شدني الموضوع يانمر ،،، وقررت اشارك
بصراحة ألم الأسنان جدا رهيب وغير طبيعي والمشكلة انها ماتألمك الا في انصاص الليالي .
اللي خلاني اشارك بصراحه اني قبل اقل من شهر كنت في عيادة دكتور الاسنان ابي شغلتين
خلع ضرس العقل و اشيل اعصاب الضرس اللي قبله .
طبعا انا اتعالج عند دكتورة كويسة بس عيبها تحب الدراهم يعني شيل العصب بس بـ 400 ريال .
من خلال خبرتي والامي غير المنقطعة للأسنان احب اضيف كم شغلة يمكن يستفيدون منها القراء ويدعون لي .
طبعا راح انصحهم بزيت اسمة زيت القرنفل ويباع في الصيدليات وسعره من 3 الى 10 ريال على حسب النوع وافضل شي النوع الهندي ابو كرتونه خضراء .
اذا واجهك الم اسنان في وقت حرج من الليل او خلال الدوام ماعليك الا انك تحط شويه من هالزيت على قطنة او منديل وتضعة الى مكان الألم لمدة 3 - 5 دقايق لا اكثر .
وبإذن الله سيعمل على تخدير المنطقة الى ان تتجاوز الوقت الحرج وتراجع اقرب طبيب .
زيادة فترة وضع القطنه او المنديل على موضع الألم سيعمل على إهلاك اللثه يعني لثتك بتروح فيها لا الزيت حار
نصيحه للي عندهم قولون ويستخدمون الزيت هذا ( حاول قد ما تقدر انك ماتبلع ابد ريقك وانت حاطه لانه من الطبيعي انه زيت حار على البطن وبيأثر على قولونك ومن الالم بتصير كأنك ربيانه :P
بصراحه لا انصح بمعجون اسنان بل بالمسواك فهو اصرف وارخص وطبيعي وماقد عرفت الم الاسنان الا من بعد فرشاة اكوافاك ومعجون الاسنان.
بالنسبة للأطباء بصراحه اليومين هذي اختلط الحابل بالنابل وصارت الدنيا مادية بحته مع اغفال جودة الخدمة المقدمة . يعني يبيلك تتأكد من تعقيم كل الادوات بنفسك وتسأل 50 مره قبل كل حركة.
رد مع اقتباس
المشاركة الأصلية كتبت بواسطة World Of Design 
