[ أيهما أفضل ؟ ] Caprice Royal or SS

[الغريم]

السلام عليكم

احتاج بعض الاراء في اختيار سيارتي القادمة ، و اتمنى ان يكون لكم دور في هذا الامر في حياتي .
انا نويت آخذ كابرس و اعجبتني فئة الرويال .






و قلت آخذها و أركب عليه جناح الـ SS

بعض من الشباب يقلي خذ SS كل الشباب تاخذه ، و هنا انا مابغيت آخذه لكثرته .
ابغي شي راهي و فنان ، المحرك نفسه لكن أختلاف في المواصفات و الدلع .
فما رأيكم ؟ SS or Royal ?
انا عندي تفكير لو قراري كان لأفضل و آخر نوع ماحب انزل واحد قبله ، أختيار SS كأني أنزل لتحت .
و شي آخر
في الامارات هل فيه فرق مواصفات ؟ بن حموده او ليبرتي ؟
اماكن في الخليج مثل عمان ( البريمي ) ؟

بالإنتظار

[Khalid S. AL-Ghamdi]

والله الرويال من إسمه ملكي
وفخامه مابعده حق رزة
أما ال ss شبابي بحت
أنا أفضل الرويال بصراحة

[الغريم]

صراحة نفس تفكيري ، شكلها فاخر و محركها كذلك
SS شبابي ، و انا اريد يكون شكلي بريستيج.

و اشراي الباقين ، الغريم مب مفروض يكون برستيج ؟

[أزدي]

اكيد الرويال بدون اي سؤال

لكن صراحة الكابيرس الجديد بشكل عام سيء .. تصميم الهيكل والخلفية سيء .. لو تمشي ورا كابريس تقدر تشوف بطن السيارة

انصحك بلومينا SS افضل بالنسبة لي في الموديل الجديد " شكلاً "

[الغريم]

يارجل اللومينا ماعليها كلام ، .. الهيكل رهيب الصراحة
بس داااخل . ادري انها رياضية بس ياخ ستاندر ..
مايصير تكون رياضية و دلع ؟؟
يعني لو تشوف اللومينا ltz تلقاها جلد و دلع بعكس SS الي هي آخر فئة في اللومينا .
و كذلك CR8 الجديدة نفس اللومينا ss من الداخل لكن محرك اللهم لا حسد ، من اقوى المحركات يولد طاقة تصل لـ 400 قوة حصان ..

[illusion]

هلا بك والله اخوي الغريم ،،

شوف والله بالنسبة لي طلبك مايحير ..!!

اذا كنت تبغى سيارة تكشخ فيها وفخمة خذ الرويال << وهذي اللي برأيي تاخذها

بس اذا كنت تبغى محرك وجناح وهالسوالف اجل خذ لك الـ SS.

[ابوعليوه]

الرياضيين ما يهتمون بالهشي.. بعدين الي يبي دلع ما اعتقد يحتاج محرك قوي

[الغريم]

المحركات في الكابرس SS , Royal متشابهين.
الفرق في الإكسسوارات فقط
فخطتي كانت اني آخذ الرويال و اركب عليها جناح SS
كذا بيكون ماخذ الشكل 100%

[محمد 902]

هلا أخوي الغريم ..
أول شيء الله يبارك لك في السيارة الجديدة (كابرس ولا غيرها ) ويعطيك خيرها ويكفيك شرها

بخصوص الكابريس ROYAL الجديدة ممتازة لكن يعيبها شكلها الجديد .. وأعتقد أنك تعرف مزاياها , لكن فيها عيوب مزعجة الحقيقة مثل
1- نظام التعليق وإحساسك بالحفر والمطبات .
2- إرتفاع السيارة من الخلف ووضوح الدفرنس ونظام التعليق ( المقدمة أقل إرتفاعاً من المؤخرة وتسبب مشاكل عند المطبات وخصوصاً بداية العمود ).
2- جودة المواد مو بذاك المستوى اللي تطمح له (مقارنة بالسعر )

بعدين سعر ROYAL تقريباً حوالي 160 ألف ريال :looking: أزيد عليها شوي وأشتري لكزس أو مرسيدس E
حرام أحط 160 ألف في كابرس

أنا محصل لكزس GS430 2006 ماشي 30 ألف ماشاء الله كأنه وكالة بحوالي 180 ألف ريال (فرق 20 )

أو عندك C300 ( جوهرة كرايسلر الجديدة ) الرويال ولاشي عندها الصراحة في الشكل , مزاياها :



1- محرك HEMI جبار بنظام MDS ( عزم على الطلب يعني تحكم بالسلندر صرفية بنزين معقولة جداً على قوة المحرك والعزم )
2- تماسك وثبات وراحة على الخط .
وغيرها من المزايا ,, حتى تعامل الوكالة جيد جداً ولأصحاب 300 مكتب وقسم خاص .
وأفضل نوع منها هو SRT8 .
عيبها الوحيد (الفخامة الداخلية ليست بمستوى فخامة اللكزس أو الكابرس )

نصيحة لاتستعجل , خذ لك لفة على جميع الوكالات وشف أسعار السيارات ومزاياها والفخامة

[الغريم]

همم ، لا انا مب مستعيل ، بس شكلك فاهم بالموضوع و صراحة شديت انتباهي.
ال GS مستعمل مديل 2007 بسعر 180 ؟
و الكرايزلر كم سعره ؟
انا مافكرت ادخل معارض اللكزس او المرسيدس لأني حاسس انها عالم آخر و عالم لفئات معينة من $
بالإنتظار

[Khalid S. AL-Ghamdi]

بما أنه الموضوع طلع عن الكابريس
فأنصحك في سيارتين
الأولى الإنفنتي fx 45






والثانية فولكس واجن باسات




http://api.ning.com/files/I8DJkkx2KD...cw_/passat.jpg

[محمد 902]

أبوالوليد ..

سبحان الله عاد تصدق جت في بـالي وأنا أكتب ردي السابق وماكتبتها لمصلحة الغريم !

السبب أن ثنين من اللي أعرفهم أشتروها , طبعاً واحد موديل 2006 وواحد موديل 2007
موديل 2006 ( كأنك راكب همر H2 أو أكسنت STAND ) مافيها فخامة من الداخل نهائياً, فقط كروم خفيف على جوانب الكونسل والقير والباقي يفتح الله ستاندر وبدون Nav System ( تخيل وهي إنفينتي :looking: )
موديل 2007 تغير الوضع شوي وأصبح أفضل , صار فيه فخامة معقولة لكن مو بالمستوى اللي كان مأملين فيه محبي هالماركة في السعودية .
طبعاً السببب في كل هالمشاكل هو الحمراني . خلنا من السيارة رح شوف الصيانة أقسم بالله قسم الصيانة من كثر السيارات اللي فيه موقفين بعضها في الحوش الخارجي وأصغر مشكلة يقولون لك خلها أسبوع وقطع الغيار إذا شافوها غالية قالوا لك أشترها أنت حتى لو تحت الضمان "وهذي صارت قدام عيني لكن أشتكينا عليهم وجابوها من عندهم"
الصراحة إنفينتي و تويوتا و الجميح GM , في الصيانة سيئين بمعنى الكلمة وهذا يسيء لسمعة الماركة نفسها ( ولنا في بالبيد مضرب مثل بعد سحب توكيل سوبارو , بيجو منه)

طبعاً GM العيسى هو الأفضل عن تجربة .

فإذا تبي تشوف سيارة 4W عندك TAHO Z7 Full سعره بحدود 180 ألف ( قمة السيارة ) , أو الدينالي لكن سعره غالي تقريباً في حدود 205 ألف .
أو شوف لك جيب طوارق فولكس واجن ( فخم ورسمي ) لكن العيب قطع الغيار غالية شوي .

ماني متأكد من سعر C300 لكن أعتقد في حدود 180

[الغريم]

....
يعني بالإختصار المفيد ،، اشيل فكري من الكابرس ؟؟
بن خالتي عنده كابرس SS 2006 و يمدحها .
يقلي ربعه عندهم كابرس و لومينا و يلعبون فيها لعب و ماشين تمام ، طبعا 2006 - 2008 انواع الشفروليه صار افضل .

مم .. اسحب 500 درهم لحجز السيارة ؟ ولا كيف
انا عجبني سعرها 160 الف درهم
لكن ماشفت السيارات الأخرى الا الان ..

مارايكم ؟

[Khalid S. AL-Ghamdi]

فعلاً محمد بالنسبة ل 2006 ماكانت ذيك الزود
كلن تراها هالحين أختلفت خصوصاً 2008 من الداخل أما من الخارج فمثل ماهي

ويوجد سيارة ايضاً من إنفنتني وهي ex35
وهي جديدة وظهرت هذه السنه وسمعت أن سعرها بالسعودية حو ل130 ألف
وهاذي صورتها وتراها بعد زينه وحقت برستيج بصراحة

[Khalid S. AL-Ghamdi]

....
يعني بالإختصار المفيد ،، اشيل فكري من الكابرس ؟؟
بن خالتي عنده كابرس SS 2006 و يمدحها .
يقلي ربعه عندهم كابرس و لومينا و يلعبون فيها لعب و ماشين تمام ، طبعا 2006 - 2008 انواع الشفروليه صار افضل .

مم .. اسحب 500 درهم لحجز السيارة ؟ ولا كيف
انا عجبني سعرها 160 الف درهم
لكن ماشفت السيارات الأخرى الا الان ..

مارايكم ؟

بصراحة غذا تبغى حقت برستيج وفخامة
وإذا أنت بعد منت حق سرعة
فبصراحة غير الإنفنتي والفولكس واجن لا تدور ولو تسمح مزانيتك الماليه عندك اللكزس