[للنقاش] مارأيك بالبيع من الانترنت؟ وهل بعت شيئا بالانترنت؟

[M. Al-Dhafeeri]

السلام عليكم ورحمة الله وبركاته..


الحمدلله النجاح اللي صار بموضوع ([للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟)
http://www.swalif.net/softs/swalif12/softs195006/

الحين حبيت أرتب الشغل عدل.. هذاك الموضوع الحمدلله كان للتحدث عن الشراء ومازال حيا

ومحد الحمدلله خرج عن موضوع الشراء..


الحين نبي نخرج عن موضوع الشراء ونتجه لموضوع البيع..

(سؤال) ليمتى نشتري؟؟ ليمتى نحب الخساير؟؟ ليش مانجرب شي يديد (للي ماجربوا!)؟؟

انا الصراحه اليوم بلشت ابيع دوميناتي من خلال Ebay وطبعا لاني ما املك Paypal اخترت طريقة الشراء (للمشتري) عن طريق ال Credit Cards و عن طريق ال Other Payment methods

مثل التحويل وغيرها..

الحمدلله وهذي الروابط لأول 3 اشياء الحين اليوم عرضتها للبيع (كمزاد) وكأول تجربه لي (عباره عن كاميرا Samsung و دومينين)

Samsung Digital Cam on eBay, also, Digital Cameras, Photography (end time 25-Jan-08 13:11:11 GMT)

SilverAims.com (Domain name) on eBay, also, Domain Names, Web Domains Email Software, Computing (end time 25-Jan-08 13:21:48 GMT)

Fullimit.com (Domain name) on eBay, also, Domain Names, Web Domains Email Software, Computing (end time 25-Jan-08 13:25:09 GMT)

وموقع اللي استخدمته لبيع اغراضي eBay - The UK's Online Marketplace


طبعا ما راح اتكلم وايد.. انتظر الردود والأسئله لأني انا هني لأجيب على الاسئله وكمبتدأ فالحمدلله صارت عندي خبره (شبه) واسعه بمجال بيع السلع عن طريق EBAY

وراح اتكلم بشكل مختصر عشان اترك المجال واجذبكم للأسئله
(لأن الموضوع بدون مقدمه لا يعتبر موضوع ولاتوجد اسئله.. لأنه المقدمه تجذب الشخص للسؤال والاستفسار)

++++++++++

طبعا لما تسجل بموقع Ebay

تضغط على Sell

بعدين تختار Advanced Sell (Sell Your Item Form)

وتضغط على Start Selling

بعدين تضغط على Choose Categories وتختار التصنيف المناسب للسلعه اللي تبي تبيعها

وتكمل بعدين الاجراءات..

+++++++++

ملاحظات بخصوص Ebay: طبعا ياخذ رسوم بسيطه حيل مثل 0.30 باوند او 0.10 او 0.20 باوند يعني شي قليل

وتختلف هذي الرسوم من شغله لأخرى

مثلا الصوره الاولى اللي ترفقها للبيع مجانا وكل صوره اضافيه 0.13 باوند << على ما اذكر :shy:

واذا تبي الصوره تطلع بالبحث لتسهيل ظهورها للمشتري ياخذون رسوم 0.10 او 0.15 باوند << همن ما اذكر :deal:

طبعا في شغلات محدده لأخذ الرسوم وفوق هذا طبعا ياخذون رسوم ايضا عند عرض السلعه للبيع (فقط يحجزون المبلغ (الرسوم) ببطاقتك ومبلغ ايضا حيل بسيط وعند البيع يخصمونه من بطاقتك واذا السلعه ما انباعت ترد لك الرسوم)


بالتوفيق واتمنى انكم توسعون مجال التحدث عن البيع.. يعني منو باع برامج؟ او برمجيات؟ او قوالب؟ وشلون كانت الطريقه هل كانت سهله؟ وهل تعرض احد للخداع من خلال بيع غرض معين؟؟



والف شكر

[Abu Fahd]

تقدر تقول بعت دومينات و تصاميم فقط !

[Abachy]

والله المشكلة اخوي في الكويت طريقة الشحن من الشركات في الكويت تشحن لك باسعار خيالية هذي المشكلة الوحيدة الي تواجهني ولا ودي ابيع وايد شغلات لا تقولي استخدم البريد العادي او السريع مال المواصلات لأنه مو مضمون ويطوووووووول على ما يوصل شاكر لك اخوي على فتحك مواضيع تفيد الجميع ولاحظت شغلة ليش ما عرضت اغراضك باي باي الامريكي عارضهم في البريطاني شنو السبب؟ وسلاموووش

[al7abeb]

مشكور اخوي على الموضوع
انا و الله عندي كم شغله ودي لو ابيعها لكن عندي كم سؤال هو اللي خلاني اتردد حتى عن التجربه
الحين اذا بغيت ابيع
و واحد وصل لسعر محدد
و خلص على سعر معين
هل هذا يعني ان اخر واحد وقف عليه المزايده يحصل على السلعه
و هل انا اقوم بالشحن من حسابي الخاص للشخص
ام الشخص يتحمل مسؤليه الشحن؟
هذي الاسئله اللي عندي
و فيه زياده لا تخاف

[Mr.Mido]

السلام عليكم ورحمة الله وبركاته

موضوع كنت فى انتظاره من زمان اوى لانى نفسى اتعلم ازاى ابيع عن طريق موقعebay مثلا

عندى شوية اسالة

اولا ازاى اختار شركة معينة لتوصيل المنتج الى المشترى

ثانيا ازاى اختار نوعية المنتج الى هبيعه

تالت حاجة اختار اى موقع بالظبط ابيع فيه لان ebay ليها موقع للمملكة المتحدة وموقع لامريكا وموقع لاستراليا وغيره وغيره انا ازاى اختار السوق الى هبيع فيه

رابعا فى حالة انى معنديش باى بال ياترى اقدر استقبل الفلوس عالفيزا مثلا ؟

[3Rbi.Org]

موضوع رائع ، وبداية موفقة إن شاء الله للتجارة عبر الانترنت ،



بالنسبة لي فأنا أعمل في مجال الويب هوستنج وخدمات البرمجة والتصميم وخدمات الدعاية والاعلان عبر الرسائل القصيرة ، وذلك من خلال موقعي المتواضع :
MAGtel GROUP |  لخدمات الاستضافة و التصميم و  البرمجة و&#1
قمت بكتابة هذا الموضوع : [دعوة للمناقشة] ماهي الشركة الي تتعامل معها في مبيعاتك بالانترنت؟مثل paypal وغيرها؟ ..

وهذا مثال بسيط لصفحة الشراء : https://magtel.plimus.com/jsp/buynow...ractId=1731618

واعتقد أنه سيفيدكم لبناء متجر متواضع منفرد في موقعكم دون الاشتراك مع مواقع أخرى ممكن تاخذ منكم عمولة..

ولكن بكل تأكيد الاشتراك مع ebay او amazon أربح لكم كثيرا لأنه الزوار من كل الدول ، ويتم الاعلان عن سلعتكم بشكل اتوماتيكي ، مما يوفر عليكم مشقة نشر موقعكم المنفرد ، وهذي الميزة لازم أذكرها

لذلك أصبحت التجارة أقصد البيع عبر المواقع العالمية من أفضل الحلول في البيع عبر الانترنت ..

ونتمنى ان نشوف الأفكار الالكترونية أكثر وأكثر ..

يعطيك العافية خبيرنا الكبير ، وبانتظار أفكارك وأفكار بقية الشباب =]

[3Rbi.Org]

بالنسبة لأخونا المبدع صاحب موقع المكتب العربي، فهو خبير في مجال بيع البرمجيات =] بانتظار تشريفه أيضا :]

[M. Al-Dhafeeri]

Abu Fahd
هلا بصديقي
اممم انزين اخوي وممكن تقولنا شنو المشقه اللي تواجهك لما تبيع التصاميم والدومينات وشلون تبيعها؟؟

شاكر لك
+++++++

Abachy
هلا فيك اللي دائما منور مواضيعي

والله عدل كلامك.. الشحن غالي حيل.. بس هذا مو معناته راح نوقف ومانتحدى << مثل غراس شيقولون؟؟ (هده خله يتحدى )

في شركة شفتها عندنا بالمطار للنقل قلت بروح اسالهم.. وايضا مثل ما انت تفضل UPS بسالهم عن اسعارهم بعد شوي بروح ادق عليهم واعطيكم التفاصيل باذن الله

وانا عرضت اغراضي بـ Ebay البريطاني لانه اقرب لنا وسعر الشحن لبريطانيا ارخص بالنسبه لامريكا وقلت اذا نجحت التجاره بابريطانيا.. ماله داعي نروح نبيع بامريكا

بالتوفيق اخوي اباتشي.. وننتظر المزيد من التفاعل والاسئله والاستفسارات طبعا ماكو خط ساخن في رد سريع
++++++++++

al7abeb
العفو ولو

شوف ياخوي بالنسبه للمزاد آخر واحد توقف عنده السلعه ويخلص الوقت (المحدد للمزاد) واهوا يكون اخر واحد وقف عليه المزاد اهوا اللي يحصل على السلعه..

وبالنسبه للشحن انت تحدد اذا تبي تخلي مجاني (وبالمقابل ترفع سعر السلعه اللي تبي تبيعها) او تحط المبلغ الكامل لتوصيل الشحنه وسعر السلعه تخليه عادي واهما يرفعون فيه..

أو << جيك وركز عدل
تلعبها صح!! << شلون!! << انا اقولك شلون..
مثلا سعر الشحن مثلا 12 دينار تمام؟ انت تحط سعر الشحن لما تبيع (6 دنانير او 8 دنانير)
ومثلا تبي تبيع السلعه لا تخلي سعرها 0 ويبلش!! لا لا حط مثلا المزاد يبدي من 20 دينار << على حسب السلعه اللي تبي تبيعها تحط السعر يعتمد السعر على السلعه..
ليش تسوي جذي؟؟

عشان يصير ربحك ربحين.. يكون ربح حلو.. ومن خلال ربحك تكمل على ال 6 دنانير او 8 دنانير اللي اهوا دفعهم للشحن وتشحنهم له وبالتالي نتخلص من مشكلة غلاء الشحن

بالتوفيق خيووو واي سؤال حاضرين

[M. Al-Dhafeeri]

السلام عليكم ورحمة الله وبركاته

موضوع كنت فى انتظاره من زمان اوى لانى نفسى اتعلم ازاى ابيع عن طريق موقعebay مثلا

عندى شوية اسالة

اولا ازاى اختار شركة معينة لتوصيل المنتج الى المشترى

ثانيا ازاى اختار نوعية المنتج الى هبيعه

تالت حاجة اختار اى موقع بالظبط ابيع فيه لان ebay ليها موقع للمملكة المتحدة وموقع لامريكا وموقع لاستراليا وغيره وغيره انا ازاى اختار السوق الى هبيع فيه

رابعا فى حالة انى معنديش باى بال ياترى اقدر استقبل الفلوس عالفيزا مثلا ؟

تسلم يالغالي وانا هني بالخدمه ان شاء الله

جواب أولا: على حسب دولتك شنو في عندكم بمصر عندكم أراميكس؟؟ او Fedex? او UPS? او DHL وغيرها.. وطبعا تختار الارخص عشان انت تستفيد

جواب ثانيا: سؤالك مافهمته.. بس انت اللي تبيع فأكيد راح تعرف شنو هالمنتج اللي تبيعه
يعني مثلا تبي تبيع كاميرا (تختار من التصنيفات Categories واذا ماعرفت في Tab اسمها Search Categories طبعا اتكلم عن Ebay تضغط عليها وبعدين اكتب اي شي يدل على سلعتك
مثلا Digital Camera وراح تطلعلك كل الاقسام اللي تقدر تبيع من خلالها انت اختار القسم اللي يناسبك اكثر )

جواب ثالثا: انت شوف المكان اللي يناسبك ويريحك وبيع فيه.. انا كتجربه اولى وان شاء الله تكون ناجحه ابيع من خلال البريطاني.. وفي ان شاء الله افكار اني ابيع من الامريكي

جواب رابعا: تقدر تستقبل فلوسك بأي طريقه (شيك, تحويل, عن طريق Credit Cards وغيرها انت تحددها للمشتري لما تنزل السلعه للبيع كل هالخيارات موجوده


ان شاء الله اكو افدتك واي سؤال لا تتردد ياخوي

بالتوفيق

[M. Al-Dhafeeri]

موضوع رائع ، وبداية موفقة إن شاء الله للتجارة عبر الانترنت ،



بالنسبة لي فأنا أعمل في مجال الويب هوستنج وخدمات البرمجة والتصميم وخدمات الدعاية والاعلان عبر الرسائل القصيرة ، وذلك من خلال موقعي المتواضع :
MAGtel GROUP |* لخدمات الاستضافة و التصميم و* البرمجة و

قمت بكتابة هذا الموضوع : [دعوة للمناقشة] ماهي الشركة الي تتعامل معها في مبيعاتك بالانترنت؟مثل paypal وغيرها؟ ..

وهذا مثال بسيط لصفحة الشراء : https://magtel.plimus.com/jsp/buynow...ractId=1731618

واعتقد أنه سيفيدكم لبناء متجر متواضع منفرد في موقعكم دون الاشتراك مع مواقع أخرى ممكن تاخذ منكم عمولة..

ولكن بكل تأكيد الاشتراك مع ebay او amazon أربح لكم كثيرا لأنه الزوار من كل الدول ، ويتم الاعلان عن سلعتكم بشكل اتوماتيكي ، مما يوفر عليكم مشقة نشر موقعكم المنفرد ، وهذي الميزة لازم أذكرها

لذلك أصبحت التجارة أقصد البيع عبر المواقع العالمية من أفضل الحلول في البيع عبر الانترنت ..

ونتمنى ان نشوف الأفكار الالكترونية أكثر وأكثر ..

يعطيك العافية خبيرنا الكبير ، وبانتظار أفكارك وأفكار بقية الشباب =]

رد كافي ووافي يالعربي << مجله هذي مو؟؟

ممتاز انه الواحد يشتغل ويبيع من خلال موقعه الخاص

بس بقولك شغله يمكن تفيدك

خلك نفس الانجليز وخصوصا الامريكان.. يروحون يعرضون سلعهم بالمواقع الكبيره ومن خلالها يعلنون عن مواقعهم اللي يبيعون منها

ومنها طبعا يكسبون اعضاء Ebay و زواره

يعني انت اذا بغيت تبيع مثلا دومين روح حطه مثلا Ebay وحط لينك موقعك لما تبي تكتب Description عن السلعه اللي بتبيعها واكتب مثلا For more Brilliant Domain names you can visit our site

ومن هالطرق تقدر تجذب اكبر عدد زوار ومشترين لموقعك

وبالتوفيق خيوو


وان شاء الله المبدع العربي يشرفنا..

[Abachy]

الله يعطيك الصحة والعافيه اخوي والله العظيم افكارك ولا طرت على بالي كلش ما شاء الله عليك خصوصا ردك هذا على الاخ (ومن خلال ربحك تكمل على ال 6 دنانير او 8 دنانير اللي اهوا دفعهم للشحن وتشحنهم له وبالتالي نتخلص من مشكلة غلاء الشحن) صج صج حلوه حركتك ياريت تفيدنا اكثر وتكثر من هالسوالف وبخصوص طريقة الدفع شلون اذا الواحد بغا يدفع بالكريدت كارد لي شلون طريقة الدفع تكون؟

وبانتظار رأيك بارخص شركة شحن من الكويت:nice:

والله لنا الشرف واحد من هالديرة يعطينا من الي عنده من معلومات من غير فائدة هذا ان دل يدل على طيب اصلك وحبك للخير للجميع الله يوفقك ويعينك على اسألتنا :deal:

[M. Al-Dhafeeri]

يعافيك ربي ويسلمك

اي والواحد لازم يفكر ويخترع شغلات لانه عالم التجاره ماتدشه الا اذا كنت شاطر وتحب تسوي شغلات يديده وتفكر بطرق يديده..

بالنسبه اللي بيشتري سلعتك وانت مختار Credit Cards كطريقه للشراء للمشتري.. على ما اظن انه Ebay تفتح للمشتري صفحه خاصه للدفع مثل اي موقع تشتري منه.. والله اعلم

اذا تبي الخبر اليقين انطر لما تخلص فترة المزاد على الاغراض اللي انا ببيعها.. واقولك بالتفصيل الممل ان شاء الله اذا احد اشترى

عشان لا اورطك واقعد أألف كلام من عندي لازم كل شي فيه Credits موثوق..


بالتوفيق

[M. Al-Dhafeeri]

توني دقيت على UPS

ناااااااااااار نااااااااااار الشحن لووووووووول

سالتهم عن التوصيل (طبعا انا من الكويت) الى UK

قالتلي جم حجم الشحنه؟ قلتلها نص كيلو مثلا جان تقولي انطر.. انا مستانس قلت يمكن من صوتها مبين انهم خوش شي ويعطونا اسعار حلوه << شكو!! لوول

قالتلي للنص كيلو 25 دينار :| :| :|

تعدت الحدود هذي لووووووووووول

وجاري ايجاد ان شاء الله شركه نقل تكون قويه.. واذا ماكو نعتمد على FEDEX او اراميكس وكلهم يوصلون الشحن بـ 12 دينار..


بالتوفيق

[A.Y.U.C]

البيع عبر الانترنت يعني انت وحظك يعني إدا كان البائع يخاف الله تحصل علية وإذا كان لا تعرف ان المبلغ المدفوع للسلعة التي قمت بشرائها دهب الى عرض البحر وانا قمت بشراء بعض الاشياء بعضها وصل لي وبعضها لا ....
وقلت ان اللي موجود في الانترنت موجود في السوق وكل شئ موجود ( هذا من ناحيت السلع )


واشكرك على الموضوع النقاشي
مع التحية

[arabic2.com]

أعمل في هذا المجال من سنين والحمد لله وأعتمد في عملية البيع على موقع
RegNow.com - Sell Software Online - Electronic Software & Shareware Marketing & Distribution
ومجال عملي في إنتاج البرمجيات , ولدي ما يقارب 25 برنامج (غير عربية) أغلبها في مجال الصوت والفيديو وال CD و DVD ، في 5 مواقع مختلفة.

أما بالنسبة لسؤالك عن رأيي بالبيع عبر الانترنت فهو بالنسبة لي كل شيء حاليا حيث يعتبر سوق منفتح على العالم ولا يحتاج لرأس مال ولا توجد خسائر فيه ، بالإضافة إلى وسع مجاله فيمكن حاليا البيع عبر الانترنت أغلب ما يمكن بيعه في السوق المحلي.