعا على لغه Asp.Net


مثال عالكود

< asp : button id = "ok" text - "submit" / >


ما تخافوا انتوا ما رح تكتبوا ولا اشي من هاد لانو بيجي جاهز بس نعمل Drag & Drop لاي شغله


طيب يلا نبلش بال Controls وحده وحده


1 - Label

اهم Proparties

Id : lblName

Text : content of the Label


طيب كيف بدنا بالكود نكتب على Label

Me.lblName = "Husien "


2 - TextBox

Id : txtUser

ReadOnly : true or false

ازا كانت True فاحنا ما بنقدر ندخل او نعدل عالمعلومات اللي جواها


MaxLength : كم عدد الاحرف المسموحه للكتابه


TextMode : الو 3 انواع

Single : بكون عباره عن صف واحد

Multiple : مجموعه من الصفوف

Password : بكون باسورد وبطلع زي هيك *****



3 - Button

Id : btnOk

text : Ok



طيب بدنا نعمل هالمثال

شوفوا الصوره




وبدنا نحط لكل كبسه اشي اسمه Command Argument

btnAdd ---- CommandArgument = 1
btnSub ---- CommandArgument = 2
btnMul ---- CommandArgument = 3
btnDiv ---- CommandArgument = 4

شوفوا الصوره




هلا In Page Load بدنا نكتب هالكود




Protected Sub calculate(ByVal sourse As Object, ByVal e As CommandEventArgs)
If e.CommandArgument = 1 Then
Me.txtResult.Text = Val(Me.txtNo1.Text) + Val(Me.txtNo2.Text)
ElseIf e.CommandArgument = 2 Then
Me.txtResult.Text = Val(Me.txtNo1.Text) - Val(Me.txtNo2.Text)
ElseIf e.CommandArgument = 3 Then
Me.txtResult.Text = Val(Me.txtNo1.Text) * Val(Me.txtNo2.Text)
Else
Me.txtResult.Text = Val(Me.txtNo1.Text) / Val(Me.txtNo2.Text)
End If
End Sub


شوفوا الصوره




هلا بنروح على Source للويب بيج

وعلى كل كبسه بنكتب هالكود

OnCommand = "calculate"

زي اللي بالصوره



بعدين نعمل Run




وهيك عملنا الة حاسبه كتير بسيطه




4- HyberLink

Id : hylFirst
Text : Click Here

Target : عنا اكتر من وحده والمقصود فيها وين يفتح اللينك

self : على نفس الصفحه
blank : على صفحة جديده
parent : على الصفحه الاصليه للصفحة المفتوحه
top : اخر صفحه عملت عليها Open
search : بتفتح على صفحه جديده بس بكون طالع Search tool in the left



درسنا اليوم بكون خلص


وبكره رح نكمل بالادوات


وان شاء الله الكل استفاد والكل يشتغل عملي عشان يفهم اكتر

[Amman-DJ]

الدرس الرابع



يعطيكم العافيه


حكينا بالدرس الثالث عن Web Control Form

وذكرنا 4 منهم


1- label

2- Text Box

3- Button

4 - Hyber Link


وهلا بنكمل عليهم


5 - Drop Down List



Id : DDlCountry


في طريقتين لاضافة العناصر عالقائمه

طريقه وقت Design

وطريقه بالكود



رح نحكي اول اش عن طريقه Design



في عنا Proparty اسمها Items بنكبس عليها















في عنا Proparty مهمه اللي هي

Auto Post Back


هي بتكون False




احنا بدنا اياها True


وطيفه Auto Past BAck

انو بس نعمل اي event معين يروح يجيبلنا التغيير اللي صار من السيرفر ويرجع


طيب نعمل run عشان نشوف كيف شكل List




طيب خلينا نشوف طريقه اضافه العناصر بالكود


نعمل Drop Down list جديده


ونسميها ddlColor

ونروح على page load ونكتب هالكود



Me.ddlColor.Items.Add(New ListItem("Black", "100"))
Me.ddlColor.Items.Add("Blue")
Me.ddlColor.Items.Add("White")




ونعمل run نشوف شو بصير

طيب بدنا نعمل label بالصفحه

وبدنا نسميه lblMsg


طيب هلا بدنا نحط هالكود بال Drop Down List

دبل كليك عليها


Me.lblMsg.Text = Me.ddlColor.SelectedItem.Text


وهلا نعمل Run ونكبس على اي عنصر بالقائمه

شفتوا شو بصير


عم بتتكرر القائمه






عشان نحل هالمشكله بنعدل الكود الل كتبناه بال Page -Load


وبنخليه زي هيك

If Not IsPostBack Then
Me.ddlColor.Items.Add(New ListItem("Black", "100"))
Me.ddlColor.Items.Add("Blue")
Me.ddlColor.Items.Add("White")
End If





وبنعمل Run






طريقه اخرى لاضافه العناصر بالكود


If Not IsPostBack Then

Dim arr As New ArrayList
arr.Add("Select Color")
arr.Add("Blue")
arr.Add("Red")
arr.Add("White")
Me.ddlColor.DataSource = arr
Me.ddlColor.DataBind()

End If







6 - ListBox


Selection Mode

يا بكون Single ازا بدنا اليوزر يختار عنصر واحد فقط و Multiple ازا بدو يختار اكثر من عنصر


Id : lstCategories

اعملو List

واعملوا كبستين


وحده اسمها Delete

Id تبعها btnDelete


والتانيه Delete all

id تبعها btnDeleteAll





طيب بنضغط دبل كليك على كبسيه Delete وبنكتب هالكود



طبعا ازا كنا حاطينها Single


بنكتب هاد الكود

If Me.lstColor.SelectedIndex > -1 Then

Me.lstColor.Items.RemoveAt(Me.lstColor.SelectedIndex)

End If






وازا حاطينها Multiple بنكتب هاد الكود


While Me.lstColor.SelectedIndex > -1

Me.lstColor.Items.RemoveAt(Me.lstColor.SelectedIndex)

End While


او طريقه ثانيه

For i As Int16 = Me.lstColor.Items.Count - 1 To 0 Step -1

If Me.lstColor.Items(i).Selected Then
Me.lstColor.Items.RemoveAt(i)
End If
Next




وعلى كبسه Delete all بنكتب هالكود

Me.lstColor.Items.Clear()




وبنعمل Run












7 - CheckBox


نفس خصائص List

8- Radio Button

نفس الخصائص


بس بدنا ننتبه لشغله

Group Name


لازم نحطه نفس الاسم للمجموعه الوحده






9 - Check Box List



مجموعه من Check Box بتكون في مجموعه واحده والها نفس الخصائص


طيب نعمل Check Box List


نسميها cblHoppy


وبعدين بنعمل Button


ونكبس عليه دبل كليك ونحط هالكود

For i As Int16 = 0 To Me.cblHoppy.Items.Count - 1
If Me.cblHoppy.Items(i).Selected Then
Response.Write("you choose " & Me.cblHoppy.Items(i).Value)
End If
Next








نعمل Run

نختار اي عنصر ونكبس عال Button




,ظيفه :

بدنا نعمل زي الايميل

بس تكبس على Select all

ينقي كل اللي بالليست

ويغير الكلمه الى Deselct all


والعكس












درسنا القادم عن


Validation Controls


والدرس كثير مهم

[Amman-DJ]

يعطيكم العافيه جميعا


بالدروس السابقة كنا نحكي عن Web Control وحكينا عن مجموعه من الادوات اللي تستخدم اكثر اشي بالويب




اليوم درسنا مهم كتير


رح نحكي عن

Validation Control


وهي كتير مهمه في عالم الويب






رح نحكي عنهم وحده وحده


1 Required Feild Validator




طبعا الكل بشوفها بمواقع الانترنت

Id : rfvName

error Message : شو بدك يطلع لليوزر

Control To Validate : شو الكونترول اللي بدك يكون مفعل عليه التشييك





طبعا بس يكون عنا كتير عناصر بالصفحه ما رح نقدر نمسك عنصر عنصر ونحطله تشييك


ففي اشي اسمه Validation Group

بنحط اسم بال Required Feild

وبنحطه كمان بالعنصر اللي بدنا يمشي عليه Required Feild



مثال عليها :

بدنا نحط text Box

وجنبه نحطه reqired Feild Validator


ازا اليوزر ما حط اسم يعطيه please Enter Your Name






طبعا ما بنحتاج ولا سطر كود نحطه

بنحط بال reqired Feild Validator Proparites

Control To Validate : textBox1

ErrorMessage : Please Enter Your Name





وبنعمل Run







2 - Compare Validator


في منها 3 انواع


الاول : Compare Text Box With Text Box

طبعا هاي بنحتاجها كثير لما تدخل باسورد ويحكيلك اعاده كتابه الباسورد




نعتبر انو اسم Text box الاول هو Txt1

واسم textBox الثاني Txt2


Control To Validate : Txt2

Control To Compare : Txt1


لانو احنا رح نعمل مقارنه بين الثاني والاول



في عنا Proparity اسمها Operater


Equal
Not Equal
Greater
Greater Than or Equal

less than

Less Than Or equal



في عنا كمان Type

ٍString
Integer
Double
Date
Currency






النوع الثاني : Compare Text Box With Value


تستخدم للمقارنه بين Text وقيمه احنا بنختارها

يعني بدي يكون الرقم اكبر من عشره او لا يساوي 10 وهيك


Main Proparity


cONTROL tO Validate

Value To Compare

Type

Operator


مثال :


بدنا نحط textBox ونحط Compare Validoter


نحط فيها

Control To Validate : Textbox2

Value To Compare : 10


Type : Integer

Operator : Not equal




ونعمل run ونحط رقم 10 بال Text




النوع الثالث : Compare TextBox With Data Type


Control To Validate

Type

Operator

بدنا ننتبه انو نحط Operator هيك Data Type Check



3- Range Validator


بدنا يكون اللي بدخله اليوزر ضمن حدود معينه


يعني انا بدي اقل قيمه يدخلها 1 واعلى قيمه 100


Control To Validate

Minimum Value

Maximum Value

Type






4 - Reqular Expression Validator

Control To Validate

Validation Expression






لو نفتح Validation Expression

رح يطلع معنا هاد المربع




طيب نشرح شوي عنها


Validation Expression


في عنا اكتر من نوع

1- Word

زي هيك بتكون

yes|no

يعني القيم اللي بدنا اياهم بس اه او لا

2- Group

[]

[abc]

يعني بس بدنا هدول الحروف فقط

[^abc]

معناها كل الاحرف ما عدا a و b و c


3 - Range

[a-m]

كل الاحرف من A ل M

[^0-9]

كل ال Charactor ما عدا من 0-9


4 - Shortcut

\w = all charactor except special charactor

\W = special charactor only

\d = [0-9]

\D = [^0-9]

\s = space



5- Special Symbols


? ex : \d ? = يعني يا بحط رقم او ما بحط

* ex : \d * = يا بحط رقم يا لا وكمان بقدر اكرره

+ ex : \d + = يكون على الاقل مره وحده موجوده


6 - Iteration {}

a {2} = aa

\d{4} = number from 4 digit


نكمل على Validation Control

ضل اخر وحده

5 - Customer Validator :


بنستخدم فيها Java Scripts

وبنستخدمها بس بدنا نعمل تشييك والباقي ما بزبطوا معنا


يعني لو بدنا نشوف ازا الرقم اللي مدخله زوجي ولا فردي

ما رح ينفع بالطرق اللي حكيناهم قبل

فبنستخدم Custom Validotor


طبعا رح نكتب كود jave Script



طبعا الكود بنكتبه بال source

وداخل head للي بعرفوا Html




بدنا نكتب هالكود








هلا بنرجع لل Design


بنعمل textBox جديد

بنسميه TxtNumber


وبنحط Custom Validator

Control to Validate : txtNumber

Client Validation Function : checkNumber



ونعمل run

طبعا ازا حطينا رقم زوجي رح يعطينا Custom Validate






هيك خلص الدرس


الدرس القادم رح يكون كله Sql Server


اللي بدو يتابع الدروس لازم كون عنده Sql Server 2005




واللي ما عنده اياه بقدر ينزله من هون


Download details: Microsoft SQL Server Management Studio Express

[Amman-DJ]

يعطيكم العافيه


درسنا اليوم رح يكون كله على Sql Server


فما رح نحتاج نفتح Vb.net


طيب نفتح برنامج Sql Server





رح يفتح معك شاشه البرنامج الرئيسيه




انت ما عليك الا تكبس Connect


وبعدين رح تطلع معك الصفحه الرئيسيه





طبعا رح نحتاج ل Databases

عشان نعمل data Base جديده



دبل كليك على databases

رح تفتح صفحه تانيه

كلك يمين و New Data Base




رح تظهر معك صفحه جديده عشان تسمي الداتا بيس


سميها Employee

وحط Ok




وعشان نتأكد انو الشغل صح وضاف ال dataBase

بس يرجعنا عالصفحه الرئيسيه رح نلاقي dataBase اسمها Employee





دبل كليك على Employee رح تطلع معنا هاي القائمه




دبل كليك على Tables عشان نعمل الجداول اللي بدنا اياهم


بعدين جوا الTables كلك يمين و Add New Table




رح يظهر عنا شاشه عمل جدول




قبل ما نعمل جدول خلينا نحكي عن Data type In Sql Server


1- Integers

A - TinyInt بوخذ مساحه 1 Byte


B - SmallInt بوخذ مساحة 2 Byte

C - Int بوخذ مساحه 4 Byte

D - BigInt بوخذ مساحه 8 Byte



2- Strings


Char : Static Size

VarChar : Variable Character and Dynamic Size

NVarChar : Non-Unicode Variable Character

NText : size unlimited



3 - Date

SmallDateTime : DD/MM/YY

DateTime : DD/MM/YYYY

4 - Float : للاعداد الكسرية

5 - Image : لوضع صور لكنها غير مستخدمه كثير




نرجع لل Sql Server


بدنا نعمل جدول ل UserLogin




هلا بدنا Id يكون ال Key


بنضلله وفي فوق صوره مفتاح نكبس عليه بصير Key






وكمان بدنا Id يكون Auto Number


في عنا اشي اسمه

Identity Specification


بنحط

is Idenity = yes






بنعمل save لل Table

وبنسميه User Login


وبنفس الطريقة بنعمل كمان 3 Table


Job




Department




EmpInfo





طبعا اهم اشي انو تتأكدوا انو الاسماء و النوع نفس الاشي عشان تزبط الخطوه الثانه




هلا بنروح على DAta BAse Diagram


وهاي بنستخدمها عشان نختار Primary key

وال Forign key


دبل كليك عليها رح تطلعلك مسج




حط ok

وكليك يمين على DataBAse Diagram

و حط New DataBase Diagram





رح تظهر معك هاد المربع



احنا بدنا ننقي

Department

EmpInfo

Job


بس نحطهم رح تظهر زي هيك





طبعا طريقه العمل


JobId ب ال EmpInfo Table

هاي Forign Key

بنضلله وبنمسكه وبنوديه على JobId ب JobId Table


بس نعمل هيك رح يظهر مربع تاني





اكبس Ok



وطبعا نفس الاشي لل DeptId



اخر اشي بس تخلص رح تطلع الرسمه زي هيك




سيف الشغل

وسكر البرنامج


وبكره رح نوخذ كيف نعمل شاشه Login

[Amman-DJ]

ملاحظه

تكملة الدوره بعد العيد ان شاء الله

كل عام و انتم بخير

[المخرج]

يعطيك العافية دروس رائعة فعلاً

وانا انتظرك

دمت بود

[Amman-DJ]

يعطيك العافية دروس رائعة فعلاً

وانا انتظرك

دمت بود

شكرا على المرور

[nothing4u]

ماشاء الله تعالى مجهود كبير اخي وان شاء الله نستفيد منه جميعا

يثبت الموضوع

[Amman-DJ]

ماشاء الله تعالى مجهود كبير اخي وان شاء الله نستفيد منه جميعا

يثبت الموضوع

شكرا لك و لتثبيتك الموضوع

تحياتي

[mR Basha]

ماشاء الله تعالى مجهود
رائع
يلى شد حيلك وكملنا
في توفيق

[الثلج]

يعطيك العافيه أخوي لكن في تشتيت في اخراج المعلومه وتوضيحها

[Remano]

شكرا لك ياعزيزي
لدي سؤال قبل ان ابداء في متابعة الدروس وهو

طبعا اللي مهتم للدوره لازم يكون بعرف HTML وشويه VB.net

لدي خبرة متوسطة في c#.net مبنية على دراسة جامعية هل استطيع ان اتاابع معك
دروس هذه اللغة ام لا ؟