اخواني الي يعرف عن الكلية الصحية الي بفلوس يدخل

[سلطان المالكي]

بسم الله الرحمن الرحيم

السلام عليكم ورحمة الله وبركاته

مسائكم عسل يا حلوين

من الفجر وانا احاول اكتب موضوع ما قدرت

ما اطول عليكم

اخواني الي يعرف عن طريق التسجيل في الكلية الصحية الي بفلوس تقريباً 45 الف ريال

ياليت يعطينا نظامها

- كم سنة
- طريقة السداد
- المتطلبات
- هل يطلبون نسبة ثانوي او قدرات
- ما هي المتطلبات بشكل عام
- هل الوظيفة مظمونة من قبلهم بعد التوفيق من الله
- كم يقارب راتبها في اول سنة
- هل يقبلون واحد لابس نظارة
- هل مدتها 3 سنوات .. هل المبلغ 45 الف ريال .. هل كاش ام تقصيد ..


اتمنى الاجابة على كل الاسئلة ووضع فكرة عامة لها

اتمنى الحصول على اجابة واذا كنا ملزومين بالثانوي الله يعين بس

وفقكم الله ورعاكم :nice:

[mad921]

معي على مسنجر يا سلطان لكن بفيدك بألي اعرفه لني كنت ناوي اقدم فيها لخوي

اول شئ هم يقبلون علمي وادبي ويقبلون اي نسبة والمعاهد تختلف اسعارهم وافضلهم

السباعي على كلام الدارسين عندهم ولكن هم مجرد يعطونك الماده الدراسية فقط وبعدها

تروح لختبار زي اختبار القدرات اسمه (الاختبار الموحد للكليات الصحيه)

لكن المعهد يعطونك عن المواد الطبيه الي درستها ان نجحت في اختبار طلعت

شهادتك معترف فيها وان ما نجحت مايعترفون بشهادتك ولك محولات كثير اكثر من ثلاث على ما اعتقد

ووظايفهم على حسب التخصص مثل التمريض ماتوظف في الرياض واذا انت تبي رئيي ابعد عنها

لن ممكن تدرس ولا تنجح بختبار لاقدر الله وبعدين فيه خريجين كلية التقنيه اجهزه طبيه وخريجين

المعاهد الصحيه وخريجين دبلوم الملك سعود العالي و خريجين كليات الصحيه ..ألخ كثير يخررجون

وكلهم افضل شهاده من المعاهد في التوظيف ومفاضله في وظيفه ان شاء الله لكن اذا انت تبي

معهد ادخل طب الطوارئ تخصص عليه الكلام ووظايفه حلووه ومطلوب لبعد حد ورواتبهم ممتازه ابحث

عنه في الانترنت وعن رواتبهم الي تبدا من 4000 لـ 11 ألاف زي ماقرينا في موقعهم ولكن الافضل منهم

كلها لو جبت نسبة ودخلت معهد الصحي التابع (لوزارة الصحه او الملك سعود ) لكن ميزتهم حقين الحكومه

بدون اختبار (الموحد للكلية الصحيه ) ولا وجع راس ويميز وزارة الصحة

يوظفونهم على طول في وزارة الصحه وبدون اختبار لنه تبع حكومه وهو الافضل ولو ماقدرت تدخله فيه مسائي

يبدون يقبلون في الفصل الدراسي الثاني وتخصصاتهم اقل لكنه تابع وزارة الصحه وخريجين مسائي نفس

الصباحي وياخذون رسوم معقوله ثلاث او اربع الاف في الترم وتدرس مسائي( العصر للعشاء) لمدة ثلاث سنوات

ودي اتكلم اكثر بس حسيت اني طولت الرد و معليش ما رتبت شوي لكن ان بغيت اي معلومه او شئ ترا

واحد من اخواني يدرس تبع الوزارة ان بغيت اي استفسار ولاشئ نخدمك ياسلطان

[سلطان المالكي]

وفقك الله خي الغالي mad921

كفيت ووفيت والله

نتقابل على الماسنجر ان شاء الله بعد الصلاة


وفقك الله ورعاك

[بدر 821]

وعليكم السلام

قصدك الكلية الصحيه اللي في الشرقيه ؟؟

اذا هي اقدر افيدك باذن الله

[سلطان المالكي]

بدر 821

نعم هي في الشرقية وفي الرياض وفي بعض المناطق

لكن المقر الرئيسي في جدة

وفقك الله ورعاك

[فرح]

تجد هنا اخى معلومات وتفاصيل عن الكلية وتجارب دارسيها

قاعة الملتقى العامة للأكاديمية الدولية للعلوم الصحية - منتدى الجامعات السعودية - القاعات

موفق

[abo same]

وعليكم السلام اخوي ان متخرج من معهد خاص والحمدلله موظف في وزارة الصحة الان

- كم سنة
سنتين ونصف

- طريقة السداد
كل ترم تدفع قيمة الترم وبالاخير مايعطونك شهادت الا بعد تسديد كامل المبلغ

- المتطلبات
شهادة ثانوية عامه (وفيه تقبل شرعي ويكون مدة الدراسه ثلاث سنوات فيه للشرعي)
- هل يطلبون نسبة ثانوي او قدرات
شهادة الثانويه فقط قدرات ماطلبوه علي اذا في انظمه جديد مادري
- ما هي المتطلبات بشكل عام
لايوجد شي صعب فقط شهادة ثانويه وحسن سيره وسلوك
- هل الوظيفة مظمونة من قبلهم بعد التوفيق من الله
من قبلهم لا ولاكن تقوم بالاختبار بالهيئة السعودية للتخصصات واذا نجحت ترفع اغوراقك الى الديوان وتكون وضيفتك بالدور ماتطوول سنه ونص بالكثير بالوقت الراهن او اقل فيه شباب توضفو باقل من ست شهوور
- كم يقارب راتبها في اول سنة
نفس راتب اي شخص حكومي اذا كانت توظفت في وزارة الصحة
- هل يقبلون واحد لابس نظارة
بدون شك ان شاء الله:eek2:

- هل مدتها 3 سنوات .. هل المبلغ 45 الف ريال .. هل كاش ام تقصيد ..
سنتين ونص على دراستي فيها والمبلغ 48 تمريض واشعه 50 صيدله ويكون الدفع كل فصل دراسي

وتقبل تحياتي

[سلطان المالكي]

شكراً لكم جميعاً

اخي ابو سامي

لقد قمت بأضافتك

sultanalmalki @ gmail .com

[Khalid S. AL-Ghamdi]

بس حبيت اضيف أنه في كلية المجتمع بجدة التابعة لجامعة الملك عبدالعزيز
هناك تخصص صيدلة والدراسة مجاناً والقبول مو معقد

[nx21]

اضافة بسيطة
مسماها معهد اكاديمي وليس كلية
ومثل ماذكر ابو سامي بالضبط .. لكن انتبه ثم انتبه يوجد معاهد او بالاخص اقسام ليس معترف بها حالياَ في وزارة الصحة .. ومع ذالك تجد بعض المعاهد تقوم باعطاء دبلوم لهذه التخصصات وهيا بالاصل ليست معتمده حتى الان!

بامكانك الدخول الى الهيئة السعودية للتخصصات الصحية - الرئيسة لمعرفة التخصصات والمعاهد المعتمدة

موفق

[سلطان المالكي]

اخي ابو الوليد وفقك الله على الاضافة

اولاً انا اقصد قسم تمريض ^_^

وثانياً انا زي السمك اذا طلعت من الماء تموت ,, ما اقدر اطلع من الرياض احبها الصراحة ولو ما احصل وظيفة فيها مو مشكلة راح اقعد حتى لو بدون وظيفة .

وفقك الله ورعاك

اخي الغالي nx21

مشكور على الاضافة والتوضيح وان شاء الله سوف ازور الرابط واشوفه وفقك الله ورعاك

[a-studio]

عزيزي .. فيه كلية صحيه تابعه لوزارة الصحة
وعندهم قسم مخصص للي يدرسون بفلوس .. اتوقع الترم بـ 5000

وصفها بالرياض .. الدائري الجنوبي بجوار مستشفى الإيمان