اعلانات عربى بين الخدمة والمصداقية (والفرق مع جوجل)

[Mahmoud Ahmed]

السلام عليكم ورحمة الله وبركاته
اخوانى فى الله
طبعا كلنا سمعنا عن نظام " كلمات عربي " للإعلانات النصية" الى تايع لموقع مكتوب
الموقع دا المفروض انه اول محرك بحث عربى وقام بخطوة حلوة اوى عرفتها من تقريبا 10 شهور
انه بيعمل نظام اعلانات نصية للمواقع العربية وبيحتسب بالضغطة ودا كان شئ جميل خصوصا بعد ما عانيت مع جوجل فى انى مكنتش عارف اشترك عليه خالص وكمان الشركات التانية الاجنبية كان فيها بعض الاعلانات الغير مرغوب فيها (جنسية)
بعدها فعلا قررت انى اشترك فى البرنامج بتاع اعلانات عربى
وللأسف بعد اقل من شهر بدأت تظهر مشاكل كتير منها الاعلانات مش بتظهر عند ناس كتير وكل امى ابعتلهم رسالة .. يقلولى خلل فنى واحنا شغالين
لدرجة اوقات مكنتش اعرف ادخل على حسابى واضطر ابعتلهم تانى بصراحة الجماعة فى اغلب الرسائل بيردو (دا مش معناه انهم بيردو على كل الرسائل) عموما استميرت وبعد اقل كام شهر بدأ الموقع يتظبط واختفت المشاكل بنسبة كبيرة
وفضلت حاطط الاعلان فى منتداى وموقعى لحد ما كملت 100 $ ودا الى المفروض انهم بيبعتو بعدها ليك المبلغ او دا اقل مبلغ ( بصراحة حبيت اختبر مدى مصداقيتهم مع العملاء) طلبت الارسال على حوالة وسترن يونيون الى مصر
جه الرد بأنى ابعت لهم بياناتى بالتفصيل لدرجة انهم طلبو رقمى القومى وبصراحة عادى اديتهم البيانات كلها
وردو قالو انهم هيبعتو فى اقرب وقت ممكن
انتظرت اسبوع واتنين محدش عبرنى بعتلهم رسالة تانى قلتلهم انا طلبت الارسال عن طريقة وسترن يونيون جه الرد فى اقل من 10 دقايق نأسف على عدم الارسال ولذلك علشان انهم مش بيرسلو عن طريق وسترن يونيون للأسف قلتلهم المطلوب دلوقتى ؟؟
قلولى انى لازم رقم حساب بنكى خاص فى حين ذلك اديتهم رقم حساب بنكى خاص بوالدى وجه الرد سيتم الارسال خلال يوم الاربعاء القادم لاننا مش بنرسل غير فى اليوم دا
وعدى يوم الاربعاء وخلص لحد يوم الاتنين الى بعده وارسالت رسالة فيهم الارسال قلولى احنا اسفين مش ينفع نرسلك غير امى تكمل 150$ علشان دى قرارات جدبدة الشركة اخدتها من يوم واحد مع انى المفروض طلبت الارسال قبلها بتقريبا 4 ايام المهم
بصراحة اتخنقت منهم ومن اسلوبهم خصوصا انى المفروض يدو علم بأنهم غيرو اى حاجة فى سياسة التعامل وكدا وهما حتى محاولش يتصلو بيا غير على الميل ومرتين على التلفون الخاص والمرتين على التلفون الخاص كانت سؤال عن مدى رضاى عن الخدمة وعن الدعم الفنى والمرة التانية كانت عشان مكنش حسابى راضى يفتح فأدونى كلمة المرور على جوالى
عموما
بعد فترة قلت اجب اكمل 150$ خصوصا بعد ما ترتيب موقعى رفع جامد وعدد اعضائى زادت الحمد لله بنسبة كبيرة خلال 5 شهور عموما حطيت الاعلان وفى اقل من شهر تقريبا .. كملت 150$ وطلبت الارسال من يومين ومحدش عبرنى حتى برسالة يقلى هنرسل لك ولا مش هنرسلك
(بصراحة الموقع دا حطنى بين النقيدين )
1 - انهم معندهمش اى امكانيات لمجرد يقدو خدمة زى دى والله اعلم
2 - انى خدمة الدعم والادارة غير متكافئه وغير مهتمه بالناس
واقل دليل على كدا حتى فكروش انهم يغيرو فى الشروط فى موقعهم
http://ads.araby.com/index.php?secti...tion=help#rev6

اقتباسما هو الحد الأدنى حتى أستلم إيراداتي ؟

اقتباس

الحد الأدنى هو 100$ دولار أمريكي.

فى حين اتعاملت مع جوجل وفى اقل من 3 شهور واول مرة طلبت فيها الارسال تم الارسال بدون اى مشاكل ومعملش كل الحورات دى

يبقى فعلا فى الوقت دا خدمة جوجل افضل وعمر ما نظام كلمات عربى هينجح بالطريقة دى
مش عارف هل انا فعلا الوحيد الى واجهت المشاكل دى معاهم ولا
يا جماعة ارجو الرد هل فعلا خدمة كلمات عربى ناجحة ولها مصداقية ام مجرد
اسف على كثرة الكلام ولكنى كتبت هذا الموضوع لمجرد السؤال ولمعرفة الجميع


فى النهاية ارجو لمدن لدية عضوية بسوالف نقل الموضوع ليعلم الجميع عنهم

http://www.traidnt.net/vb/showthread.php?t=730963

[mo2men]

ربنا معاك

[عبد الله هُربي]

فعلاً .. لا يوجد مصداقية .. واعلانات عربي هي محاولة لتقليد جوجل ..!!
الى متى سنظل نقلد ..

[سليمان عبدالعزيز]

اعلانات عربى بين الخدمة والمصداقية (والفرق مع جوجل)

بالله تقران عربي بقوقل صاحي انت ..!؟

[Asd.Alrafedain]

ربنا يعينك
مايضيع حق كل من يأكل ماله بالحرام
متشوفنا فاشلين في كل شيء

[أبوهيثم]

شوف اخوي هالموضوع

تقرير عن معرض CAIRO ICT - سوالف سوفت

واقتبس منه الكلام المهم لموضوعك وهو

س: يقول بعض الاعضاء انه مشتركون لديكم و لم يحصلو علي اموالهم و البعض الاخر يقول استلم و البعض يقول ان تم اغلاق حسابة ولا يعرف السبب و البعض يشكوي من تأخر الاستلام
ج: علي فكرة كان الصبح لسه في مجموعة من الشباب يتحدثون مع في تلك النقطة
الفكرة ان النظام تجربي في الوقت الحالي و الحسابات تتم بشكل يدوي و يوجد بعض الناس يتستخدمون طرق غير شرعية مما يجعل الموضوع صعب بالنسبة لنا
- بالنسبة لتأخير الاستلام :
في المرحلة الاولي كان بيتم ارسال الاموال عن وصولها الي 100 دولار من خلال شركة ويسترن الامريكية ولاكن حدث مشاكل معها بسبب قوانيين الارهاب (فبالنسبة للمرسل اليه لا نعرف عنه معلومات كثيرة ) فبذالك وقفنا التعامل مع الوسترن لتجنب المشاكل و أستخدمنا التحويل عن طريق البنوك فأرغمتنا علي رفع المبلغ المرسل الي 150 دولار, كما او ضحت لك الحسابات تتم بشكل يدوي وهذا هو سبب التأخير
-استلام المبالغ : فعلا تم التسليم لبعض الناس ولسه في شخص مستلم مبلغ ضخم حوالي..... (لا أتذكر المبلغ للأمانة)
وطبعا الناس محتاجة اثبات للأستلام مثل جوجل ولاكن كلمات لا تقوم بأرسال شيك حتي بثبت الشخص المستلم للناس انه استلم بوضع صورة
- بالنسبة لأغلاق الحساب:
في الاول بيتم الموافقه علي الموقع اذا كان لا يخالف الشروط الموجودة في الموقع ولاكن بالنسبة لأسباب الاغلاق كانت الضغطات الغير شرعية هي ما يسبب اغلاق الحساب

ابوهيثم

[مرزوق كوم]

والله كرهت عربي من كثر مواضيعة

ياخوان عربي تجربي طنشوه لاتشتركو فيه خليهم يطورون بيظل عربي طول عمره تجريبي لين يوصل للي يبيه

والله اني افكر اعلن لمدة ثلاث اشهر واعطي اصحاب المواقع دبل الي يعطيهم عربي بس هل يرضون اكييييد لا

احنا كذا نحب ان ينظحك علينا

[مرشوش بفليت]

لا يمكن المقارنة بين جوجل ومكتوب فشتان بين الثرى و الثريا ... ومع احترامي لمكتوب الا أنهم لم يقدموا خدمة جيدة في عربي تجعل الناس تثق بهم ... حتى أن التسجيل مغلق الآن ...

وعلى العموم يستطيعون محو كل الكلام السيء عنهم بدفع كل المبالغ المستحقة عليهم وسيتحدث بعدها الجميع عن هذا الحدث في كل المنتديات المهتمة بتطوير المواقع وسيعود الجميع للتعامل معهم ... لكن المهم أن يكونوا صادقين بالتعامل مع الناس ...

ولكن ... وعلى الرغم من سوء عربي غإن جوجل لم يمثل الحل الأمثل بالنسبة لي ... حيث انني استخدم كوداً لأحد الاصدقاء لمدة أسبوع وهذه احصائياته ...

عدد الظهور : 6 831
عدد الظغطات : 203
المجموع : 2,33 $US

سعر 1 سنت للضغطة أي أننا نضع اعلانات مجانية لجوجل في مواقعنا ... فبالله عليك كم نقرة أريد لجمع 100 دولار أستطيع طلبها ؟

بالتوفيق ... و بانتظار بديل حقيقي لجوجل أو تغيير حقيقي في سياساته المتجاهلة للمواقع العربية ... او تغير حقيقي كذلك في فكر التجار المعلنين والذين لا زالوا يتجاهلون الانترنت متناسين ان الملايين يقضون الساعات الطوال يومياً عليه ...

[محمود المسعودي]

عذراً لغلق الموضوع، لكن الموضوع تم نقله هنا بالفعل من قبل
http://www.swalif.net/softs/swalif54/softs220418/