دعم فني فاشل الى ابعد الحدود مزود icc ادخل واضحك

[ابن غياث]

مزود خدمه موجود عندنا في السعوديه للخط الرقمي dsl حتى يفهمون اخوانا المشكله واكيد انها مرت على بعضكم كل الشركات العربيه تستخدم الكاش في تخزين المواقع حتى تسرع من تصفحها ..

المشكله سبق وطرحتها في البوابه الرقميه وللأسف تم التعديل على العنوان بدون اي حق مجرد تعسف وصاحب المصلحه ماهو معروف الى الآن وانتظر ردهم في قسم الشكاوي ...

العنوان السابق = (( دعم فني سيئ + سرعه مقبوله = شركه فاشله))

تم تغييره الى http://adslgate.com/dsl/showthread.php?t=123571

طبعا الشركه لها دعايه قويه في البوابه الرقميه بشكل مكثف والضعوف هم اللي بيروحون فيها وش فايدة مزود خدمه بدون دعم فني وش الفايده من البوابه الرقميه اذا ماهو مسموح لنا بنشر مشاكلنا فيها؟؟؟

المشكله يا اخواني بكل بساطه تحديث الكاش في مزود الخدمه لكن المصيبه انها جلست اكثر 11 يوم مجرد ساعه يحدثونه ويرجعون يردون الكاش السابق للموقع ...

طبعا في محاوله لتبرير خطاهم ورمي المشكله على الغير قالوا الاستضافه كيف الاستضافه والموقع شغال ومحدث على شركات ثانيه ...

انتبهوا يا اخواني من هالشركه وحتى ما اظلمهم السرعه فيها افضل من غيرها لكن وش الفايده اذا مافيه دعم فني قادر يحل ابسط المشاكل مثل الكاش عندهم ؟؟؟

للمعلوميه المشكله صارت بعد نقل الموقع وتغيير dns والطبيعي يكون 48 ساعه لكن 11 يوم يفتح ساعه كل يوم ويقفل باقي هذي اللي مالها حل ابد

[صلاح الديب]

صراحه الله يعينك مع شركات Dsl بالسعوديه

والله كل يوم اشوف احد يشتكي من الخدمات بالسعوديه

ان شاء الله تدخل لكم شركه منافسه وقتها بتلاقون كل شىء تمام

موفق بأذن الله

[ابن غياث]

ياهلابك اخوي World Of Design ووصل الفرج بإذن الله مابقى شي على الشركه الثانيه للهاتف الثابت

صارت لي قبل مع اكثر من شركه وتم حلها بتحديث الكاش للشركه والله بعضهم ما تم الا 4 ساعات لكن مع هالشركه غير ومبررات تقدر تحكم عليهم منها وضعت الرابط حتى الاخوان ما ينغرون باللي يسمعونه ....

ولقيت اكثر من عضو معنا هنا يمدحونها ومعهم حق لأنهم ما جربوا يكلمون الدعم الفني لها ويطلبون حل مشكله منهم

[d7me4ever]

مرحبا أخوي

أنا لي مع الشركه هذي تقريباً سنتين وزياده ولم أشتكي أبد منها

بالعكس انصح الشباب يشتركون فيها

صح الدعم فني بايخ بس فيه شي يشفع لهم شوي

[أبوهيثم]

وعليكم السلام

بصراحة ما اخفيك اني من عشاق هذه الشركة

وتوني قبل شوي شاري 1 ميجا بسعر 145 ريال

بصراحة icc بطرانة والدعم الفني كلمته اكثر من مرة ولا واجهت اي مشاكل معهم

بالعكس اعتبره جيد

ابوهيثم

[mad921]

انا تعاملت مع شركة روزي موزع لـ اي سي سي و صارت مشكلة بمودم

ورحت للفرع حقهم في شارع السويدي العام طلع هندي ماسك تلفوون

ويفرمت اجهزه

[أبوهيثم]

انا تعاملت مع شركة روزي موزع لـ اي سي سي و صارت مشكلة بمودم

ورحت للفرع حقهم في شارع السويدي العام طلع هندي ماسك تلفوون

ويفرمت اجهزه

قصدك محل روزي لاين وليس شركة

وما فهمت مقصدك في الرد ؟

ابوهيثم

[ابن غياث]

نعم يا اخواني الشركه كسرعة تصفح وتحميل مافيها شي لكن كرهني فيها الدعم فني للأسف اسوء شركه مرت علي هي ...

الى اليوم وهي يفتح الموقع فيها ساعه ويرجع على معلوماته الاوله يبيله تحديث كاش من عندهم شلون مزود خدمه ما عنده دعم فني يعرف يحل مشكله المفروض انها دارجه وبسيطه ؟؟

d7me4ever لا تنصح احد وانا اخوك وشوف الرابط في بداية الموضوع وردود الدعم الفني واغسل يدك منهم خصوصا اصحاب المواقع وانا اكبر دليل قدامك بعد تغيير dns للموقع

أبوهيثم ان شاء الله ما تحتاج للدعم الفني عندهم ومعك حق كسرعة تصفح وتحميل جيده جدا لكن وش الفايده عند مشكله سهله تجلس 11 يوم وش بقى من الاشتراك التجريبي ؟؟

mad921 هههههههههه معروف مكانه شارع السويدي قبل الابراج اكبر ملعوب لعبوه هالشركه وتذكر متى نزلت وتبين الطبخه وشهي حتى اللحين مالها اي ذكر ولا تواجد ما يطلع دعايه لها الا اوقات معينه والسبب مشاكل في الام

هذي تجربه حبيت انقلها لكم وللمعلوميه صارت معي قبل كذا مع شركة صحارى (( تحميلها محدود )) و الو تو نيت والله ما تمت 24 ساعه الا وهي محلوله

[ابن غياث]

ابو هيثم روزي لاين اللي فيه مقهى هو وكيل مودم rozy وهو اللي سوى مزود خدمة dsl للمبادلة اشتراك روزي نت 512 بسعودي نت 512 - بوابة الإنترنت الرقمية ADSLGATE

وفي الاخير طلع موزع لشركة icc حتى البروكسي نفسه

[سلطان المالكي]

يا لبى نسما nesma

[أبوهيثم]

نعم اخوي بس حبيت ابين انه محل وليس شركة , وصاحبه يقرب لي كذلك بس من بعيد

بخصوص icc بصراحة الى الان اعتبرها ممتازة ولم تواجهني بها اي مشاكل

الله يعافيك وييسر امرك

ابوهيثم

[كارم ابراهيم]

ربنا يعين

[ابوعمار]

انا كصاحب استضافة اضم صوتي لصوتك

اولا مشاكل بالاتصالات وياكثرها

ثانيا لما ادخل ريموت اكسس على سيرفراتي الونيدوز من أبطأ ما يكون علما اني دخلت من اتصال باول نت سرعة 128 تصفحه للسيرفر الريموت اسرع من 512

ثالثا زمان كانت ال icc من اسرع تحديثا للكاشات الحين صارت من افشل شركة تغير الكاش
والدليل هذا
العمدة شبكة ومنتديات العمدة
المفروض اذا فتحت الموقع هذا يفتح ولا يحولك على ip
والموقع هذا عندي على سيرفري بالاشتراك حق ال icc يحول لانه الكاش ماتحدث رغم ان الموقع منقول على السيرفر من اسبوع كامل فشل مركب
وكل الاشتركات يفتح عادي عدا ال icc يحول

الله يرحمنا من التخلف الي حنا فيه

للحين ما نعرف كيف نحدث كاشات شلون نفتح شركة انترنت
الافضل اننا نعتزل المجال بسبب تخلف بعض الشركات الي ما تفهم وتبي تسوي نفسها فاهمة وهي من حولها

[t-net]

ياجماعه جودة اي اشتراك حسب المقسم وهذا كلام من واقع تجربه

جربت شركات يذمها البعض وكانت عندي ممتازه جدا
وجربت شركات يمدحها البعض وكانت عندي سيئه جدا

[ابن غياث]

ابو هيثم والنعم بكم وصاحب المحل هو صاحب الشركه والظاهر انك من الافلاج

كلها وانا اخوك ما تستهال 100 ريال ونستغني عنهم بس حبيت انصح الاخوان بما ان اغلب تعاملهم مع المواقع وياليت تبلغني قدرت توصل للدعم الفني امس او اليوم او الرساله هي اللي ترد عليك ؟؟

حتى تحس بالمعاناة اللي كنت فيها اليوم رجعت اجربها بالبروكسي و dns الخاص بهم وdns الخاص بموقع opendns وكلها ما نفعت حتى سوالف ما قدرت ادخل عليها لكن لما غيرت الاشتراك مشى التصفح عال العال

كارم ابراهيم اجمعين عزيزي

ابو عمار تسلم يمينك وهذا اللي للأسف مافهموه الاخوان الى الآن الكاش عند مزودين الخدمه المشكله يفتح الموقع بدون مشاكل لكن التحديث يكون قديم بعضها يوصل الى اكثر من اسبوعين تدخل على المتواجدين الآن ما تحصل الا انت لكن لما تدخل عن طريق بروكسي او شركه ثانيه تلقى المتواجدين والاعضاء المسجلين جديد والمواضيع والردود محدثه وهذا اللي نتكلم عنه او مثل ما صار معك

ليتك تدخل على البوابه الرقميه وتعرف الدعايه هناك عنها حتى اشتراكات تجريبيه توزع لهم لكن عند ابسط مشكله ما تلقى احد وشوف ردود الدعم الفني في موضوعي وتعرف مدى رقيهم وفهمهم عملهم اخر ما قالوا من الاستضافه حيلة العاجز حتى لو كانت من الاستضافه ورجعت الباك اب القديم وانا رافع الكوكيز معقوله ما يجلس في المنتدى الا انا وين السبايدر لمحركات البحث وين باقي الاعضاء وياويلك لو كتبت موضوع عنهم هناك حذف او تعديل ....

t-net ما تكلمنا عن جودة السرعه واثر المقسم عليها كلامنا عن الكاش للمواقع على سيرفراتهم تحديث موقع بعد نقله وتغيير dns كم تاخذ في العاده اسبوعين مثلا ؟؟

غير كذا تحديث الموقع ساعه في اليوم والباقي على الكاش القديم وش منه من المقسم او الشركه المسؤله .....