النتائج 1 إلى 3 من 3

الموضوع: التحكم في جهاز صديقك عن بعد

  1. #1
    عضو نشيط
    تاريخ التسجيل
    May 2007
    المشاركات
    42

    التحكم في جهاز صديقك عن بعد



    السلام عليكم ...

    حبيت اعمل شرح مبسط لخدمة Log Me In ... و دي باختصار خدمة من موقع LogMeIn ... و الخدمة دي تتيح ليك انك تقدر تدخل على جهاز تاني و كأن الجهاز التاني ده قدامك و تقدر تتحكم فيه و تحرك الماوس و تكتب بالكي بورد ... يعني تقريبا تحكم كامل ...

    و انا حبيت اعمل شرح للموضوع ده عشان في ناس اعرفهم عندهم مشاكل في الجهاز بتاعهم ... و انا حاولت اساعدهم قدر الامكان بالكتابة ... بس طبعا بأي حال من الاحوال لما يكون الجهاز قدامك هتقدر تتعامل مع المشكلة احسن ... بس الغريب ان في ناس دماغها راحت لبعيييييد اوي ... و تقريبا كدا اول حاجة فكروا فيها الهاكنج و الذي منه - طبعا اي حاجة مجهولة مخيفة -... لدرجة ان في ناس مبقتش تكلمني تاني بعد ما عرضت عليهم ان ادخل على الجهاز بتاعهم - عشان نختصر الوقت و الجهد - عن طريق الـlog me in :con2: :shy: ... هو طبعا مفيش اي حاجة امنه 100% ... بس البرنامج ده امن لحد كبير ...

    و الخدمة دي مفيدة جدا - على الاقل بالنسبة ليا - و ظبطت بيها كذا مشكلة مكنتش تنفع تتحل كتابتاً ... او بمعنى اصح اختصرت و قت كبيير جدا ...
    فانا حبيت اوضح الخدمة دي و كيفية الاستفادة منها ... خلينا مع الصور ... - و طبعا كالعادة الشرح تحت الصور ...

    موقع log me in ...

    https://secure.logmein.com/home.asp




    هنختار " Create an account " عشان نعمل حساب جديد على موقع log me in ...



    طبعا هنختار الحساب المجاني و هو بيتيح ليك التحكم في الجهاز التاني بس ... و في حسابات مدفوعة بيكون فيها خواص اكتر زي امكانية نقل الملفات بين الجهازين ... و اخد نسخ احتياطية ... و كام حاجة كدا كمان ... المهم خلينا احنا في ابو بلاش



    هنا هنعمل البيانات ... الايميل و هو هيكون زي اسم المستخدم و تأكيد الايميل ... و بعدين الباسورد ... و طبعا تأكيد الباسورد ... الحته دي مش محتاجة شرح يعني



    بعد ما نعمل حساب جديد و كله تمام ... هنختار طبعا النظام المجاني اللي بيتيح ليك بس التحكم في الجهاز ... طبعا ممكن نجرب اي نظام لمدة معينة و بعد كدا هتعدفع ... يعني كتجربة ...



    ركزوا معايا في الحته دي ... دلوقتي هنختار Add computer عشان ننزلي الـ client .... و الكلاينت ده هو البرنامج اللي بيتسطب على الجهاز اللي احنا عاوزين نتحكم فيه ... يعني انت ممكن تروح عن واحد صاحبك و تنزل الكلاينت و بعد كدا لما تروح بيتك هتقدر تتحكم في الجهاز عادي ... او ممكن و انت في البيت تديله الكلاينت يسطبه عنده عشان تقدر تتحكم في الجهاز بتاعه ... و انا رفعت الكلاينت على 4shared بتاعي .... هنا - هنرجع للحته دي تاني -

    المهم يعني ... لو اختارنا زي الصورة كدا ... هنسطب الكلاينت على الجهاز اللي احنا عليه دلوقتي ... و هيظهر زي الصورة اللي جاية



    او ممكن ننزل الكلاينت و نبقى نرفعة على اي موقع و نبعته للشخص اللي عنده المشكلة و عاوزين ندخل على الجهاز بتاعه ... زي الصورة كدا ...



    و انا رفعت الكلاينت عندي ... و نقدر ندي اللينك لاي واحد عشان يسطبه عنده ... هــنـــا ... حجمه حوالي 8 ميجا

    نيجي لتسطيب الكلاينت بقى ... طبعا كله next في next في next ... مفيش غير كام حته كدا هنشرحها ...



    طبعا دي اول جزء في التسطيب ...



    ده عبارة عن كود - زي باسورد كدا - بيتكون على الاقل من 8 خانات ... عشان مفيش اي حد يقدر يخش على الجهاز بتاعك الا اذا كان عارف الكود ده ... عشان يعني لو الحساب اتسرق ولا حاجة محدش يقدر يخش على الجهاز كدا على طول ... و الرقم ده هنحتاجه عشان نخش على الجهاز ...



    الجزء ده بيظهر لو انت بعت الكلاينت لصاحبك ...

    1 - اسم الحساب على موقع log me in ... و الباسورد ... - اللي انت عملته في الاول ... نست ولا ايه -

    2 - نوع الحساب ... طبعا مجاني ... او حسب ما انت عملت في الاول ...

    و بعدين هسطب عادي خالص ... و هتلاقي الشاشة قفلت اسودت لمده ثانية و هترجع تاني زي الاول ... عادي يعني ...



    و بعد التسطيب هتظهر ايكونة البرنامج تحت جنب الساعة ...



    ممكن نعمل كليك يمين على الايكون و نقفل البرنامج خالص ... نعمله Exit .... او ممكن نعمل disable بس ... و فكل الحالتين مفيش حد هيقدر يتحكم في الجهاز كدا ...



    دلوقتي بعد ما الكلاينت اتسطب على الجهاز اللي احنا عاوزين نتحكم فيه ...

    1 - ده كمبيوتر متسطب عليه الكلاينت و حاليا الجهاز مقفول او الكلاينت مش شغال او معموله disable

    2 - ده جهاز اونلاين ... ونقدر نتحكم فيه و نقدمله الدعم ... بمجرد ما نضغط عليه هنقدر ندخل عليه ...



    جزء ده هيطلعك لو انت بتستخدم الفاير فوكس ... و ده بيطلب من انك تسطب اكسنتشن و ده عشان ميكنش في اي مشاكل في التحكم في الجهاز ... و يستحسن نسطبه



    بعد ما نختار الجهاز اللي عاوزين نتحكم فيه ... هيظهر الجزء ده ... و ده بيطلب الكود - الباسورد - اللي احنا كتبناه في الاول و احنا بنسطب ... و بعدين نعمل Login ...



    بعد كدا هيظهر الجزء ده ...

    1 - ده الجزء الخاص بالتحكم في الجهاز ... عن طريق الماوس و الكي بورد ... و كدا يعني ...

    2 - ده الجزء الخاص بالتفضيلات ... انت ممكن تحدد حاجات معينه للجهاز اللي انت بتتحكم فيه ... - استكشفها بنفسك بقى -

    3 - نعمل علامة صح لو عايزين نفتح الجزء بتاع التحكم في الجهاز في صفحة جديدة ... يستحسن نفتحها في صفحة جديدة ..

    و بعدين نعمل Go ... عند رقم واحد ... عشان ندخل عى الجهاز



    و دي الصورة لما ندخل على الجهاز ... و في شوية خيارات فوق ... زي مثلا جودة الصورة و الريزليوشن .. و حجم الزوم ... و كدا يعني ...

    و طبعا كل ما الجودة كانت اكبر كل ما هتحتاج لسرعة اكتر عشان الجهاز ميهنجش معاك ... يعني حاول تعمل الجوده على اقل حاجة ممكنه ...

    و بكدا خلصنا موضوع log me in ده ... اللي في ناس كتير بتخاف منه ... مش عارف ليه ...

    المهم يعني ... يا رب يكون الشرح كويس و واضح ... انا عارف ان الشرح مربك ... بس معلش ... انا اصلا مش عارف اقعد على الجهاز ساعة على بعض ... اصل الكهرباء في المنطقة ضعييييفة جدا الايام دي ... و الجهاز بيعمل ري ستارت من ضعف الكهرباء ... و مش عاوز اشغله غير لما الكهرباء تتعدل عشان ميحصلوش حاجة ...

    و اي استفسار هحاول اجاوب عليه ان شاء الله ...

    و السلام عليكم و رحمة الله و بركاته ...
    م
    ن
    ق
    و
    ل







  2. #2
    عضو نشيط
    تاريخ التسجيل
    Aug 2007
    المشاركات
    68


    يالله روووووووعه اخوي فتى

    فعلا ابداع

    ماقصرت وكفيت ووفيت بشرح اكثر من رائع

    لي عودة





    __________________
    الفصول الاربعة


    http://www.4seasun.com/vb



  3. شرح ممتاز جداً ومختصر

    إضافة لمن يتخوف من هذا الطريقة يمكنه بعد الحصول على الدعم مسح ملفات الكلاينت لان من الممكن استخدامها.

    ايضاً لمن يستخدم الفاير وول ان يغلقه حين تلقي الدعم لزيادة السرعة + من الممكن ان الفايروول يقطع الاتصال او يمنعها.

    الجيد في الامر انك تقوم بالاتصال بالجهاز وتتمكن من اصلاح بعض المشاكل بدون المخاطره مثلاً بانتقال الفيروسات الخ ما بين الجهازين





    __________________
    أنشئ البوم لصورك وشاركها في موقعك صور TNT


    expertsniper - Fast سابقاً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض