النظام الجديد للمخالفات في السعوديه .. !!!

[N-DES]

يا رجل هذي رحمة عندكم
عندنا اي مخالفة من اللي فوق تنسحب اجازتك كلها

[mad_4u]

الاسبوع الماضي سقت سيارة الوالد بدون تامين باسمي
وقفوني وصكوني مخالفة 1500 ريال وانسحبت رخصتي :funny:

احلى شيء عندنا يوم يجي يوقفك يقول لك انزل من السيارة واطلع البيما اجيك
طبعاً تطلع السيارة يقول لك عطني اسمك الاول والاخير ومن ثم عنوانك وتاريخ ميلادك
يجيب كل تفاصيل ويجيب تفاصيل السيارة وانت تسمع المعلومات الي يحصل عليها ويسجلها بورقة ويعطيك هي
قسيمة 200 جنية استرليني
خلال 7 ايام تروح لاقرب مركز شرطة تسلمهم رخصتك :court:
وبعدها استخدم التاكسي

ان كنت بالسعودية شالك بالجيب وماتطلع الا بعد دفع القسيمة

[EISA AHMED]

يارجال احمد ربك والله 900ريال
في الدوحه قطع الاشاره
50.000 تقريبا او سجن من 6 شهور الى 3 سنوات ووووووو قطع الاشاره تهمتها (( الشروع بالقتل )) + الليسن فيه 14 نقطه 7 نقاااااااااط تطير من الليسن بسبب قطع الاشاره ابحث عن النظام الجديد عن المرور القطري وبتشوف العجب..!

[ABU WSAM]

هذا موقع مرور الرياض العاصمه إدارة مرور منطقة الرياض - الموقع الرسمي

وين النظام الجديد ماني شايف شي النظام هو النظام ماتغير .

[طلال عبدالله]

يا ليت يطبقون نظامكم القطري الخاص فقط في قطع الاشاره

كان قلت نسبة الحوادث في السعودية بشكل كبير

كل يوم واحنا رايحين الدوام زحمه والسبب حادث !!

[عبدالرحمن العنكبوتي]

بدل مايرفعونها ويخلون فيها حجز , فيه أشياء أولى منها
في الرياض مثلاً الدائري إلى العصر الأيسر مايمشي أقل من 160 !
وين المرور السري هالوقت ؟

وين المخالفات على الزينون اللي يفقع العين عالي وواطي ياخي احياناً في الليل ودي ألبس نظارة شسمية ؟

وين المخالفات على الغثيث اللي مايعرف يمسك الخط الاصفر , ويربك ابو الخط لان نص سيارته برا الخط الأصفر ؟

أكثر ماضحكني الوقوف على خط المشاة اصلاً فيه أحد يوقف وراه ؟

[Khalid S. AL-Ghamdi]

ياشيخ واحد من أخوياي الأسبوع اللي راح
كان صاك الطبلون بلكزس gs في جدة بطريق الملك
والدورية وراه
المهم وقفوا قالوا له أنت سائق متهور ون هالكلام
الخلاصة إنه الزم نآخذك على الحجز
ياهو منا منا مافية لازم تطلع الحجز
طبعاً الولد يقول أنبلشت في السيارة
والعسكري يقول يالله اطلع الدورية
وش سوا الوالد قال للعسكري أنا بروح أوقف السيارة في مكان ثاني وخل واحد منكم يطلع وياي
قالوا طيب الولد حط رجله على السيارة وصفى الطبلون والعسكري مكانك سر لا راح ولا جئ
يعني إختصار للسالفه أعلاه

ترى مافية تطبيق فعلي من نفس أفراد المرور للنظام

[أبوهيثم]

والله مهزلة بحق , انا اؤيد التشديد في السرعة الجنونية وقطع الاشارة

والاشياء الي تستحق ولكن اشياء تافهة وفيها سجن وغرامة !!!!

لا تعليق

[سفير التقنية]

ووتستمر المؤامره على المواطن المسكين

لسلب ماتبقى من ماله

صدقوني رسوم مخالفات المرور تذهب لأماكن لايعلما كثير من الناس !!

اذا كانو حريصين على الشعب

يشددون على الانظمة والمراقبة ويقللون قيمة المخالفات

اقسم بالله اني ماشي على طريق التخصصي بالرياض تقاطع طريق الجامعه من تحت النفق وماشي 85

طبعا انا شيف الرادار بس ما هديت اخاف يشوف لمبة الفرامل

المهم عطاني قسيمة 300 ريال!!!

وانا ماشي في امان الله

حسبي الله ونعم الوكيل

[Secur1ty]

الله يعين
مره قطعت إشاره الطبيعي مخالفة حجز بس
أنا ثلاث مخالفات بدل وحده بسبب حيازه وجبه من مطعم ماكدونالز اليهودي
هذا كلامه الشرطي يقول ليش تشتري منهم وصكني بثلاث مخالفات
غير الحجز

[سكر وملح]

التشديد في قوانين المرور شي لابد منه
راحت ناس بسبب التهاون والإستهتار بقوانين المرور ولا فيه رادع يردعهم
لكن مسألة إن الإستمارة منتهية ويحجز أمر غريب !!! مخالفة شي عادي لكن حجز !
والمشكلة من يقطع إشارة المرور يمكن ما يحجز وإذا حجز 24 ساعة فقط وليس ثلاثة أيام

ودك قطع الإشارة والسرعة الزائدة يسجن أسبوع حتى يستأدبون الناس
أنا ما عمري شفت أحد يوقف بالإشارة عرض إلا حنا السعوديين عشان يصير أول واحد !!
ويوم رحت الإمارات استغربت من تقيدهم الشديد بأنظمة المرور قيادة نظامية 100%

[mad_4u]

التشديد في قوانين المرور شي لابد منه
راحت ناس بسبب التهاون والإستهتار بقوانين المرور ولا فيه رادع يردعهم
لكن مسألة إن الإستمارة منتهية ويحجز أمر غريب !!! مخالفة شي عادي لكن حجز !
والمشكلة من يقطع إشارة المرور يمكن ما يحجز وإذا حجز 24 ساعة فقط وليس ثلاثة أيام

ودك قطع الإشارة والسرعة الزائدة يسجن أسبوع حتى يستأدبون الناس
أنا ما عمري شفت أحد يوقف بالإشارة عرض إلا حنا السعوديين عشان يصير أول واحد !!
ويوم رحت الإمارات استغربت من تقيدهم الشديد بأنظمة المرور قيادة نظامية 100%

:nice: بالسعودية يوقف في الاشارة عرض
باليمن الاشارة ملغية :funny:

[Musleem]

القوانين افضل طريقه لإلتزام الشعوب


لكن سالفه الحجز قويه

اوكي يرفعون تكلفه المخالفات لكن حجز !!
هذه ضد كرامه الإنسان

[ابوعليوه]

لول حقت ماكدونالدز صارت لي. بس انا الي عطيته مخالفه موب هو هههههههههه.
المشكله الحين في جده شارع المشاه مدري وشو معالمه مختفيه ولا حفره في وسطه الناس ما تقدر تعدي, وش السوات ؟

[mad921]

اليوم تشديد على اشارات وعلى الي يوقفون بـ العرض في طريق الملك عبدالله والعليا

والملك عبدالعزيز وهالمناطق