لا نساعد الناس ونقول لماذا الرشاوي المحرمة؟ أين الحلول؟؟

[ريف]

السلام عليكم ورحمة الله وبركاته

رح أتكلم عن قضية الرشوة بشكل عام ومن ثم رح أتطرق لها بشكل خاص

دائما نشتكي من كثرة الرشاوي وليش منتظرة في الوطن العربي وفي بلاد المسلمين مع العلم أن الرشوة حرام وصاحبها متوعد باللعن من الله

ودئما اذا سمعنا شيئ إسمه رشوة نقول لعن الله الراشي والمرتشي

ودائما نقول لصاحبهم اتق الله في نفسك وهذا حرام وأنت متوعد باللعن من الله ومن أكبر الكبائر

طيب خلنا نشوف ليش الاسباب التي دعتنا الى الرشوة؟

ما نلاقي مساعدة خيرية من أحد

يعني الحرامي اذا ما عطيته فلوس رح يسرق ويسطو على بيتك . طيب لو عطيته فلوس هل صار في حراميه ولصوص بالعالم . هل رح يتجرأ يسطو على بيوت الناس . طبعا لا

يعني بالعربي احنا السبب في كل هالمشاكل

يعني لو ساعدنا هالمحتاج لكان ما سرق لانه ما بيسرق الا اذا كان مضطر الى ذلك

نروح الى مبدأ ثاني

مثلا طلبنا مساعدة خيرية من أحد الاشخاص في موضوع معين فاحنا ما نشوف الا كم رد وكله دعاء بالتوفيق وما نلقى أي مساعدة من أي أحد . طيب ما دام أنه ما نلقى مساعدة من أحد فطبيعي رح نضطر ندفع للناس فلوس حتى يساعدونا وهذا ما يسمى بالرشوة

يعني احنا السبب الرئيسي في ذلك

لو ساعدنا الناس لوجه الله تعالى لكان مافي أي أحد لجأ للواسطة لكن الشباب ماشافوا أي أحد يساعدهم أو يهتم فيهم فقالوا مالنا الا الواسطة اللي ندفع فيها فلوس للناس حتى يساعدونا

طيب شرايك يا شباب أنه أنا أضمن لكم أنه مارح نحصل رشاوي اذا ساعدنا الناس ومارح نحصل لصوص اذا دفعنا لهم جزء من المال

طبعا تكلمت عن الرشوة بشكل مختصر جدا لانه وقتي ضيق جدا والوقت ما يساعدني حتى أتكلم بزيادة ولكن ان شاء الله في المرات الجايه رح أتكلم بالتفصيل الممل

طبعا أنا طرحت موضوع بعنوان : مطلوب وسطاء لهم معرفة كبيرة بالمرور لإستخراج رخص بمقابلات فورية ومغرية

أثناء طرحي للموضوع جاء ردود شديدة شوي مثل

لعن الله الراشي والمرتشي

وجت لنا ردود تبين خطورة الرشوة وأن هالعمل مو مقبول مني وأمتد الموضوع الى ما يقارب 50رد حول هالجدال

طيب أنا بقول لكم بكل بساطة لو لقيت أحد يخلص لي هالموضوع لوجه الله تعالى يعني هالشخص يريد ما عند الله من الثواب هل رح أتجرأ على أني أطلب مساعدة وعليها فلوس وهي ما تسمى بالرشوة

يعني أنتم السبب في أني أسوي كل هالامور هذي بسبب احتقراكم للعمل الخيري أو أنه مافي دافع لكم

أنا ما أعمم الموضوع على كل الأعضاء بل أقول الغالبية لانه في ناس ما يستطيعون فيقولون العين بصيرة واليد قصيرة وناس تحاول ولكن بعد المدن يكون عائق لهم
يعني هل ألام على هالفعل هذا ؟ الله لا يلوم اللي يلومني

طبعا بالاختصار لابد أنه نحرص على التسابق والتنافس على الأعمال الصالحة لنكون من السابقين الأولين الذين لهم من النعيم ما لايعلمه الا الله ولا نستصعب أي عمل خيري نقدر عليه

بالاختصار :. هل هناك شخص مسلم يحي الخير له وللمسلمين أجمعين ويقدر يخلص هالموضوع هذا ابتغاء ما عند الله عز وجل كما في قوله تعال: (لا نريد منكم جزاءا ولا شكورا )؟

اللي يستطيع على ذلك لا يتردد في مراسلتي

abbad_45@hotmail.com
ورقم الجوال 0563715527

أما دعوتي للاخ شهرزاد لانه بالموضوع الاصلي قال أنه يقدر يساعدني لكن ما طرح أي وسيلة للاتصال فيه

وللاطلاع على الموضوع الأصلي والاستفادة وفهم مطلوبي يرجى زيارة الصفحة الاتية:

http://www.swalif.net/softs/swalif12/softs216381/


وأتمنى أنه نلاقي ولد الحلال اللي يقدر يساعدنا ولا تنسوا تحطوا وسائل للتواصل معكم

وشكرا

[ريف]

محتاجين لهمتكم يا شباب سوالف سوفت

[سعودي سمايل]

قريت موضوعك اللي قبل و ماحبيت ارد عشان ما ادخل معك بـ جدال
بس دامك بهالموضوع تتكلم بشكل عام برد عليك

انت تقول لو الحرامي نعطيه فلوس ما راح يسرق واذا ما عطيناه بيسرق ؟

بالله عليك هذا منطق ؟
يعني يانعطيه فلوس يانقول عادي اسرقنا احنا السبب ومفروض ما يحاسب ولا نشره عليه ولاشئ ؟
لا يابعدي ... الواحد يروح يتعب و يشقى و يشتغل و يطلع فلوس له يصرف على نفسه فيها
اما يحط رجل على رجل ياتعطوني فلوس يا اسرق ؟؟ كان بتشوف كل العالم حراميه

واذا مسكوه يقول وش اسوي الناس ماعطتني فلوس
انت من جد مقتنع بكلامك ؟
اللي يبي الفلس يشقى له يابعدي اوب يحط رجل على رجل ويبي الفلوس تجيه بارده مبرده
هاللي معهم فلوس ما نزلت لهم من السما ولا شقوا الأرض و طلعوها .. هم اشتغلوا و تعبوا و جابوا هالفلوس


اما عن كلامك عن الخدمه الإنسانيه اللي لوجه الله تعالى
انت تطلب شئ ممنوع و تعرض الرشوى بشكل علني و تقول لو فيه عالم تسوي خير كان ما انحدينا كذا ؟

اصلا طلبك ذا مخالف وانت عارف هالشئ
فيه شئ اسمه نظام فيه شئ اسمه قانون .. يا العالم تخالف هالقانون والا ماتبي الخير ؟

صحيح فيه " بعض " التجاوزات .. بس بدال ما نصلحها نزيدها ؟
استغرب شلون تقول " لعن الله الراشي و المرتشي " و تقول ابي واحد يخلص لي شغلتي وله اللي يبي ؟

لو طلبك قانوني ومافيه تجاوز او خطر على احد .. ايه اهل الخير كلها بتتسابق لخدمتك ان شاء الله
اما انك تطلع رخصه لواحد ماوصل السن القانوني ..!
لا .. هذا خطر على الباقين ..
والا ليه حددوا هالسن ؟ بس كذا ؟
بيكون طايش + متهور + غشيم < اتكلم عن الأغلبيه مو الكل .!

بكرا جا هاللي توسطت له و تسبب بحادث او صدم احد و صار فيه حالة وفاه
من اللي تسبب بإن هالشخص ياخذ تصريح قانوني و هو مايستحقه و يعرض حياة الباقين للخطر ؟

هاللي يطلعون للعالم
يطلع لأخوه لقريبه " ما اقول انه ما يتجاوز النظام الا يتجاوز "
بس مهوب يمشي و يطلع لخلق الله .. صعبه وانا اخوك


اتمنى تتقبل وجة نظري بصدر رحب
وان ما اعجبك فمالها داعي الردود المتعصبه .. تجاهل الرد ولا كأنك شفته ..!

[ريف]

قريت موضوعك اللي قبل و ماحبيت ارد عشان ما ادخل معك بـ جدال
بس دامك بهالموضوع تتكلم بشكل عام برد عليك

انت تقول لو الحرامي نعطيه فلوس ما راح يسرق واذا ما عطيناه بيسرق ؟

بالله عليك هذا منطق ؟
يعني يانعطيه فلوس يانقول عادي اسرقنا احنا السبب ومفروض ما يحاسب ولا نشره عليه ولاشئ ؟
لا يابعدي ... الواحد يروح يتعب و يشقى و يشتغل و يطلع فلوس له يصرف على نفسه فيها
اما يحط رجل على رجل ياتعطوني فلوس يا اسرق ؟؟ كان بتشوف كل العالم حراميه

واذا مسكوه يقول وش اسوي الناس ماعطتني فلوس
انت من جد مقتنع بكلامك ؟
اللي يبي الفلس يشقى له يابعدي اوب يحط رجل على رجل ويبي الفلوس تجيه بارده مبرده
هاللي معهم فلوس ما نزلت لهم من السما ولا شقوا الأرض و طلعوها .. هم اشتغلوا و تعبوا و جابوا هالفلوس


اما عن كلامك عن الخدمه الإنسانيه اللي لوجه الله تعالى
انت تطلب شئ ممنوع و تعرض الرشوى بشكل علني و تقول لو فيه عالم تسوي خير كان ما انحدينا كذا ؟

اصلا طلبك ذا مخالف وانت عارف هالشئ
فيه شئ اسمه نظام فيه شئ اسمه قانون .. يا العالم تخالف هالقانون والا ماتبي الخير ؟

صحيح فيه " بعض " التجاوزات .. بس بدال ما نصلحها نزيدها ؟
استغرب شلون تقول " لعن الله الراشي و المرتشي " و تقول ابي واحد يخلص لي شغلتي وله اللي يبي ؟

لو طلبك قانوني ومافيه تجاوز او خطر على احد .. ايه اهل الخير كلها بتتسابق لخدمتك ان شاء الله
اما انك تطلع رخصه لواحد ماوصل السن القانوني ..!
لا .. هذا خطر على الباقين ..
والا ليه حددوا هالسن ؟ بس كذا ؟
بيكون طايش + متهور + غشيم < اتكلم عن الأغلبيه مو الكل .!

بكرا جا هاللي توسطت له و تسبب بحادث او صدم احد و صار فيه حالة وفاه
من اللي تسبب بإن هالشخص ياخذ تصريح قانوني و هو مايستحقه و يعرض حياة الباقين للخطر ؟

هاللي يطلعون للعالم
يطلع لأخوه لقريبه " ما اقول انه ما يتجاوز النظام الا يتجاوز "
بس مهوب يمشي و يطلع لخلق الله .. صعبه وانا اخوك


اتمنى تتقبل وجة نظري بصدر رحب
وان ما اعجبك فمالها داعي الردود المتعصبه .. تجاهل الرد ولا كأنك شفته ..!

حياك الله أخوي سعود

طبعا ردك مافي شيئ

بالعكس كان ردك حلو ومفيد لي

بخصوص كونه السارق بيقول يا تعطوني فلوس يا اسرق

طبعا أكيد هذا شيئ غلط

طيب لو جامعاتنا وكلياتنا وقفت كل السبل المؤدية للقبول

بالله وش ذنب هذا اللي ما ينقبل

يمكن يتعب ويجتهد لكن ما يلقى وظيفة فطبيعي رح يبحث عن مصدر دخل والاقرب الناس بالناس فلو ما سادعناه بشكل بسيط جدا فأكيد رح يسرق لانه حله الوحيد حتى يخدم نفسه


أخوي سعود قريت الموضوع الاول ونسيت هذا الموضوع

أنا كتبت في هالموضوع بدون مقابل بعدا عن الرشاوي المحرمة

أما بخصوص السن
فالانسان كبير بعقله وتفكيره مو بسنه

ممكن تحصل واحد عمره 23سنة لكنه طايش ضايع مسوي حوادث في خلق الله
وممكن تحصل واحد عمره 16سنة وما عنده رخصة لكن يحترم القوانيين ويسوق وكأنه رجال له 20سنة بالسواقة

فالفكرة اللي أبي أوصلها لك أنه الانسان كبير بعقله وتفكيره

أما أقل من السن القانوني فهو أقل بشهرين فقط وما أعتقد أنها بتقوم الدنيا على هالشهرين لكن ظروفه صعبه واحنا نقدرها ونحترمها

أما سالفة يتسابقوا على هالعمل الخيري فأنا أقولك انسى هالشيئ والدليل شوف موضوعي الاولي أكثر من 50رد و500مشاهدة وهالموضوع لانه بدون مقابل ما تجاوز حتى 50مشاهدة

أما عن سالفة الحوادث فهذي قضاء وقدر ما نقدر نتدخل فيها لكن ما دامه ان سان مشهود له بالكفاءة وحسن السيرة ومحترم القوانيين والناس فهو أهلا لذلك

أشكرك عزيزي وأتمنى أنه تكون إجابتي كافية ووافية

[شبكة المسلم]

السلام عليكم
كلامك
أثناء طرحي للموضوع جاء ردود شديدة شوي مثل

لعن الله الراشي والمرتشي

اولا ما تقصد بردود شديدة ؟

ثانيا هذا حديث
8841 - لعن رسول الله صلى الله عليه وسلم الراشي والمرتشي
الراوي: عبدالله بن عمرو بن العاص - خلاصة الدرجة: حسن صحيح - المحدث: الترمذي - المصدر: سنن الترمذي - الصفحة أو الرقم: 1337
المصدر
الموسوعة الحديثية - تيسير الوصول إلى أحاديث الرسول صلى الله عليه وسلم - الدرر السنية
ثالثا هل كنت تعلم انه حديث؟
ارجوا الرد عليه

ولى تعليق بسيط جدا
بالنسبة للرشوة فهى حرام طبعا بدون نقاش

انا اعلم رجل هو مدير يأتى لرجل اعرفه المدير هذا غنى جدا لديه لديه 30 فدان الفدان الواحد 200 الف جنيه مصرى
بحوالى 6 مليون مصرى يعنى حوالى مليون دولار وهذا الرجل يجى عاوز شحن تلفون لابنه

وعلى فكرة الرشوة حرام للفقير والغنى

[AMiSHKA]

يا اخوان بس في حاجة يمكن الكثير ما يعرفها
احيانا و انت عند الجمارك تحتاج تدفع فلوس عشان تمشي نفسك
او مثلا عندك معاملة و ما راح تمشي الا اذا دفعت فلوس
طيب هل الحين انت محرم عليك انك تدفع الفلوس هذي ؟؟
طيب لو ما دفعت الفلوس راح يصير ضرر عليك انت !!

في الحقيقة يا اخوان انك اذا كنت مجبور انك تدفع الرشوة فما عليك اي اثم لانه راح تتضرر اذا ما دفعت
و انت مجبور على ذلك
لكن الاثم يقع على الشخص اللي اخذ الرشوة منك لانه منع عنك مصلحة و اجبرك تدفع له بغير وجه حق .

و ارفقوا على الرجال اشوف الكل فارد عضلاته عليه الرجال ما قصده الا الخير و تقابلونه كذا !!!

و تقبلوا تحياتي

[ابوعليوه]

امحق منطق..
يعني اش ذنبي انا اكرف كرف الحمير عشان انقبل في جامعه؟ ولا واحد يقعد يلعب طول عمره وبعدين يقول ليش ما يقبلوني ويقولون ليش في رشاوي؟؟
لا ولا تعطي فلوس للسارق عشان ما يسرق؟ يعني الحين هو كذا مو قاعد يسرقك اصلاً؟ ولا عشان برضاك ما صارت سرقه لول

أما أقل من السن القانوني فهو أقل بشهرين فقط وما أعتقد أنها بتقوم الدنيا على هالشهرين لكن ظروفه صعبه واحنا نقدرها ونحترمها

على كذا كل شوي بنقول شهرين شهرين لين ما ينولدون مع رخصهم

[s6ur]

ان كان رب البيت للدف ضارب فشيمة اهل البيت الرقص

اذا كانت الحكام فاسده بالتاكيد سبكون المجتمع فاسد

[t7t7.com]

s6ur اقول وراك ماتنكتم ؟


وبالنسبه للأخ AMiSHKA
انا أؤيد كلامك لكن هالشي ماتصادفه بدول الخليج .. انا شخصياً صادفته بمصر وسوريا ولاادري عن الدول العربيه الاخرى ..

[Dragon2oo2]

احنا الواسطات منتشره عندنا بالخليج .. طبعاً هالشيء غلط .. واذا عندك حق لازم تاخذه بالقانون ..

بس ساعات الواحد يكون مضطر لاستخدام الواسطه .. يعني الواحد يتعب ويدرس ويتخرج من الجامعه بتقدير عالي .. من الظلم إنه يقعد بالبيت وما يشتغل .. والحمدلله ما توسط لي أحد في مسألة توظيفي

بس الرشاوي .. منتشره بالدول العربيه وعلى وجه الخصوص .. مصر وسوريا ..

ومصر انا عايشت التجربه أيام الدراسه بالجامعه .. لازم تدفع عشان تمشي أمورك .. الحضور والغياب بالجامعه بفلوس .. النجاح بفلوس .. كل شي بفلوس .. والحمدلله ما استمريت لأن هالأجواء ما تعجبني ..

[s6ur]

s6ur اقول وراك ماتنكتم ؟


وبالنسبه للأخ AMiSHKA
انا أؤيد كلامك لكن هالشي ماتصادفه بدول الخليج .. انا شخصياً صادفته بمصر وسوريا ولاادري عن الدول العربيه الاخرى ..

على سلـ.................

[Legend KSA]

على سلـ.................

[.. نسيم الليل ..]

هلا أخوي ريف ..

حقيقة انا شفت موضوعك الاول لكني مارديت عليك ..

والحين لازم أتكلم ..

طلبك الأول مخالف للأنظمة لاتقول لي فلان ولد فلان عمره 13 سنة وطلع رخصة قيادة وبالواسطة أو بالرشوة .. فهذا عذر أقبح من ذنب ..

لاتقول لانساعد الناس لنفترض مثلا أنه بيدي إصدار رخص القيادة أو بمسماها الجديد (( السياقة )) .. هل تعتقد أنني سأعطيك إياها قبل بلوغك السن القانوني أنا اشوف ان السن القانوني المحدد بـ 18 سنة هو أقل سن ممكن الحصول فيه على رخصة قيادة وذلك لسلامة الطرق وأمنها ..

لاتقول فيه واحد عمره 23 سنة داج وضايع بالشوارع تفحيط وكلام فاضي وواحد 16 سنة بس مؤدب وأخلاق .. ياخي مهما كان 16 سنة عمر صغير جدا وإذا كان أبو الثلاثة والعشرين مفحط مثلا فهناك من يحاسبه ... إن لم يكن من أهل بيته فمن رجال الأمن ..

حبيت أختم ردي بأنني غير مؤيد تماما على اي كلمة قلتها ..

وأذكرك أن تعطي الطريق حقه ..

وترى كلها سنتين وترتاح من السالفة .. !!

[ريف]

السلام عليكم
كلامك
أثناء طرحي للموضوع جاء ردود شديدة شوي مثل

لعن الله الراشي والمرتشي

اولا ما تقصد بردود شديدة ؟

ثانيا هذا حديث
8841 - لعن رسول الله صلى الله عليه وسلم الراشي والمرتشي
الراوي: عبدالله بن عمرو بن العاص - خلاصة الدرجة: حسن صحيح - المحدث: الترمذي - المصدر: سنن الترمذي - الصفحة أو الرقم: 1337
المصدر
الموسوعة الحديثية - تيسير الوصول إلى أحاديث الرسول صلى الله عليه وسلم - الدرر السنية
ثالثا هل كنت تعلم انه حديث؟
ارجوا الرد عليه

ولى تعليق بسيط جدا
بالنسبة للرشوة فهى حرام طبعا بدون نقاش

انا اعلم رجل هو مدير يأتى لرجل اعرفه المدير هذا غنى جدا لديه لديه 30 فدان الفدان الواحد 200 الف جنيه مصرى
بحوالى 6 مليون مصرى يعنى حوالى مليون دولار وهذا الرجل يجى عاوز شحن تلفون لابنه

وعلى فكرة الرشوة حرام للفقير والغنى

ألف شكر على تعليقك الموقر

[ريف]

يا اخوان بس في حاجة يمكن الكثير ما يعرفها
احيانا و انت عند الجمارك تحتاج تدفع فلوس عشان تمشي نفسك
او مثلا عندك معاملة و ما راح تمشي الا اذا دفعت فلوس
طيب هل الحين انت محرم عليك انك تدفع الفلوس هذي ؟؟
طيب لو ما دفعت الفلوس راح يصير ضرر عليك انت !!

في الحقيقة يا اخوان انك اذا كنت مجبور انك تدفع الرشوة فما عليك اي اثم لانه راح تتضرر اذا ما دفعت
و انت مجبور على ذلك
لكن الاثم يقع على الشخص اللي اخذ الرشوة منك لانه منع عنك مصلحة و اجبرك تدفع له بغير وجه حق .

و ارفقوا على الرجال اشوف الكل فارد عضلاته عليه الرجال ما قصده الا الخير و تقابلونه كذا !!!

و تقبلوا تحياتي

هذي في كلا الامور تدخل في مفهوم الرشوة لكن كحكم لمسألتك فأتركها للعلماء