أسئلة عن خدمات الإنترنت في مصر

[abdoawis]

السلام عليكم ورحمة الله وبركاته

وضعت هذا الموضوع لإستفساري عن خدمات الإنترنت الجديدة التي نجدها في دول أخري عربية ولا أري أي خبر عنها في مصر

إتصالي بالإنترنت يقطع في اليوم أكثر من 10 ساعات :anger1:

شئ لا يعقل !!!

فسؤالي عن كيفية توصيل الإنترنت عن طريق الجوال .. أسمع عنها كثيرا
وسؤال أخر عن كرت الستايلات لإني كثيرا ما أسمع عن توصيل الإنترنت كمن خلاله ..
وأي طريقة أو أخبار جديدة عن دخول إنترنت بسرعات جيدة وأسعار جيدة وترافيك غير محدود في مصر

[2bnmasr]

إنترنت يقطع في اليوم أكثر من 10 ساعات :anger1:

اي شركة تستعمل أخي
راسلها
بيحلو المشكلة

انا كان مرة كل يوم يقطع ساعتين ولما كلمتهم فتحو تذكرة عن المشكلة و اتحلت الحمد لله تاني يوم

----

اما لو تدور الانترنت الفضائي متهيقلي تشوف اي فرع لشركة اوربت اظن عندهم ها الخدمة

---

بخصوص الاتصال عبر الجوال فدي من خلال "فودافون و الاتصالات بس" و برده ممكن توصل لأقرب مركز ليهم و هيدوك الجواب الشافي.

[Aloha]

السلام عليكم ,
شكرا لصاحب الموضوع
طيب يا egydown ماتعرفش سعر الانترنت الفضائي في أوربت يجيلوا كام كده ؟؟
أخر مرة سألت كان غالي جدا ,, ياريت لو تعرف تقولنا

[2bnmasr]

السلام عليكم ,
شكرا لصاحب الموضوع
طيب يا egydown ماتعرفش سعر الانترنت الفضائي في أوربت يجيلوا كام كده ؟؟
أخر مرة سألت كان غالي جدا ,, ياريت لو تعرف تقولنا

هو فعلا غالي
افضل حل انك تكلم الشركة المقدمة للخدمة
او اذا كنت في شبكة فالافضل تجبلك خط مستقل

[محمود حسين]

سعر الاتصال عبر الجوال عن طريق خدمات 3G مازال مرتفع جدا
حوالي 2000 جنيه للشريحة سواء للابتوب او الكمبيوتر المكتبي
+ 350 جنيه اشتراك شهري والسرعة 384 كيلوبايت ضعيفة جدا
يمكنك الاتصال بخدمة عملاء فودافون أو اتصالات لمزيد من التفاصيل

أما لو كان عندك خط تليفون متوفر في مكان سكنك
فالاتصال عن طريق خدمة DSL ممتاز جدا وباسعار جيدة
حوالي 300 جنيه شهريا لسرعة 1 ميجا
530 جنيه شهريا لسرعة 2 ميجا

[abdoawis]

شكرا لكم إخواني علي الردود وتم إيضاح بعض المبهم

يعني بإختصار حلول الإنترنت في مصر كالأتي:

إما الدي إس إل والمعاناة من جودة الخدمة وإن كان جيدة وسرعة عاليه كان السعر ( معروف طبعاً )

وإما الإنترنت الفضائي والسعر غالي جدا

وعن طريقة المحمول وتكفينا سعر الشريحة :1power:


----

[Aryam]

انا مع تى اى داتا ما شاء الله روعة

مش بتقطع والسرعه ممتازة

[Neklawy.com.eg]

tedata و linkdsl افضل واقوى الشركات فى مصر

[alexipc.com]

سعر شريحة الفودافون يو اس بي 1300 جنيه تقريبا او انك تاخدها بـ 650 جنيه والباقي تقسيط على 6 اشهر تقريبا
لابد من توافر خدمة وتقنية 3g في المنطقة اللي انت فيها والسرعة بتوصل لـ 360 كيلو بايت تقريبا او اقل شوية والاشتراك الشهري 190 جنيه شهريا لخدمة الانترنت عن طريقها

بالنسبة لخدمة الانترنت دي اس ال انا بشوف ان لينك دوت نت قوية جدا و تي داتا كمان بس الكلام ده وجه بحري لو وجه قبلي يبقى لينك دي اس ال افضل

خد الليميتد 2 ميجا من لينك دي اس ال بيديك 13 جيجا ترافيك بسعر 180 جنيه والتحميل عندك بيوصل 250 كيلو بايت بالثانية وده الطبيعي له لو خط التلفون تمام


عموما ربنا يعينك وتتوفق بشركة كويسة ومقدم خدمة كويسة


لو انت من اسكندرية وبالاخص من الانفوشي او سيدي جابر انا اقدر اوفر لك الخدمة من لينك او تي داتا لاني مقدم خدمة انترنت كمان بالمناطق دي

[كارم ابراهيم]

غريبة شركة ايه دى انا بقالى شهور النت مفصلش خالص سواء خط ايجبت نت ورك او تى اى داتا والحمد لله

[محمود حسين]

غريبة شركة ايه دى انا بقالى شهور النت مفصلش خالص سواء خط ايجبت نت ورك او تى اى داتا والحمد لله

خارج الموضوع...

أخ كارم ابراهيم انت من المنصورة؟

[كارم ابراهيم]

خارج الموضوع...

أخ كارم ابراهيم انت من المنصورة؟

ايوة ليه ؟:con2:

[محب الله ورسوله]

أنا من المنصورة
هل لدينا في المنصورة يمكنني لو أشتريت الشريحة اللي تتكلموا عنها
أوصلها بالحاسب وأشترك في الفودافون بهذه السرعة العملاقة فقط ب 190 جنيه في الشهر ؟

وهل الداونلود = الأبلود
والنت مفتوح أم محدد بجيجات

أتمني التوضيح أكثر

[محب الله ورسوله]

upppp