مشروع القادم " سيارة ليموزين " لاتضحك ترى اتكلم بجد

[خطوة خطوة]

اولا هذي ابتسامه

ثانيا هذي ابتسامه اكبر

يبدو اني ما وجدت مطلبي على صفحات النت والحلم بتحقيق دخل ثابت

اليوم جتني فكرة وابي مشورتكم فيها لاني تعودت اخذ مشوره منكم لثقتي بعقولكم

تعرفت على شخص يملك شركة ليموزين " تكسي " عنده قرابت 150 سيارة ليموزين في الرياض

وجتني فكرة ابي اطلع 3 سيارات ليموزين واحطها عنده واستفيد من دخلها الشهري

بحسبه بسيطه سعر السياراة مثلا كامري 2008 قرابت 75000 ريال

3 سيارات = 225000 ريال قول مع التقسيط والى اخره مبلغ 240.000

كل سيارة تجيب في اليوم اقل مبلغ 100 ريال = 100 ريال * 25 يوم = 2500 ريال

يعني 2500 ريال * 12 شهر = 30.000 ريال في 4 سنوات 120.000 ريال

3 سيارات تعمل لمدة 4 ستوات = 120.000 * 4 = 480.000 ريال

الربح المتوقع 340.000 ريال


وش رايكم :1power:

[t7t7.com]

والله هي ممتازه ولو تعرف احد عنده لموزين انا بااشتري.. لكن مبغى وكاله ..


لو تعرف موقع نتصفح فيه نشوف فيه لموزين للبيع او مكان بالرياض لاجيت اشوفه ..

[G-Master]

احسبها بشكل تجاري بعيد عن الاحلام الوردية

و الله يوفقك و يوفق الجميع .

[محب الله ورسوله]

لا تنسي أخي الأعطال والصيانة والتصليحات والأجازات إلخ
تابع سواق ليموزين وأعمل دراسة جدوي جيدة

[mad921]

احسبها تجاري
3 سيارات بـ 75 الاف
مصاريف صيانه شهري لكل سياره ماراح تقل عن 700 ريال شهري (زيت وكفرات ..ألخ)

قسط السياره شهري بتدفعه 4500 ريال لكل ثلاث سيارات

ولاتنسى قيمة السيارات بـعد اربع سنوات بتسوى حوالي 70 الاف (ثلاث سيارات)

يمكن يكون ردي مهو مراتب لكن بعض حسابات وشوف هي شغله مربحه لكن تحتاج

صبر ولاتنتظر الربح انتظر توسع يعني لو كل سنه تطلع سياره من الربح الى ان تجمع لك

كم سياره وتفتح لك مستقل افضل من مشروع تربطه بصلاحية نهاية ومشروع ممتاز لكن

اشوف انه يحتاج متابعه ومشاكل مع السواقين و السيارات تتعطل يومين بورشه ولايعطيك

اليوميه يصدم او ينحج السواق تصير لهم مشكلة هاذاي اذا تقدر عليها ممتاز

والله يوفقك ويرزقك ومشروعك رائع

ان شاء الله

[فتى الشرقيه]

بالعكس ماحد بيضحك عليك

المشروع ناجح بنسبة 75%

انا عن نفسي من 6 شهور افكر اخذ ليموزين واشتغل فيها وقت الطفره فقط

لان الايام ذي الواحد راتبه ما يكفيه ؟

ادع الله وتوكل لو قلنا بنصدم ما شرينا سيارات

[ABU WSAM]

الموزين يجيب يومين اكثر من 100

اذا عندك المبلغ هذا 225000 ريال اشتر معدات ثقيله مثلاً قلاب لو مستعمل واجره للاحد الشركات او المؤسسات وراح يجيك دخل ثابت 30 الف ريال شهرياً .

[mad_4u]

فكر في شراء شاحنة بتكلفك ممكن قيمة 3 سيرات
بس يجيك منها دخل يومي من 500 الى 1000 ريال هذا ان كان السواق كسلان وان كان نشيط يجيب لك 2000 ريال في 4 مشاوير

[فيصل السلوم]

الموزين يجيب يومين اكثر من 100

اذا عندك المبلغ هذا 225000 ريال اشتر معدات ثقيله مثلاً قلاب لو مستعمل واجره للاحد الشركات او المؤسسات وراح يجيك دخل ثابت 30 الف ريال شهرياً .

فكر في شراء شاحنة بتكلفك ممكن قيمة 3 سيرات
بس يجيك منها دخل يومي من 500 الى 1000 ريال هذا ان كان السواق كسلان وان كان نشيط يجيب لك 2000 ريال في 4 مشاوير

لا انصح بذلك

ولي خبره في هذي النقاط السابقه

اكثر من 25 سنه اتعامل مع المعدات الثقيله

والارقام اللي فوق خرافيه


في السابق كانت تجيب شغل زين وكنا محدودين في السوق


ولكن الان لا انصحك بها

خاصه وانك لست بخبير
وليس لك معارف لكي تشغلها لدى الشركات


عدا عن اعطالها ومصاريفها التي تكلف الكثير من المال


كذلك لا انصحك باللموزين

لان هناك مشريع انجح منها بمئات المرات




خذ مثلا ( مشغل نسائي على مستوى مرموق مع كوافيره ) له شعبيه وسوق بين النساء ومعه ستنفتح لك بوابه التجاره

ولكن نصيحه اخويه

دراسة الجدوى

ثم دراسة الجدوى


ثم دراسة الجدوى



( احدثك بخبرتي العملية والعلميه والتي هي مقاربه لما تريد منا ان نساعدك فيه )

[www.q6if.com]

ترى هالايام السوق ماشي على التريلات [ الشاحنات ]

خذهـا واجرهـا على الشركات ,, وانت جالس في البيـــــت

[سولفجي رقم 1]

ماعندييي اي خبرةة عن الموضوع

ماقولك غيررررر مشكوووووورر

[علي العتيبي]

السلام عليكم


قيمة سيارة وحدة من سيارات الليمزين

افتح لك كافي شوب أو مطعم مختص بالوجبات السريعة فقط

لكن بفكرة جديدة

[سليمان عبدالعزيز]

يا هلا اخوي ..,


شوف
بما انك تقدر تدفع 250 الف

خلي 150 الف مثلاً لـِ اليموزين و الـ 100 الف الثانيه ...

سو فيها كوفي شوب ومقهى انترنت :nice:

بخصوص اليموزين

تقدر تتفق مع السواق مثلا باليوم يدفع لك 120 ريال

ولو جمع اهو 500 باليوم ولا 50 كيفه


وإصلاح السياره من اعطال .. الخ

يكون اول سنه عليك والسنه الثانيه مثلا بينكم 50%

ومشروع الكوفي شوب اكثر الناس تمدحه

[بدر 821]

واحد من اخوياي شرا تريله بحوالي 140 الف واجرها على شركة تقريبا ب15 الف شهريا

15000*12=180000 ريال

انصحك بهالمشروع دخله مضمون
بس ضروري السواق يكون ذيب وفاهم

[سامري]

الاخ فيصل السلوم اعجبني رده لانه يتكلم عن خبره

الافضل هو المشغل النسائي واي شي فيه حريم طال عمرك هو ناجح

ضبط لك دعايه حلوه على مكان بمكان حلو وملفت ... الخ

رح تنجح فيه ،، حتى لو راس مالك مايكفيه استفيد من عروض عبداللطيف جميل لخدمة المجتمتع ترى لهم

دور رائع جدا وانا متأكد أنك رح تبدع

اسال الله العلي القدير ان يرزقك حلالا طيبا ويبعدك عن كل حرام ويوفقك فيما تريد